ଗାଡ଼ି ଲୋନ୍‌ ପରିଶୋଧ ପାଇଁ ଅପହରଣ

ନୟାଗଡ଼ ଅଫିସ/ ଓଡ଼ଗଁା, ୨୧ା୧୨(ସ୍ବ.ପ୍ର.): ନୟାଗଡ଼ ଜିଲା ଓଡ଼ଗାଁ ଆଦର୍ଶ ଥାନା ଅଧୀନ କୁରାଳ ସୁବୁଦ୍ଧି ସାହିର ୭ମଶ୍ରେଣୀର ଛାତ୍ର ଅମ୍ରିତ ପାତ୍ର ଅପହରଣ ଘଟଣାର କିଛି ଗୁମର ଖୋଲିଛି। କୁରାଳ ଗଁାର ସୁନୀଲ କୁମାର ପାଣିଗ୍ରାହୀ(୧୮)ଙ୍କ ସମେତ ୨ ଭାଇ ସ୍ବପ୍ନ ପ୍ରସାଦ ପଣ୍ଡା (୧୮) ଓ ଭକ୍ତ ଦର୍ଶନ ପଣ୍ଡା(୨୦)ଙ୍କୁ ପୋଲିିସ ଗିରଫ କରି ସେମାନଙ୍କୁ ମଙ୍ଗଳବାର ସନ୍ଧ୍ୟାରେ ସିନ୍‌ ରିକ୍ରିଏଶନ କରିଛି। ଦୁଇ ପଣ୍ଡା ଭାଇ ପାଲଟଣା ବୋଲେରୋ ପିକ୍‌ ଅପ୍‌ ଭ୍ୟାନର ଋଣ ଟଙ୍କା ପରିଶୋଧ କରିବାକୁ ଅପହରଣ ନାଟକ ରଚିଥିଲେ। ସେମାନେ ଅମ୍ରିତଙ୍କୁ ଅପହରଣ କରିଥିଲେ। ଅପହରଣ ସମ୍ପର୍କରେ ସୁରାକ ନ ଛାଡିବା ପାଇଁ ମୁଖାପିନ୍ଧି ହିନ୍ଦୀରେ ଅମ୍ରିତ ସହ କଥାବାର୍ତ୍ତା କରୁଥିଲେ। ଅପହରଣ ଠିକ୍‌ରେ ହୋଇଥିଲା। ଅମ୍ରିତଙ୍କ ବାପାଙ୍କୁ ଟଙ୍କା ମାଗିବା ପାଇଁ ପ୍ରୟାସ ଆରମ୍ଭ କରାଯାଇଥିଲା। ହେଲେ ଅପହରଣ ଘଟଣାକୁ ବିଭିନ୍ନ ଗଣମାଧ୍ୟମ ଜୋରଦାର ପ୍ରକାଶ କରିବାରୁ ପୋଲିସର ତଦନ୍ତ ତ୍ୱରାନ୍ବିତ ହୋଇଥିଲା। ଅପହରଣକାରୀମାନେ ଏହା ଦେଖି ଭୟଭୀତ ହୋଇ ପଡିଥିଲେ। ଅନ୍ୟପକ୍ଷେ ଅପହରଣ ପରେ ଟଙ୍କା ମିଳିବନି ଜାଣି ଅମ୍ରିତଙ୍କୁ ନ ମାରି ବନ୍ଦ ଘରର କବାଟ ଖୋଲି ଦେଇଥିଲେ। ଅମ୍ରିତ ଘରକୁ ଫେରିଯାଉ ବୋଲିି ସେମାନେ ନିଷ୍ପତ୍ତି ନେଇଥିଲେ। ଅମ୍ରିିତଙ୍କୁ କିପରି ଅପହରଣ କରାଗଲା, କେଉଁଠି ରଖିଲେ, ପ୍ରମାଣ କିପରି ନଷ୍ଟ କରିଛନ୍ତି ୨ ଅଭିଯୁକ୍ତ ସିନ୍‌ ରିକ୍ରିଏଶନରେ ମଙ୍ଗଳବାର ଡେମୋ ଦେଖାଇଛନ୍ତି। ଅଭିଯୁକ୍ତଙ୍କଠାରୁ ସୂଚନା ପାଇ ପୋଲିସ ପଣ୍ଡା ୨ଭାଇଙ୍କ ଘର ବାରିପଟ କୂଅରୁ ଅମ୍ରିତଙ୍କ ବସ୍ତାନି ଓ ଚଣ୍ଡିଛକରେ ଥିବା ଟୁକୁ ପଣ୍ଡାଙ୍କ ବନ୍ଦ ଗୋଦାମରୁ ଜ୍ୟାକେଟ୍‌ ଜବତ କରିଛି। ପୁଣି ଟୁକୁ ପଣ୍ଡାଙ୍କ ବନ୍ଦ ଘରୁ ପୋଲିସ ୨ଟି ଗାମୁଛା ଯେଉଁଥିରେ ଅମ୍ରିତ ଶୋଇଥିଲେ ତାହା ଅନୁରୂପ ଭାବେ ଜବତ କରିଛି।
ସୂଚନା ଅନୁଯାୟୀ, ଗତ ୧୫ ତାରିଖ ସନ୍ଧ୍ୟାରେ ଅମ୍ରିତ ଟ୍ୟୁଶନରୁ ଫେରୁଥିବା ସମୟରେ ତାଙ୍କୁ ଅପହରଣ କରାଯାଇଥିଲା। ପରିବାର ଲୋକ ବହୁ ଖୋଜାଖୋଜି କରିବା ପରେ ତାଙ୍କ ପତ୍ତା ମିଳି ନ ଥିଲା। ରାତି ପ୍ରାୟ ୧୨ଟା ସମୟରେ ଘର ପାଖ ବାଉଁଶବୁଦା ମୂଳରୁ ଅମ୍ରିତଙ୍କ ସାଇକେଲ ଉଦ୍ଧାର କରାଯାଇଥିଲା। ଅପହରଣକାରୀ ବୋଲେରୋରେ ତାଙ୍କୁ ଅପହରଣ କରି ଚଣ୍ଡିଛକସ୍ଥିତ ନିଜ ହେପାଜତରେ ଥିବା କାକା ଟୁକୁ ପଣ୍ଡାଙ୍କ ବନ୍ଦ ହୋଇ ପଡିଥିବା ଗୋଦାମ ଘରେ ରଖିଥିଲେ। ପରବର୍ତ୍ତୀ ସମୟରେ କାକାଙ୍କ ବନ୍ଦ ଘରେ ତାଙ୍କୁ ରଖିଥିଲେ। ଅପହରଣ ରାତିରେ କିଛି ଖାଇବାକୁ ଦେଇ ନ ଥିଲେ। ଗୋଦାମ ଘରେ ଅମ୍ରିତଙ୍କ ଜ୍ୟାକେଟ୍‌କୁ ଭୁଲରେ ଛାଡି ଆସିଥିଲେ। ଅନ୍ୟପକ୍ଷେ ବସ୍ତାନିକୁ ନେଇ ପଣ୍ଡା ୨ ଭାଇ ନିଜ ଘର ବାରି ପଟ କୂଅରେ ପକାଇ ଦେଇଥିଲେ। ସେହିଭଳି ଅମ୍ରିତ ଯେଉଁ ଘରେ ବନ୍ଦୀ ଜୀବନଯାପନ କରୁଥିଲେ ସେହି ପଣ୍ଡିତ ସାହି ଅଞ୍ଚଳ ଅନ୍ଧାର ରହୁଥିଲା। ପୁଣି ସେହି ଘର ସମ୍ମୁଖରେ ଅନ୍ୟ ସାହିର ବାରିପଟ ଥିବାରୁ ଘର ନ ଥିଲା। ଅନ୍ଧାର, ଲୋକ ଗହଳି ନ ଥିବା ଓ ଘର ମାଲିକ ରହୁ ନ ଥିବାରୁ କାହାର ସନ୍ଦେହ ନ ହେବା ପାଇଁ ଉକ୍ତ ଘରକୁ ଅପହରଣକାରୀ ବାଛିଥିଲେ। ପୁଣି ଯେଉଁ ବୋଲେରୋ ପିକ୍‌ଅପ୍‌କୁ ଅପହରଣ ପାଇଁ ବ୍ୟବହୃତ କରାଯାଇଥିଲା ଟଙ୍କା ପରିଶୋଧ କରିପାରି ନ ଥିବାରୁ ଦୁଇ ଭାଇ ଘରୋଇ ଫାଇନାନ୍ସ କମ୍ପାନୀରେ ଏହି ଘଟଣା ପରଦିନ ଫେରାଇ ଦେଇଥିଲେ। ପୂର୍ବରୁ ଅପହରଣ ସ୍ଥାନର ଅନତି ଦୂରରେ ଅପହରଣକାରୀ ବୋଲେରୋ ରଖି ଛାତ୍ରଙ୍କ ଗତିବିଧି ଉପରେ ନଜର ରଖୁଥିଲେ। ହେଲେ ବୋଲେରୋଟି ପଣ୍ଡା ପରିବାରର ବୋଲି ଅନେକ ଜାଣି ନ ଥିଲେ। ଅପହରଣ ଦିନ ଅମ୍ରିତ ସଙ୍ଗେ ତାଙ୍କ ପରିବାର କେହି ନ ଥିବାରୁ ଏକାକୀ ସୁଯୋଗ ଦେଖି ମୁହଁରେ ହାତ ଦେଇ ଅପହରଣ କରି ନେଇଥିଲେ। ସେହିପରି ଅମ୍ରିତଙ୍କ ସନ୍ଦେହ ନ ହେବା ପାଇଁ ମୁଖା ପିନ୍ଧି ତାଙ୍କୁ ହିନ୍ଦୀରେ କଥାବାର୍ତ୍ତା କରୁଥିଲେ। ଅମ୍ରିତଙ୍କ ବାପା ପୂର୍ଣ୍ଣଚନ୍ଦ୍ର ପାତ୍ର ଜମି ବିକ୍ରି କରି ୫୦ରୁ ୬୦ ଲକ୍ଷ ଟଙ୍କା ରଖିଥିବା ଅପହରଣକାରୀ ଜାଣିଥିଲେ। ବୋଲେରୋ ଯୋଗେ ପୂର୍ଣ୍ଣଚନ୍ଦ୍ରଙ୍କ ତେଜରାତି ଦୋକାନ ସାମଗ୍ରୀକୁ ବିଭିନ୍ନ ସମୟରେ ପଣ୍ଡା ପରିବାର ଆଣୁଥିଲେ। ପୁଣି ପୂର୍ଣ୍ଣଚନ୍ଦ୍ରଙ୍କ ସହ ତାଙ୍କର ଭଲ ସମ୍ପର୍କ ଥିଲା। ଓଡ଼ଗଁାର ଘରୋଇ କଲେଜରେ ଯୁକ୍ତ ୩ ପାଠ ପଢ଼ୁଥିବା ସୁନୀଲ କୁମାର ପାଣିଗ୍ରାହୀ ପଣ୍ଡା ଦୁଇ ଭାଇଙ୍କୁ ସବୁ ପ୍ରକାର ସହାୟତା ଦେବା ସହ ଅପହରଣର ବାଟ ଦେଖାଇଥିଲେ। ସୁନୀଲ କୁଆଡେ ଅପହରଣର ମାଷ୍ଟର ମାଇଣ୍ଡ ବୋଲି କୁହାଯାଉଛି। ଏସ୍‌ପି ଅଲେଖ ଚନ୍ଦ୍ର ପହି ଓ ଅତିରିକ୍ତ ଏସ୍‌ପି ଉମାକାନ୍ତ ମଲ୍ଲିକଙ୍କ ସୂଚନା ଅନୁସାେରେ ଆମେ ୩ ଜଣଙ୍କୁ ଅଟକ ରଖି ପଚରାଉଚୁରା ସହ ସିନ ରିକ୍ରିଏଶନ କରିଛୁ। କୋର୍ଟରେ ଛାତ୍ରଙ୍କ ୧୬୪ ଧାରା ଅନୁସାରେ ବୟାନ ରେକର୍ଡ କରାଯାଇଛି। ବୁଧବାର ସେମାନଙ୍କୁ କୋର୍ଟ ଚାଲାଣ କରାଯିବା ସହ ଖବରଦାତା ସମ୍ମିଳନୀରେ ଏହାର ବିସ୍ତୁତ ବିବରଣୀ ପ୍ରଦାନ କରାଯିବ ବୋଲି କହିଛନ୍ତି।


Enter your email to get our daily news in your inbox.

All Right Reserved By Dharitri.Com

କାଠ ବୋଝେଇ ପିକ୍‌ଅପ୍‌ ଜବତ: ଜଣେ ଗିରଫ

କେନ୍ଦୁଝର,୨୬।୮(ସ୍ବ.ପ୍ର.): କେନ୍ଦୁଝର ସହର ଭାଲୁକି ପତଳା ସାହିରୁ ସୋମବାର ସକାଳେ ଟାଉନ ଥାନା ପୋଲିସ ଏକ କାଠ ବୋଝେଇ ପିକ୍‌ଅପ୍‌ ଭ୍ୟାନ ଜବତ କରିଛି। ଗାଡ଼ି...

ବାତ୍ୟା ମୁକାବିଲା ପ୍ରସ୍ତୁତିର ସମୀକ୍ଷା କରିବେ ମୁଖ୍ୟମନ୍ତ୍ରୀ

ଭୁବନେଶ୍ୱର,୨୨।୫(ବ୍ୟୁରୋ): ସମ୍ଭାବ୍ୟ ବାତ୍ୟା ମୁକାବିଲା ପାଇଁ ଓଡ଼ିଶା ସରକାର ପୂର୍ବ ପ୍ରସ୍ତୁତି ଆରମ୍ଭ କରିଛନ୍ତି। ଏଥିପାଇଁ ପ୍ରଶାସନିକସ୍ତରରେ ଲଗାତର ବୈଠକ ଚାଲିଛି। ଏହିକ୍ରମରେ ଶନିବାର ଅପରାହ୍ନରେ...

ଧାନବସ୍ତା ରଖି ଜାତୀୟ ରାଜପଥ ଅବରୋଧ: ଜିଲାପାଳଙ୍କ ଅଫିସ ଘେରାଉ କଲେ ଚାଷୀ

ନୂଆପଡା ଅଫିସ,୩ା୭: ନୂଆପଡା ଜିଲାରେ ରବି ଧାନକିଣାରେ ଅଚଳାବସ୍ଥା ଲାଗିରହିଛି । ଚାଷୀମାନେ ବାରମ୍ବାର ବ୍ଲକରୁ ଜିଲା ଅଫିସ ଦୌଡି ନୟାନ୍ତ ହେବା ପରେ ଜିଲାପାଳଙ୍କ...

ଜାଲିଆତି ଧରିଲେ ଲୋକାୟୁକ୍ତ ନିର୍ଦ୍ଦେଶକ

ଯାଜପୁର ଅଫିସ/ଧର୍ମଶାଳା (ଡି.ଏନ.ଏ.),୧ା୧୨:ଯାଜପୁର ଜିଲା ଧର୍ମଶାଳା ତହସିଲ ଅଧୀନ ଆରୁହା ପାହାଡ଼ରୁ କଳାପଥର ଲୁଟ୍ ସାଙ୍ଗକୁ ଜାଲିଆତି ହୋଇଥିବା ଲୋକାୟୁକ୍ତଙ୍କ ତଦନ୍ତ ନିର୍ଦ୍ଦେଶକଙ୍କ ରିପୋର୍ଟରୁ ସ୍ପଷ୍ଟ...

ମିଳିନି ଫସଲ ବୀମା କ୍ଷତିପୂରଣ, ଜିଲାପାଳଙ୍କଠାରେ ଫେରାଦ ହେଲେ ଚାଷୀ

ବରଗଡ଼ ଅଫିସ,୫ା୧୦: ବରଗଡ଼ ବ୍ଲକ ଅନ୍ତର୍ଗତ ଏସ୍‌. ଡୁମ୍ବେରପାଲି ଗ୍ରାମର ଅଧିକାଂଶ ଚାଷୀଙ୍କୁ ଗତ ଫସଲ କ୍ଷତିପୂରଣ ବୀମା ମିଳିପାରି ନ ଥିବା ଅଭିଯୋଗ ହୋଇଛି।...

୭୫ ମିଟର ଉଚ୍ଛେଦ ପ୍ରସଙ୍ଗ: ଖୁବ୍‌ଶୀଘ୍ର ସରକାରଙ୍କୁ ରିପୋର୍ଟ ଦିଆଯିବ; ଦେବଦେବୀଙ୍କ ବିଜେସ୍ଥଳୀ, ଗାଦିଘର ସୁରକ୍ଷିତ ରଖାଯିବ

ପୁରୀ ଅଫିସ, ୧ା୯: ଶ୍ରୀମନ୍ଦିରର ସୁରକ୍ଷା ଏବଂ ପୁରୀର ବିକାଶ ପାଇଁ ମେଘନାଦ ପ୍ରାଚୀର ଚତୁଃପାର୍ଶ୍ୱସ୍ଥ ୭୫ ମିଟର ପରିଧି ମଧ୍ୟରେ ଥିବା ସବୁ ନିର୍ମାଣ...

ଜିଲାରେ ଆମ୍ବୁଲାନ୍ସ ସେବା ବିପର୍ଯ୍ୟସ୍ତ: ଠିକ୍‌ ସମୟରେ ରୋଗୀଙ୍କୁ ମିଳୁନି

ନୟାଗଡ଼ ଅଫିସ,୧୦ା୮: ନୟାଗଡ଼ ଜିଲାରେ ଆମ୍ବୁଲାନ୍ସ ସେବା ବିପର୍ଯ୍ୟସ୍ତ ହୋଇପଡ଼ିଛି। ଆବଶ୍ୟକ ମୁତାବକ ଆମ୍ବୁଲାନ୍ସ ନ ଥିବାରୁ ଠିକ୍‌ ସମୟରେ ରୋଗୀଙ୍କୁ ସେବା ମିଳିପାରୁନି। ଏଥିଯୋଗୁ...

ବଢ଼ୁଛି କରୋନା ସଂକ୍ରମଣ: ଆଜି ଗଞ୍ଜାମରେ ଚିହ୍ନଟ ହେଲେ ୭୬ ନୂଆ ଆକ୍ରାନ୍ତ

ଭୁବନେଶ୍ୱର,୨୮।୬(ବ୍ୟୁରୋ): ରାଜ୍ୟରେ ରବିବାର ଚିହ୍ନଟ ହୋଇଥିବା ୨୬୪ ନୂଆ ଆକ୍ରାନ୍ତଙ୍କ ମଧ୍ୟରେ ଗଞ୍ଜାମ ଜିଲାର ସର୍ବାଧିକ ୭୬ଜଣ ଅଛନ୍ତି। ସେହିଭଳି ଯାଜପୁରର ୪୧, ଖୋର୍ଦ୍ଧା ୧୫,...

Advertisement
Archives

Model This Week