ନୂଆଦିଲ୍ଲୀ,୨୦।୨: ଆଇଆର୍ସିଟିସି ଆଇପେ’ ଅଟୋପେ’(IRCTC iPay Autopay) ଆଇଆର୍ସିଟିସି ଓ୍ବେବ୍ସାଇଟ୍ ନଚେତ ଆପ୍ରେ ଉପଲବ୍ଧ ହେଉଥିବା ଏକ ପେମେଣ୍ଟ ଅପ୍ଶନ ଯେଉଁଥିରେ ପେମେଣ୍ଟ ନ କରି ବି ଟିକେଟ ବୁକ୍ କରିହେବ। ଡିଜିଟାଲ ନେଣଦେଣକୁ ବଢ଼ାଇବା ଲାଗି IRCTC ଭିନ୍ନ ଭିନ୍ନ କ୍ୟାଶଲେସ୍ ମୋଡ୍ ଯେଉଁଭଳି ନେଟ୍ ବ୍ୟାଙ୍କିଂ, କ୍ରେଡିଟ୍/ଡେଭିଟ୍ କାର୍ଡ, କ୍ୟାଶ କାର୍ଡ, ଇ-ଓ୍ବାଲେଟ୍ ଏବଂ ୟୁପିଆଇ ମାଧ୍ୟମରେ ଟିକେଟ କ୍ରୟ କରିବାର ଅନୁମତି ଦେଉଛି। ଯେଉଁ ଲୋକ IRCTC ଓ୍ବେବ୍ସାଇଟ୍ କିମ୍ବା ଆପ୍ ଜରିଆରେ ଟିକେଟ ବୁକ୍ କରୁଛନ୍ତି ଅଥବା କ୍ୟାନ୍ସଲ କରୁଛନ୍ତି, ତେବେ ସେମାନଙ୍କଠାରୁ କ୍ଲାସ ଆଧାରରେ ଏକ ନିଶ୍ଚିତ ରାଶି ନିଆଯିବ।
ଯଦିଓ କୌଣସି ବ୍ୟକ୍ତି IRCTC ଆଇପେ’ ଅଟୋପେ’ ସୁବିଧା ମାଧ୍ୟମରେ ରେଳ ଟିକେଟ ବୁକ୍ କରୁଛନ୍ତି ତେବେ ସେ ପେମେଣ୍ଟ ନ କରି ବି ଏହାକୁ ବୁକ୍ କରିପାରିବେ। ଟିକେଟ୍ କନ୍ଫର୍ମ ହେବା ପରେ ହିଁ ଟଙ୍କା ଆପଣା ଛାଏ ଆକାଉଣ୍ଟରୁ କଟିଯିବ। ଏଣୁ ତାଙ୍କୁ ଟିକେଟ ବୁକ୍ ହୋଇ ନ ପାରିବା ଅଥବା ରଦ୍ଦ ହେବାକୁ ନେଇ ଅତରିକ୍ତ ଦେୟ ଦେବାକୁ ପଡ଼ିବ ନାହିଁ। ଯେତେବେଳେ କୌଣସି ବ୍ୟକ୍ତି IRCTC ଆଇପେ’ ଅଟୋପେ’ ସୁବିଧା ମାଧ୍ୟମରେ ଟ୍ରେନ୍ ଟିକେଟ ବୁକ୍ କରନ୍ତି ସେତେବେଳେ ଟିକେଟ ରାଶି ବ୍ୟାଙ୍କ ଆକାଉଣ୍ଟରୁ ଅସ୍ଥାୟୀ ରୂପେ ଲକ୍ ହୋଇଯିବ। ଟିକେଟ କନଫର୍ମ ନ ହେଲେ କିମ୍ବା ରଦ୍ଦ ହୋଇଗଲେ ତୁରନ୍ତ ଏହି ରାଶି ରିଫଣ୍ଡ ମିଳିଯିବ।
ବିଶେଷକରି IRCTC iPay Autopay ସେବା ଓ୍ବେଟିଂ ଟିକେଟ ବୁକ୍ କରିବା ଲାଗି ଲାଭଦାୟକ। ଯଦି କେହି ଓ୍ବେଟିଂ ଲିଷ୍ଟରେ ଥିବା ଟିକେଟ ବୁକ୍ କରନ୍ତି ଏବଂ ସେ କନ୍ଫର୍ମ ହୋଇ ନ ଥାନ୍ତି ତେବେ ଟଙ୍କା ଫେରସ୍ତ ମିଳିଯାଇଥାଏ। ଟିକେଟ ଲାଗି ପିଏନ୍ଆର୍ ଜେନେରେଟ୍ ହେବା ପରେ ଆକାଉଣ୍ଟରୁ ଟଙ୍କା କଟିଥାଏ ବୋଲି IRCTC ଓ୍ବେବ୍ସାଇଟ୍ରେ କୁହାଯାଇଛି।
IRCTC iPay ଜରିଆରେ କିଭଳି କରିବେ ଟିକେଟ ବୁକ୍?
-IRCTCର ଓ୍ବେବ୍ସାଇଟ୍ ନଚେତ ଏହାର ମୋବାଇଲ ଆପ୍କୁ ଯାଆନ୍ତୁ।
-ଯାତ୍ରା ସୂଚନା ପୂର୍ଣ୍ଣ କରନ୍ତୁ
-ପେମେଣ୍ଟ ମୋଡ୍ ଆସିବା ପରେ IRCTC iPay ନଜର ଆସିବ
-IRCTC iPay ବିକଳ୍ପକୁ ଚୟନ କରନ୍ତୁ। ପରେ କିଭଳି ପେମେଣ୍ଟ କରିବେ ତାହା ଚୟନ କରନ୍ତୁ।
