ଲଣ୍ଡନ,୧୬ା୭ (ଏ.ପି.)-ଇଂଲଣ୍ଡ ଓ ଓ୍ବେଲ୍ସ କ୍ରିକେଟ ବୋର୍ଡ (ଇସିବି)ର ପ୍ରୋଟୋକଲ୍ ଅନୁସାରେ ବାମହାତୀ ସ୍ପିନର କାଶିଫ ଭଟ୍ଟିଙ୍କର ଦୁଇଥର କୋଭିଡ୍-୧୯ ଟେଷ୍ଟରେ ନେଗେଟିଭ୍ ଆସିବାପରେ ବର୍ତ୍ତମାନ ଓରସେଷ୍ଟରଠାରେ ଥିବା ପାକିସ୍ତାନ କ୍ରିକେଟ ଦଳରେ ଯୋଗଦେବା ଲାଗି ତାଙ୍କୁ ଅନୁମତି ମିଳିଛି। ଆସନ୍ତା ମାସରେ ଭ୍ରମଣକାରୀ ପାକିସ୍ତାନ ଓ ଇଂଲଣ୍ଡ ମଧ୍ୟରେ ଟେଷ୍ଟ ସିରିଜ ଆରମ୍ଭ ହେବ। ପାକିସ୍ତାନ କ୍ରିକେଟ ଦଳ ତିନୋଟି ପର୍ଯ୍ୟାୟରେ ୟୁନାଇଟେଡ୍ କିଙ୍ଗଡମ୍(ୟୁକେ)ରେ ପହଞ୍ଚତ୍ଛି। ୩୩ ବର୍ଷୀୟ କାଶିିଫ୍ଙ୍କର କରୋନା ଭାଇରସ୍ ଟେଷ୍ଟରେ ତାଙ୍କର ପଜିଟିଭ୍ ଆସିବାରୁ ସେ ପାକିସ୍ତାନ ଫେରିଯାଇଥିଲେ। ସେଠାରେ ଚିକିତ୍ସିତ ହୋଇ ସୁସ୍ଥ ହେବାପରେ ପାକିସ୍ତାନ କ୍ରିକେଟ ବୋର୍ଡ (ପିସିବି)ର ପ୍ରୋଟୋକଲ୍ ଅନୁସାରେ ଦୁଇଥର ତାଙ୍କର କରୋନା ଟେଷ୍ଟ ହୋଇଥିଲା ଏବଂ ନେଗେଟିଭ୍ ଆସିଥିଲା। ସେ ୟୁକେ ପ୍ରତ୍ୟାବର୍ତ୍ତନ କରିବା ପରେ ଇସିବି ପ୍ରୋଟୋକଲ ଅନୁସାରେ ତାଙ୍କର କୋଭିଡ୍-୧୯ ଟେଷ୍ଟ ହୋଇଥିଲା। ମାତ୍ର ପଜିଟିଭ୍ ଆସିବାରୁ ଓରସେଷ୍ଟରଠାରେ ଅବଶିଷ୍ଟ ପାକିସ୍ତାନ ଦଳଠାରୁ ତାଙ୍କୁ ସେଲ୍ଫ ଆଇସୋଲେଶନରେ ରହିବାକୁ ପଡ଼ିଥିଲା। ମାଲିସ୍ବାଲା ମଲଙ୍ଗ ଅଲିଙ୍କ ବ୍ୟତୀତ ସାଥୀ କ୍ରିକେଟର ହାଇଦର ଅଲି ଓ ଇମ୍ରାନ ଖାଁଙ୍କ ସହ ମିଶିକରି ଭଟ୍ଟି ୟୁକେ ଆସିଥିଲେ। ପାକିସ୍ତାନରେ ପ୍ରଥମେ ଏହି ସମସ୍ତଙ୍କର ପଜିଟିଭ୍ ଆସିଥିଲା। ପ୍ରଥମ ପର୍ଯ୍ୟାୟରେ ପାକିସ୍ତାନୀ ଖେଳାଳିମାନେ ଜୁନ୍ ୨୯ରେ ପହଞ୍ଚତ୍ଥିଲେ। ଦ୍ୱିତୀୟ ପର୍ଯ୍ୟାରରେ ଆସିଥିବା ଖେଳାଳିମାନଙ୍କ ମଧ୍ୟରେ ଫଖର ଜମାନ, ମହମ୍ମଦ ହାସନେନ୍, ମହମ୍ମଦ ହାଫିଜ୍, ମହମ୍ମଦ ରିଜଓ୍ବାନ, ଶାଦାବ ଖାଁ ଓ ଓ୍ବାହାବ ରିଆଜ ପ୍ରମୁଖ ଏଠାରେ ପହଞ୍ଚତ୍ବାର କିଛିଦିନ ପରେ ସେମାନଙ୍କର ହୋଇଥିବା ଟେଷ୍ଟରେ ନେଗେଟିଭ୍ ଆସିଥିଲା। ତୃତୀୟ ପର୍ଯ୍ୟାୟରେ ସପୋର୍ଟ ଷ୍ଟାଫ ଏବଂ ଅନ୍ୟ କେତେଜଣ ଖେଳାଳି ଏଠାରେ ଜୁଲାଇ ୮ରେ ପହଞ୍ଚତ୍ଥିଲେ। ଇଂଲଣ୍ଡ ବିପକ୍ଷରେ ପାକିସ୍ତାନ ୩ ମ୍ୟାଚବିଶିଷ୍ଟ ଟେଷ୍ଟ ସିରିଜ ଖେଳିବ। ଜୈବ ସୁରକ୍ଷିତ ପରିବେଶରେ ଏହି ସିରିଜ ମାଞ୍ଚେଷ୍ଟରରେ ଅଗଷ୍ଟ ୫ରୁ ଆରମ୍ଭ ହେବ।
