ନୂଆଦିଲ୍ଲୀ,୧୧ା୯: ଦେଶର ପ୍ରମୁଖ ବୈଦ୍ୟୁତିକ ଯାନ(ଇଭି) ନିର୍ମାତା କାଇନେଟିକ୍ ଗ୍ରୀନ୍ ଏନର୍ଜି ଆଣ୍ଡ ପାୱାର ସଲ୍ୟୁସନ ଲିମିଟେଡ୍ ପକ୍ଷରୁ ୨ଚକିଆ ଇଭି ଯାନ ଜିଙ୍ଗ୍ ହାଇ ସ୍ପିଡ୍ ସ୍କୁଟର (ଜିଙ୍ଗ୍ ଏଚ୍ଏସ୍ଏସ୍) ର ବଜାର ପ୍ରବେଶ ସହ ଉନ୍ମୋଚନ ହୋଇଯାଇଛି। ବିଶେଷକରି ଆଧୁନିକ, ସମସାମୟିକ ଆରୋହୀଙ୍କଠାରୁ ପ୍ରେରଣା ନେଉଥିବା ଜିଙ୍ଗ୍ ଏଚ୍ଏସ୍ଏସ୍ ଏକ ଜୀବନଶୈଳୀ ଷ୍ଟେଟମେଣ୍ଟ । ଏ ସମ୍ପର୍କରେ କାଇନେଟିକ୍ ଗ୍ରୀନ୍ର ପ୍ରତିଷ୍ଠାତା ତଥା ସିଇଓ ସୁଲଜ୍ଜା ଫିରୋଡିଆ ମୋଟଓ୍ବାନି କହିଛନ୍ତି, ଜିଙ୍ଗ୍ ବୈଦ୍ୟୁତିକ ସୁଟରର ଶୁଭାରମ୍ଭ ବିଶ୍ୱସ୍ତରୀୟ ପ୍ରଯୁକ୍ତିବିଦ୍ୟା ପ୍ରଦାନ କରିବା ପାଇଁ ଆମର ପ୍ରତିବଦ୍ଧତାର ପ୍ରମାଣ ଏବଂ ଶ୍ରେଣୀ-ରେ-ଶ୍ରେଷ୍ଠ ୧୨୫ କିଲୋମିଟର ପରିସର ଏବଂ ବୈଶିଷ୍ଟ୍ୟ ସହ ଏହି ମଡେଲ ଲଞ୍ଚ କରି ମୁଁ ଖୁବ୍ ଗର୍ବିତ। ୨୦୨୨-୨୩ ପାଇଁ ଉଚ୍ଚ ବେଗ ସ୍କୁଟର ଏବଂ ଆମର ବୈପ୍ଲବିକ ଇ-ଲୁନାରେ ଏକାଧିକ ଯାଚନା ସହ ପୋର୍ଟଫୋଲିଓ ବିସ୍ତାର କରିବାକୁ କମ୍ପାନୀର ଆକ୍ରମଣାମତ୍କ ଯୋଜନା ରହିଛି। କାଇନେଟିକ୍ ଗୋଷ୍ଠୀର ୨ଚକିଆ କ୍ଷେତ୍ରରେ ଅତୁଳନୀୟ ଅଭିଜ୍ଞତା ରହିଛି। କାଇନେଟିକ୍ ଲୁନା ଏବଂ କାଇନେଟିକ୍ ହୋଣ୍ଡା ସ୍କୁଟର ଏବଂ କାଇନେଟିକ୍ ଗ୍ରୀନ୍ ପରି ଉନ୍ନତ ତଥାପି ସୁଲଭ ମୂଲ୍ୟରେ ୨ ଚକିଆ ଯାନ ବିକାଶରେ ଆଗାମୀ ବର୍ଷରେ ବୈଦ୍ୟୁତିକ ୨ଚକିଆ କ୍ଷେତ୍ରରେ ଅନେକ ଉସତ୍ାହ ପ୍ରଦାନ କରିବାକୁ ପ୍ରତିଶ୍ରୁତିବଦ୍ଧ। ଏହି ବ୍ରାଣ୍ଡ୍ ଭାରତରେ ବୈଦ୍ୟୁତିକ ୨ଚକିଆ ଯାନ କ୍ଷେତ୍ରରେ ବିପ୍ଲବ ଆଣିବାକୁ ଚାହୁଁଛି।
