ମୁମ୍ବାଇ: ଅସୁସ୍ଥ ହୋଇପଡ଼ିଛନ୍ତି ଅଭିନେତ୍ରୀ କିଆରା ଆଡଭାଣୀ। ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ଏଥିଲାଗି ସେ ନିଜର ଫିଲ୍ମ ‘ଗେମ୍ ଚେଞ୍ଜର’ର ଟ୍ରେଲର୍ ଲଞ୍ଚ କାର୍ଯ୍ୟକ୍ରମରେ ସାମିଲ ହୋଇପାରି ନାହାନ୍ତି। କାର୍ଯ୍ୟକ୍ରମ ସମୟରେ ହୋଷ୍ଟ ପ୍ରଶଂସକଙ୍କୁ ଏନେଇ ଜଣାଇବା ପରେ ସମସ୍ତେ ଚିନ୍ତା ପ୍ରକାଶ କରୁଛନ୍ତି। ହେଲେ କେଉଁ କାରଣରୁ ସେ ଡାକ୍ତରଖାନା ଯାଇଛନ୍ତି ତାହା ଜଣାପଡ଼ିନାହିଁ।
ଆଜିକାଲି କିଆରା ରାମଚରଣଙ୍କ ସହ ତାଙ୍କ ଫିଲ୍ମ ‘ଗେମ୍ ଚେଞ୍ଜର’କୁ ନେଇ ବ୍ୟସ୍ତ। ଏହା ଚଳିତ ବର୍ଷର ମୋଷ୍ଟ ଆଓ୍ବେଟେଡ୍ ଫିଲ୍ମରୁ ଗୋଯିଏ। ଏହାକୁ ଶଙ୍କର ନିର୍ଦ୍ଦେଶନା ଦେଇଛନ୍ତି। ଫିଲ୍ମର କାହାଣୀଟି ରାଜନୀତି ଉପରେ ପର୍ଯ୍ୟବଶିତ। ଜାନୁଆରୀ ୧୦ରେ ଏହା ପରଦାକୁ ଆସିବ।
ଗେମ ଚେଞ୍ଜରରେ ରାମ ଚରଣ ଜଣେ ସଚ୍ଚୋଟ ଆଇପିଏସ୍ ଅଧିକାରୀ ଭାବେ ନଜର ଆସିବେ। ସେ ଏକ ଭ୍ରଷ୍ଟ ରାଜନୈତିକ ବ୍ୟବସ୍ଥା ସହ ମୁକାବିଲା କରୁଥିବା ଦେଖିବାକୁ ମିଳିବ। ଏହି ଫିଲ୍ମରେ ଅଭିନେତ୍ରୀ ଦକ୍ଷିଣ ଭାରତୀୟ ସିନେମାରେ ନିଜର ଡେବ୍ୟୁ କରୁଛନ୍ତି।
