ଦୁବାଇ,୧୭।୧୧: ଅନ୍ତର୍ଜାତୀୟ ଟି୨୦ ବ୍ୟାଟରଙ୍କ ତାଲିକାରେ ଭାରତୀୟ ଓପନର ଲୋକେଶ ରାହୁଲ ଗୋଟିଏ ସ୍ଥାନ ତଳକୁ ଖସିଛନ୍ତି। ପୂର୍ବରୁ ୫ମରେ ଥିବା ରାହୁଲ ଏବେ ୬ଷ୍ଠ ସ୍ଥାନକୁ ଖସିଥିବା ବେଳେ ପୂର୍ବ ଭଳି ୮ମ ସ୍ଥାନ ବଜାୟ ରଖିଛନ୍ତି ବିରାଟ କୋହଲି। ଆଇସିସି ପକ୍ଷରୁ ବୁଧବାର ପ୍ରକାଶ ପାଇଥିବା ଟି୨୦ ବ୍ୟାଟରଙ୍କ ତାଲିକାରେ ଏଭଳି ପରିବର୍ତ୍ତନ ପରିଲଖିତ ହୋଇଛି।
ନିକଟରେ ଶେଷ ହୋଇଥିବା ଟି୨୦ ବିଶ୍ୱକପ୍ରେ ଅନ୍ତିମ ୩ ମ୍ୟାଚ୍ରେ ହ୍ୟାଟ୍ରିକ ଅର୍ଦ୍ଧଶତକ ଲଗାଇଥିଲେ ୨୯ ବର୍ଷୀୟ ରାହୁଲ। ସେ ଏବେ ୭୨୭ ପଏଣ୍ଟ ସହ ୬ଷ୍ଠ ସ୍ଥାନରେ ଅଛନ୍ତି। ଅନ୍ୟପକ୍ଷରେ ୮ମ ସ୍ଥାନରେ ଥିବା କୋହଲିଙ୍କ ପାଖରେ ରହିଛି ୬୯୮ ପଏଣ୍ଟ। ଏହି ଦୁଇ ବ୍ୟାଟରଙ୍କୁ ଛାଡ଼ିଦେଲେ ଅନ୍ୟ କୌଣସି ଭାରତୀୟ ଟପ୍-୧୦ରେ ସ୍ଥାନ ପାଇ ନାହାନ୍ତି। ପାକିସ୍ତାନ ଅଧିନାୟକ ବାବର ଆଜମ ଏବେ ମଧ୍ୟ ଶୀର୍ଷରେ ଅଛନ୍ତି।
