ଫିଲ୍ମ କେଜିଏଫ୍ ଚାପ୍ଟର ୨ ରିଲିଜ୍ ପୂର୍ବରୁ ରେକର୍ଡ କରିଛି। ଏହି ଫିଲ୍ମକୁ ଦେଖିବା ପାଇଁ ପ୍ରଶଂସକମାନେ ଉତ୍ସାହର ସହିତ ଅପେକ୍ଷା କରିଛନ୍ତି। ପ୍ରଶଂସକଙ୍କ ପ୍ରତୀକ୍ଷା ଶେଷ ହେବାକୁ ଯାଉଛି। କେଜିଏଫ୍ ଚାପ୍ଟର ୨ ଚଳିତ ସପ୍ତାହରେ ରିଲିଜ ହେଉଛି। ଏହି ଫିଲ୍ମ ରିଲିଜ ପୂର୍ବରୁ ଅଗ୍ରୀମ ବୁକିଂରେ ରେକର୍ଡ ଭାଙ୍ଗୁଛି। ଫିଲ୍ମ ରିଲିଜ ପାଇଁ ଚାରି ଦିନ ବାକି ଅଛି। କିନ୍ତୁ ଏହାପୂର୍ବରୁ ଫିଲ୍ମଟି କୋଟି କୋଟି ଟଙ୍କା ରୋଜଗାର କରିସାରିଛି। କେଜିଏଫ୍ ଚାପ୍ଟର ୨ର ହିନ୍ଦୀ ସଂସ୍କରଣକୁ ଅରଆରଆର ସହିତ ତୁଳନା କରାଯାଉଛି। ଫିଲ୍ମଟି ଆରଆରଆରର ରେକର୍ଡ ଭାଙ୍ଗିଛି। ଆରଆରଆର ହିନ୍ଦୀ ସଂସ୍କରଣ ଅଗ୍ରୀମ ବୁକିଂରେ ୫ କୋଟି ବ୍ୟବସାୟ କରିଥିଲା। କନ୍ନଡ ଫିଲ୍ମ କେଜିଏଫ୍ ଚାପ୍ଟର ୨ ଅଗ୍ରୀମ ବୁକିଂରେ ୨୦ କୋଟି ବ୍ୟବସାୟ କରିଛି।
ଭାରତୀୟ ବକ୍ସ ଅଫିସ ରିପୋର୍ଟ ବିଷୟରେ କହିବାକୁ ଗଲେ, ଅଗ୍ରୀମ ବୁକିଂରେ ପ୍ରଥମ ଦିନରେ ୨୦ କୋଟିର ଆୟ କରିଛି କେଜିଏଫ୍ ଚାପ୍ଟର ୨। ଫିଲ୍ମର କନ୍ନଡ ସଂସ୍କରଣ ୪.୯୦ କୋଟି, ହିନ୍ଦୀ ସଂସ୍କରଣ ୧୧.୪୦ କୋଟି, ମାଲାୟାଲମ ସଂସ୍କରଣ ୧.୯୦ କୋଟି, ତେଲୁଗୁ ସଂସ୍କରଣ ୫ ଲକ୍ଷ, ତାମିଲ ସଂସ୍କରଣ ୨ କୋଟି ରୋଜଗାର କରିଛି।
କେଜିଏଫ୍ ଚାପ୍ଟର ୨ ପ୍ରଶାନ୍ତ ନୀଲଙ୍କ ଦ୍ୱାରା ନିର୍ଦ୍ଦେଶିତ ହୋଇଛି। ଏହା ହେଉଛି ୨୦୧୮ରେ ରିଲିଜ୍ ହୋଇଥିବା ଫିଲ୍ମ କେଜିଏଫ୍ ଚାପ୍ଟର ୧ର ସିକ୍ୱେଲ। ଫିଲ୍ମର ପ୍ରଥମ ଭାଗ ସାରା ବିଶ୍ୱରେ ୨୫୦ କୋଟି ବ୍ୟବସାୟ କରିଥିଲା। କେଜିଏଫ୍ ଚାପ୍ଟର ୨ ହେଉଛି ଚୋରା ଚାଲାଣକାରୀ ରକିଙ୍କ କାହାଣୀ। ଏହି ଫିଲ୍ମରେ ୟଶ୍, ସଞ୍ଜୟ ଦତ୍ତ, ରବୀନା ଟଣ୍ଡନ, ଶ୍ରୀନିଧିନ ଶେଟ୍ଟୀ ଏବଂ ପ୍ରକାଶ ରାଜ ରାଜଙ୍କ ମୁଖ୍ୟ ଭୂମିକାରେ ନଜର ଆସିବେ।
