କିମ୍ଙ୍କ ଦକ୍ଷିଣ କୋରିଆ ଦଖଲ ଲକ୍ଷ୍ୟ: ୩ ସାମରିକ ଗୁପ୍ତଚର ଉପଗ୍ରହ ଉତକ୍ଷେପଣ କରିବା ଯୋଜନା…
01 ପ୍ୟୋଙ୍ଗୟାଙ୍ଗ,୩୧।୧୨ : ଉତ୍ତର କୋରିଆର ଏକଛତ୍ରବାଦୀ ଶାସକ କିମ ଜୋଙ୍ଗ ଉନ ୨୦୨୪ ବର୍ଷରେ ଆଉ ତିନୋଟି ସାମରିକ ଗୁପ୍ତଚର ଉପଗ୍ରହ ଉତକ୍ଷେପଣ କରିବାକୁ ଯୋଜନା କରୁଛନ୍ତି। ଏହି ଖବର କୋରିଆର ନ୍ୟୁଜ ଏଜେନ୍ସି କେସିଏନଏ ପ୍ରକାଶ କରିଛି। ୨୦୨୩ ନଭେମ୍ବର ମାସରେ ଉତ୍ତର କୋରିଆ ସଫଳତାର ସହିତ ଏହାର ପ୍ରଥମ ସାମରିକ ଗୁପ୍ତଚର ଉପଗ୍ରହ ଉତକ୍ଷେପଣ କରିଥିଲା। ନିଜର ସେନାକୁ ଆଧୁନିକୀକରଣ କରିବା ଲକ୍ଷ୍ୟରେ ଉତ୍ତର କୋରିଆ ଅନ୍ୟ ୩ ସାମରିକ ଗୁପ୍ତଚର ଉପଗ୍ରହ ଉତକ୍ଷେପଣ କରିବାକୁ ପ୍ରସ୍ତୁତ ହେଉଛି। କୋରିଆର ୱାର୍କର୍ସ ପାର୍ଟିର କେନ୍ଦ୍ରୀୟ କମିଟିର ପାଞ୍ଚ ଦିନିଆ ବୈଠକରେ କିମ ଜୋଙ୍ଗ ଉନ ଏହି ଲକ୍ଷ୍ୟ ସ୍ଥିର କରିଛନ୍ତି। ଗତ ମାସରେ ଉତ୍ତର କୋରିଆ ଦାବି କରିଥିଲା ଏହାର ଅନୁସନ୍ଧାନ ସାମରିକ ଉପଗ୍ରହ ଦ୍ୱାରା ଆମେରିକା ଏବଂ ଦକ୍ଷିଣ କୋରିଆର ସାମରିକ ବେସର ଫଟୋ ଉଠାଯାଇଛି।
୨୦୨୩ ନଭେମ୍ବର ୨୧ ରେ, ଉତ୍ତର କୋରିଆ ସଫଳତାର ସହ ନିଜର ସାମରିକ ଗୁପ୍ତଚର ଉପଗ୍ରହ ମାଲିଙ୍ଗୋଙ୍ଗ -୧ କୁ ମହାକାଶ କକ୍ଷପଥରେ ସ୍ଥାନିତ କଲା । ଏହାପୂର୍ବରୁ ମେ ଏବଂ ଅଗଷ୍ଟରେ ଏହାର ପ୍ରୟାସ ବିଫଳ ହୋଇଥିଲା। ଏହି ସଫଳତା ଦ୍ୱାରା ଉତ୍ସାହିତ ହୋଇ କିମ ଜୋଙ୍ଗ ଉନ ୨୦୨୪ ବର୍ଷ ମହାକାଶରେ ଆଉ ତିନୋଟି ସାମରିକ ଗୁପ୍ତଚର ଉପଗ୍ରହ ସ୍ଥାପନ କରିବାର ଲକ୍ଷ୍ୟ ସ୍ଥିର କରିଛନ୍ତି। ରିପୋର୍ଟ ଅନୁଯାୟୀ, କିମ ଜୋଙ୍ଗ ଉନ ଏହି ବୈଠକରେ କହିଛନ୍ତି ଆଣବିକ ବିପଦକୁ ତୁରନ୍ତ ଜବାବ ଦେବା ଏବଂ ଆଣବିକ ଶକ୍ତି ସମେତ ସମସ୍ତ ସାମଗ୍ରୀକ ଶକ୍ତି ସଂଗ୍ରହ କରି ଆମର ପ୍ରସ୍ତୁତିକୁ ସୁଦୃଢ଼ କରିବା ଉଚିତ ଯାହା ଦ୍ୱାରା ସମଗ୍ର ଦକ୍ଷିଣ କୋରିଆ ଆମ ଅଧୀନକୁ ଆସିପାରିବ।
କିମ ଜୋଙ୍ଗ ଆମେରିକା ଏବଂ ଦକ୍ଷିଣ କୋରିଆ ଉପରେ ପରମାଣୁ ଆକ୍ରମଣ ସହିତ ଧମକ ଦେଇଥିଲେ।
କୋରିଆର ଏକଛତ୍ରବାଦୀ ଶାସକ ବିହୀନ ମାନବ ସଶସ୍ତ୍ର ବିମାନର ବିକାଶର ଆବଶ୍ୟକତା ମଧ୍ୟ ପ୍ରକାଶ କରିଛନ୍ତି। କିମ କହିଛନ୍ତି ସେ ଆଉ କୋରିଆକୁ ଏକୀକରଣ କରିବାରେ ସହମତ ନୁହଁନ୍ତି ଏବଂ ଉତ୍ତର କୋରିଆ ସହିତ ଦକ୍ଷିଣ କୋରିଆର ଏକୀକରଣ ଆଉ ସମ୍ଭବ ନୁହେଁ। ଏଥିରୁ ଏହା ସ୍ପଷ୍ଟ ହୋଇଛି ଚଳିତ ବର୍ଷ ମଧ୍ୟ ଦୁଇ ଦେଶ ମଧ୍ୟରେ ସମ୍ପର୍କ ତିକ୍ତ ହୋଇପାରେ। ଉତ୍ତର କୋରିଆ ଏହାର ଆଣବିକ କ୍ଷେପଣାସ୍ତ୍ରର ବିକାଶ ଉପରେ ଧ୍ୟାନ ଦେଉଛି। କିମ ଧମକ ଦେଇ କହିଛନ୍ତି ଯଦି ଆମେରିକା ଏବଂ ଦକ୍ଷିଣ କୋରିଆ ଆମ ବିରୁଦ୍ଧରେ ସାମରିକ କାର୍ଯ୍ୟାନୁଷ୍ଠାନ ଗ୍ରହଣ କରନ୍ତି, ତେବେ ଆଣବିକ ଆକ୍ରମଣ ଆରମ୍ଭ କରିବାକୁ ଆମେ ଦ୍ୱିଧା କରିବୁ ନାହିଁ।