ନୂଆଦିଲ୍ଲୀ,୨୩।୧୨: ଅନ୍ତର୍ଜାତୀୟ କ୍ରିକେଟ ପରିଷଦ (ଆଇସିସି) ବୁଧବାର ସର୍ବଶ୍ରେଷ୍ଠ ଟି -୨୦ ତାଲିକା ପ୍ରକାଶ କରିଛି। ଭାରତୀୟ ବ୍ୟାଟ୍ସମ୍ୟାନ କେଏଲ ରାହୁଲ ଓ ଭାରତୀୟ ଦଳର ଅଧିନାୟକ ବିରାଟ କୋହଲି ଆଇସିସି ଟି-୨୦ ତାଲିକାର ପ୍ରଥମ ୧୦ ବ୍ୟାଟ୍ସମ୍ୟାନଙ୍କ ମଧ୍ୟରେ ସ୍ଥାନ ପାଇଛନ୍ତି । ବ୍ୟାଟ୍ସମ୍ୟାନ୍ ତାଲିକାରେ କେ.ଏଲ ରାହୁଲ (୮୧୬ ରେଟିଂ) ତୃତୀୟ ସ୍ଥାନରେ ରହିଥିବାବେଳେ ଭାରତୀୟ ଅଧିନାୟକ ବିରାଟ କୋହଲି (୬୯୭ ରେଟିଂ) ସପ୍ତମ ସ୍ଥାନକୁ ଉନ୍ନୀତ ହୋଇଛନ୍ତି। ମାନ୍ୟତା ତାଲିକାର ପ୍ରଥମ ସ୍ଥାନରେ ଇଂଲାଣ୍ଡର ଡଓ୍ବେିଡ ମଲାନ ଓ ୨ୟରେ ପାକିସ୍ତାନର ବାବର ଆଜମ ଅଛନ୍ତି । ସୂଚନାଯୋଗ୍ୟ, ଭାରତୀୟ ଅଧିନାୟକ ବିରାଟ କୋହଲି ସମସ୍ତ ଫର୍ମାଟରେ ଶ୍ରେଷ୍ଠ ୧୦ରେ ଅଛନ୍ତି। ସେ ଟେଷ୍ଟ ମାନ୍ୟତାରେ ଦ୍ୱିତୀୟ ସ୍ଥାନରେ ଥିବାବେଳେ ସେ ଏକଦିବସୀୟ ମ୍ୟାଚ୍ରେ ଶୀର୍ଷରେ ଅଛନ୍ତି।
