ସମ୍ବଲପୁର,୬ା୭(ବ୍ୟୁରୋ)-ସମ୍ବଲପୁର ଜିଲା ଅଇଁଠାପାଲି ଥାନା କରମଟୁଲିରେ ରବିବାର ରାତିରେ ପୂର୍ବ ଶତ୍ରୁତାକୁ କେନ୍ଦ୍ର କରି ଜଣେ ଯୁବକଙ୍କୁ ହତ୍ୟା କରାଯାଇଛି । ମୃତକ ହେଲେ ସୋନୁ ଖଡିଆ (୨୪)। ଏହି ଘଟଣାରେ ଉମେଶ ମୁଣ୍ଡା ଗୁରୁତର ହୋଇଛନ୍ତି ା ତାଙ୍କୁ ବୁର୍ଲା ଭିମ୍ସାରରେ ଭର୍ତ୍ତି କରାଯାଇଛି। ଏହି ଘଟଣାରେ ପୋଲିସ ୨ ଜଣଙ୍କୁ ଅଟକ ରଖିଛି । ଅନ୍ୟମାନେ ଫେରାର ହୋଇଯାଇଛନ୍ତି । ଏ ନେଇ ଥାନାରେ ଏକ ମାମଲା (ନଂ.୩୨୮/୨୦) ରୁଜୁ ହୋଇଛି । ଅଭିଯୁକ୍ତଙ୍କୁ ଧରିବା ପାଇଁ ପୋଲିସ ତନାଘନା ଜାରି ରଖିଛି।
ପୋଲିସ କହିଛି, ପୂର୍ବ ଶତ୍ରୁତାରୁ ସୋନୁଙ୍କୁ ହତ୍ୟା କରିବାକୁ ତାଙ୍କ ବିପକ୍ଷ ଗୋଷ୍ଠୀ ଯୋଜନା ପ୍ରସ୍ତୁତ କରିଥିଲେ। ସେମାନେ ପଡାର ନରେଶ ଓରାମଙ୍କ ଘରକୁ ରାତିରେ ଭୋଜି ଖାଇବା ପାଇଁ ସୋନୁଙ୍କୁ ଡାକି ଥିଲେ। ସୋନୁଙ୍କ ସାଙ୍ଗରେ ଉମେଶ ମଧ୍ୟ ଯାଇଥିଲେ। ନରେଶଙ୍କ ଛାତ ଉପରେ ସୋନୁ ଓ ଉମେଶ ପହଞ୍ଚତ୍ଲା ପରେ ଅଭିଯୁକ୍ତମାନେ କୌଣସି କାରଣ ନ ଥାଇ ଗଣ୍ଡଗୋଳ ଆରମ୍ଭ କରି ଦେଇଥିଲେ। ସେମାନେ ପ୍ରଥମେ ସୋନୁ ଓ ଉମେଶଙ୍କୁ ମାରପିଟ କରିଥିଲେ। ଶେଷରେ ଅଭିଯୁକ୍ତମାନେ ଉଭୟଙ୍କୁ ଛୁରୀରେ ଆକ୍ରମଣ କରିଥିଲେ। ପାଟିତୁଣ୍ଡ ଶୁଣି ସ୍ଥାନୀୟ ଲୋକେ ସୋନୁ ଓ ଉମେଶଙ୍କୁ ସେମାନଙ୍କ କବଳରୁ ଉଦ୍ଧାର କରିଥିଲେ। ହେଲେ ଏହି ସୁଯୋଗରେ ଅଭିଯୁକ୍ତମାନେ ସେଠାରୁ ଫେରାର ହୋଇ ଯାଇଥିଲେ। ଖବର ପାଇ ପୋଲିସ ପହଞ୍ଚତ୍ ଉଭୟଙ୍କୁ ଗୁରୁତର ଅବସ୍ଥାରେ ଭିମ୍ସାର ପଠାଇଥିଲା। ସେଠାରେ ସୋନୁଙ୍କୁ ଡାକ୍ତର ମୃତ ଘୋଷଣା କରିଥିଲେ। ଉମେଶ ଏବେ ଆଇସିୟୁରେ ଚିକିତ୍ସାଧୀନ ଅଛନ୍ତି। ତାଙ୍କ ଅବସ୍ଥା ସଙ୍କଟାପନ୍ନ ରହିଛି ବୋଲି ଖବର ମିଳିଛି ା
