ନୂଆଦିଲ୍ଲୀ,୧୬।୧୧: ଆମେ ସମସ୍ତେ କଳା ଜଳ ବା ବ୍ଲାକ ଓ୍ବାଟରର ନାମ ଅର୍ଥାତ୍ କ୍ଷାରୀୟ ଜଳର ନାମ ଶୁଣିଛୁ । ଆପଣ ପ୍ରାୟ ପ୍ରତ୍ୟେକ ସେଲିବ୍ରିଟି ଏହାର ଗୁଣ ବିଷୟରେ କଥାବାର୍ତ୍ତା ହେଉଥିବା ଶୁଣିଥିବେ ନିଶ୍ଚୟ। ଲୋକମାନେ ମହଙ୍ଗା ସତ୍ତ୍ୱେ ଫିଟ ଏବଂ ସୁସ୍ଥ ରହିବା ପାଇଁ ଏହାକୁ ପିଇବାକୁ ପସନ୍ଦ କରନ୍ତି। ଅବଶ୍ୟ, ଏହା ମହଙ୍ଗା ହୋଇଥିବାରୁ ଏହା ସାଧାରଣ ଲୋକଙ୍କ ପାଖରେ ପହଞ୍ଚିବା ଟିକେ କ୍ଯଯକର ହୋଇଥା,।
ମାନବ ଶରୀରର ୭୦ ପ୍ରତିଶତ ଜଳ ଦ୍ୱାରା ଗଠିତ। ତେଣୁ ଶରୀରକୁ ସୁସ୍ଥ ରଖିବା ପାଇଁ ପର୍ଯ୍ୟାପ୍ତ ପରିମାଣର ପାଣି ପିଇବା ଅତ୍ୟନ୍ତ ଜରୁରୀ ଅଟେ। ଜଳ କେବଳ ଆମ ଶରୀରରୁ ଅନାବଶ୍ୟକ ଉପାଦାନକୁ ବାହାର କରିନଥାଏ ବରଂ ଶରୀରର ସାଧାରଣ ତାପମାତ୍ରାକୁ ମଧ୍ୟ ବଜାୟ ରଖେ। ଆହୁରି ମଧ୍ୟ, ଅଧିକ ପାଣି ପିଇବା ଆମ ଶରୀରରେ କୋଷ୍ଠକାଠିନ୍ୟ ଭଳି ସମସ୍ୟା ସୃଷ୍ଟି କରେ ନାହିଁ ।
କଳା ଜଳ ବିକ୍ରୟ କରୁଥିବା କମ୍ପାନୀଗୁଡିକ ଏଥିରେ ୭୦ରୁ ଅଧିକ ଖଣିଜ ପଦାର୍ଥ ମିଶାଇ ଏହି ଜଳ ବିକ୍ରୟ କରୁଥିବା ଦାବି କରନ୍ତି। ମ୍ୟାଗ୍ନେସିୟମ ଏବଂ କ୍ୟାଲସିୟମ ପରି ଖଣିଜ ପଦାର୍ଥଗୁଡିକ କଳା ପାଣିରେ ଉପସ୍ଥିତ ବୋଲି ଦାବି କରାଯାଏ।
ଉତ୍ତରପ୍ରଦେଶର ହରଦୋଇରେ ଶତ୍ତାୟୁ ଆୟୁର୍ବେଦ ଏବଂ ପଞ୍ଚକର୍ମ କେନ୍ଦ୍ର ପରିଚାଳନା କରୁଥିବା ଡକ୍ଟର ଅମିତ କୁମାର କୁହନ୍ତି, କଳା ଜଳର କ୍ଷାରୀୟ ପ୍ରକୃତି ହେତୁ ଏହା ଆମ ଶରୀର ପାଇଁ ଅତ୍ୟନ୍ତ ଲାଭଦାୟକ ଅଟେ। ଏହା ବ୍ୟତୀତ ଏଥିରେ ଅନେକ ଖଣିଜ ପଦାର୍ଥ ମଧ୍ୟ ରହିଥାଏ। ଏହା ଆମ ଶରୀର ପାଇଁ ଆହୁରି ଲାଦାୟକ। କଳା ଜଳ ଶରୀରରେ ମେଟାବୋଲିଜିମକୁ ତ୍ୱରାନ୍ବିତ କରେ, ହଜମ ପ୍ରକ୍ରିୟାରେ ଉନ୍ନତି କରେ, ଅମ୍ଳତା ହ୍ରାସ କରେ ଏବଂ ରୋଗ ପ୍ରତିରୋଧକ ଶକ୍ତି ବଢାଏ । ଆମେ ପିଇଥିବା ସାଧାରଣ ପାଣିରେ ଅପେକ୍ଷାକୃତ ଅଳ୍ପ ପରିମାଣରେ କିଛି ଖଣିଜ ପଦାର୍ଥ ରହିଥାଏ। ଏହି ଖଣିଜ ପଦାର୍ଥ ଆମ ଶରୀର ପାଇଁ ଜରୁରୀ ଏବଂ ଯଦି ସେଥିରେ ଅଭାବ ଥାଏ, ତେବେ ଜଣେ ବ୍ୟକ୍ତି ମଧ୍ୟ ଅସୁସ୍ଥ ହୋଇପାରେ। ଆରଓ ଜଳର ପିଏଚ ସ୍ତର କମ ଏବଂ ଏହାର ଅମ୍ଳୀୟ ପ୍ରକୃତି ଅଧିକ। ଏହି କାରଣରୁ, ବେଳେବେଳେ RO ଜଳ ଯୋଗୁଁ ଶରୀର ସମସ୍ୟାର ସମ୍ମୁଖୀନ ହୋଇପାରେ। ଫଳସ୍ବରୂପ, ଆମକୁ ବେଳେବେଳେ ଅତିରିକ୍ତ ଭିଟାମିନ ଏବଂ ସପ୍ଲିମେଣ୍ଟ ନେବାକୁ ପଡେ । ଏଭଳି ପରିସ୍ଥିତିରେ କଳା ଜଳ ଏହାକୁ କିଛି ପରିମାଣରେ ଏଡ଼ାଇବାରେ ସାହାଯ୍ୟ କରିଥାଏ। ତଥାପି, ଆମକୁ ମଧ୍ୟ ମନେ ରଖିବାକୁ ହେବ ଯେ ପ୍ରାକୃତିକ ବିକଳ୍ପଗୁଡ଼ିକ ଏହି ଜିନିଷ ଅପେକ୍ଷା ସର୍ବଦା ଅଧିକ ପ୍ରଭାବଶାଳୀ।
ଡକ୍ଟର ଅମିତ ଆହୁରି କହିଛନ୍ତି, ତରଳ ଖାଦ୍ୟର ଅମ୍ଳୀୟ ଏବଂ କ୍ଷାରୀୟ ଗୁଣ ପିଏଚ ଦ୍ୱାରା ମାପ କରାଯାଏ, ଯାହା ୦ ରୁ ୧୪ ପଏଣ୍ଟ ସ୍କେଲରେ ଥାଏ । ଯଦି ଏକ ଜଳର ପିଏଚ ସ୍ତର ୧ ଥାଏ, ତେବେ ଏହାକୁ ଅତ୍ୟଧିକ ଅମ୍ଳୀୟ ଭାବରେ ବିବେଚନା କରାଯାଏ, ଯଦି ପିଏଚ ସ୍ତର ୧୩ ଥାଏ, ତେବେ ଜଳ ଅଧିକ କ୍ଷାରୀୟ ଅଟେ। ସାଧାରଣ ଜଳର ପିଏଚ ସ୍ତର ୬ ରୁ ୭ ମଧ୍ୟରେ ଥିବାବେଳେ କ୍ଷାରୀୟ ଜଳର ପିଏଚ ସ୍ତର ୭ରୁ ଅଧିକ, ଅର୍ଥାତ୍ ଏହି ଜଳ ସାଧାରଣ ଜଳ ଅପେକ୍ଷା ଅଧିକ କ୍ଷାରୀୟ ଅଟେ।
ଏହା ପରେ ଏହାର ଉପକାର ବିଷୟରେ ବର୍ଣ୍ଣନା କରି ଡକ୍ଟର ଅମିତ କୁହନ୍ତି, ଯେଉଁମାନଙ୍କର ତ୍ସ୍ବାସ୍ଥ୍ୟଗତ ସମସ୍ୟା ରହିଛି ସେମାନଙ୍କ ପାଇଁ କ୍ଷାରୀୟ ଜଳ ବିଶେଷ ଲାଭଦାୟକ ହୋଇପାରେ। ଉଦାହରଣ ସୱରୂପ, ପେଟରେ ଏସିଡିଟି ସୃଷ୍ଟି କରୁଥିବା ପେପସିନ ଏନଜାଇମର କାର୍ଯ୍ୟକଳାପ ହ୍ରାସ କରିବାରେ କ୍ଷାରୀୟ ଖଣିଜ ଜଳ ସହାୟକ ହୋଇପାରେ। ଯଦି କ୍ଷାରୀୟ ଜଳର ପିଏଚ ୮.୮ ଥାଏ, ତେବେ ଏହି ଏନଜାଇମର ପ୍ରଭାବ ହ୍ରାସ କରିବାରେ ଏହା ସହାୟକ ହୋଇପାରେ।
