ଜ୍ୟୋତିଷଙ୍କ ଅନୁସାରେ, କେତୁ ଗ୍ରହ ୩ ଅକ୍ଟୋବର ୨୦୨୬ରେ ମଘା ନକ୍ଷତ୍ରର ପ୍ରଥମ ପାଦକୁ ଚଳନ କରିବେ। କେତୁଙ୍କ ଏହି ପାଦ ନକ୍ଷତ୍ର ଚଳନ ଯୋଗୁଁ ଅନେକ ରାଶିର ସୱାସ୍ଥ୍ୟ, ଆର୍ଥିକ ସ୍ଥିତି ଏବଂ ମାନସିକ ସୱାସ୍ଥ୍ୟ ଉପରେ ପ୍ରଭାବ ପଡ଼ିବ।
ମଘା ନକ୍ଷତ୍ରର ସ୍ୱାମୀ ନିଜେ କେତୁ ଅଟନ୍ତି। ମଘା ନକ୍ଷତ୍ରର ପ୍ରଥମ ପାଦରେ କେତୁଙ୍କ ଚଳନ ଯୋଗୁଁ କ୍ଷତି ହେବାର ସମ୍ଭାବନା ରହିଛି।
ବୃଷ ରାଶି
ଆପଣଙ୍କୁ ଘର-ପରିବାରରେ ଉତ୍ତେଜନା କିମ୍ୱା ମାନସିକ ଚାପର ସମ୍ମୁଖୀନ ହେବାକୁ ପଡ଼ିପାରେ। ସୱାସ୍ଥ୍ୟକୁ ନେଇ ଚିନ୍ତିତ ରହିପାରନ୍ତି। ପରିବାରର ସଦସ୍ୟମାନଙ୍କ ସହିତ ଭାବନାତ୍ମକ ଦୂରତା ଅନୁଭବ ହୋଇପାରେ। ସମ୍ପତ୍ତି ବାବଦରେ ବିବାଦ ଦେଖାଦେବାର ଆଶଙ୍କା ରହିଛି।
କର୍କଟ ରାଶି
କର୍କଟ ରାଶିର ବ୍ୟକ୍ତିବିଶେଷଙ୍କୁ ଆର୍ଥିକ ଦୃଷ୍ଟିକୋଣରୁ ସତର୍କ ରହିବାକୁ ପଡ଼ିବ। ତରବରିଆ ଭାବେ କୌଣସି ପଦକ୍ଷେପ ନେଲେ କ୍ଷତି ହୋଇପାରେ। ନୂଆ ନିବେଶ କରିବାରୁ ନିବୃତ୍ତ ରୁହନ୍ତୁ। ଯେକୌଣସି କାର୍ଯ୍ୟ ଯୋଜନା ପ୍ରସ୍ତୁତ କରି କରନ୍ତୁ।
ସିଂହ ରାଶି
ସିଂହ ରାଶିର ଲୋକଙ୍କ ମନରେ ଭବିଷ୍ୟତକୁ ନେଇ ଦ୍ୱନ୍ଦ୍ୱ କିମ୍ୱା ଅନିଶ୍ଚିତତାର ସ୍ଥିତି ସୃଷ୍ଟି ହୋଇପାରେ। କାମଧନ୍ଦାକୁ ନେଇ ଚିନ୍ତାରେ ରହିବାକୁ ପଡ଼ିପାରେ। ସୂର୍ଯ୍ୟଦେବଙ୍କ ଆରାଧନା କଲେ ଶୁଭଫଳ ମିଳିପାରେ।
କନ୍ୟା ରାଶି
କନ୍ୟା ରାଶିର ବ୍ୟକ୍ତିମାନଙ୍କୁ ମାନସିକ ସ୍ତରରେ ଅଶାନ୍ତି ଭୋଗିବାକୁ ପଡ଼ିପାରେ। ଆର୍ଥିକ ଦୃଷ୍ଟିକୋଣରୁ ସମୟ ଟିକେ କଷ୍ଟକର ରହିପାରେ। ଖର୍ଚ୍ଚ କରିବା ପୂର୍ୱରୁ ଭଲଭାବେ ଚିନ୍ତା-ବିଚାର କରିନିଅନ୍ତୁ। ପ୍ରଭୁ ହନୁମାନଙ୍କ ପୂଜାର୍ଚ୍ଚନା କଲେ ଲାଭ ମିଳିବ।
କୁମ୍ଭ ରାଶି
କୁମ୍ଭ ରାଶିର ଲୋକଙ୍କର ଜୀବନସାଥୀଙ୍କ ସହିତ ମନୋମାଳିନ୍ୟ କିମ୍ୱା ବିବାଦ ହୋଇପାରେ। କେତୁ ଗ୍ରହଙ୍କ ପାଦ ନକ୍ଷତ୍ର ଚଳନ ଯୋଗୁଁ ଏହିସବୁ ରାଶିର ଲୋକମାନେ ଅସୁବିଧାର ସମ୍ମୁଖୀନ ହୋଇପାରନ୍ତି। ତେଣୁ ଏହି ସମୟରେ ବିଶେଷ ସାବଧାନତା ଅବଲମ୍ୱନ କରିବା ଜରୁରୀ।