ମୁମ୍ବାଇ: ଏବେ ଖୁବ୍ ଚର୍ଚ୍ଚାରେ ରହୁଛନ୍ତି ବଲିଉଡ କପୁଲ କିଆରା ଆଡଭାନୀ ଓ ସିଦ୍ଧାର୍ଥ ମାଲହୋତ୍ରା । ଏମାନଙ୍କୁ ଅନେକ ସମୟରେ ଏକାଠି ଦେଖିବାକୁ ମିଳୁଛି । ବେଶ କିଛିଦିନ ହେବ ଏମାନଙ୍କ ରିଲେଶନକୁ ନେଇ ଆଲୋଚନା ହେଉଛି । ଯାହା ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି । କିଛିଦିନ ହେବ କିଆରା-ସିଦ୍ଧାର୍ଥଙ୍କ ବିବାହ ଖବର ବି ଆସିଛି ଚର୍ଚ୍ଚାକୁ । ଏସବୁ ଭିତରେ ଏବେ ନୂଆ ଅପଡେଟ ଆସିଯାଇଛି । କୁହାଯାଉଛି କି ବିବାହ ପୂର୍ବରୁ ଏହି ଯୋଡି ଲିଭ ଇନରେ ରହିବାକୁ ଚାହୁଁଛନ୍ତି ।
କିଆରା ଓ ସିଦ୍ଧାର୍ଥ ଏବେ ନୂଆ ଘର ଖୋଜୁଥିବା ଶୁଣିବାକୁ ମିଳିଛି । କାରଣ ବିବାହ ପୂର୍ବରୁ ଏମାନେ ଏକାଠି ରହିବା ସହ ଫ୍ୟୁଚର ପ୍ଲାନିଂ କରିବେ ବୋଲି କୁହାଯାଉଛି । ଏମାନେ ଏବେ ଲିଭ ଇନରେ ରହିବାକୁ ଚାହୁଁଛନ୍ତି । କାରଣ ବିବାହ ପୂର୍ବରୁ ଏମାନେ ପରସ୍ପର ସହ ଟାଇମ ସ୍ପେଣ୍ଡ କରିବାକୁ ଚାହୁଁଛନ୍ତି । ଏମିତି ବି ଶୁଣିବାକୁ ମିଳିଛି କି ଯଦି ନୂଆ ଘର ନ ମିଳିଲା ତେବେ କିଆରା, ସିଦ୍ଧାର୍ଥଙ୍କ ଘରକୁ ସିଫ୍ଟ କରିଯିବେ । ସେଠାରେ ସେମାନେ ଏକାଠି ରହିବା ପରେ ଆସନ୍ତା ବର୍ଷ ଏପ୍ରିଲରେ ବିବାହ କରିବେ ।
ତେବେ କିଆରା-ସିଦ୍ଧାର୍ଥ ଲିଭ ଇନରେ ରହିବା କିଛି ନୂଆ କଥା ନୁହେଁ । ଏହା ପୂର୍ବରୁ ବି କେତେଜଣ ଷ୍ଟାର କପୁଲ ଲିଭ ଇନରେ ରହି ଆସୁଥିଲେ । ଯେମିତି ରଣବୀର କପୁର ଓ ଆଲିଆ ଭଟ୍ଟ । ତେବେ ବିବାହକୁ ନେଇ ସିଦ୍ଧାର୍ଥ କେତେଥର ମୁହଁ ଖୋଲିଥିବା ବେଳେ କିଆରା କିନ୍ତୁ ଏ ନେଇ ସାମନ୍ୟ ହିଣ୍ଟ ଦେଇଛନ୍ତି ।
