ବମ୍ବେ: ଖୁବ୍ଶୀଘ୍ର ନିଜ ପସନ୍ଦର ଟେଲି ଧାରାବାହିକକୁ ପରଦାରେ ଦେଖିବାକୁ ପାଇବେ ଦର୍ଶକ। ଲକ୍ଡାଉନ୍ କୋହଳ ହେବା ପରେ ଅଭିନେତ୍ରୀ/ଅଭିନେତାମାନେ ଶୁଟିଂ ଆରମ୍ଭ କରିସାରିଲେଣି। ଜୁଲାଇ୧୩ ପରଠାରୁ ଶୋ’ଗୁଡ଼ିକ ପୁଣିଥରେ ଟେଲିକାଷ୍ଟ ହେବ। ଏସବୁ ଭିତରେ ଦର୍ଶକଙ୍କୁ ପୁଣି ଥରେ ବାନ୍ଧି ରଖିବାକୁ ଶୋ’ ନିର୍ମାତାମାନେ ଅଣ୍ଟା ଭିଡିଛନ୍ତି। ଧାରାବାହିକଗୁଡ଼ିକରେ ନୂଆ ନୂଆ ଟୁଇଷ୍ଟ ଆଉ ଟର୍ଣ୍ଣ ନେଇ ସେମାନେ ଆସୁଛନ୍ତି। ସେଭଳି କିଛି ହେବାକୁ ଯାଉଛି ‘ୟେ ରିସ୍ତା କ୍ୟା କେହଲାତା ହେ’ରେ।
ଟେଲିଭିଜନଜଗତର ଲୋକପ୍ରିୟ ଯୋଡ଼ି କାର୍ତ୍ତିକ-ନାଇରାଙ୍କ କାହାଣୀ ବଦଳିବ। ଶୋ’ର ନୂଆ ପ୍ରୋମୋ ଆସିବା ପରେ ସେଭଳି କିଛି ଚର୍ଚ୍ଚା ହେଉଛି। ଷ୍ଟାରପ୍ଲସର ଆଧିକାରିକ ପୋଷ୍ଟରେ ଏକ ଭିଡିଓ ଶେୟାର କରାଯାଇଛି। ଏଥିରେ ମୋହସିନ୍ ଖାନ୍ ଓରଫ କାର୍ତ୍ତିକ ପରଦାକୁ ପୁଣୁ ଫେରୁଥିବାର ଖୁସି ଖବର ଶୁଣାଇଛନ୍ତି। ସେ କହିଛନ୍ତି, ନାଇରା ସହ ପୁଣି ଥରେ ଫେରୁଛି। ଏହି କାହାଣୀରେ ନୂଆ ପରିବର୍ତ୍ତନ ଦେଖିବାକୁ ମିଳିବ। ଏବେ ଏହି ଭିଡିଓ ଭାଇରାଲ ହେବାରେ ଲାଗିଛି।
କହିରଖୁଛୁ, ମୋହସିନ୍ଙ୍କ ନାୟିକା ସାଜିଛନ୍ତି ଶିବାଙ୍ଗୀ ଜୋଶୀ । ଉଭୟଙ୍କ ଯୋଡ଼ିକୁ ଖୁବ୍ ପସନ୍ଦ କରାଯାଏ। ଦୀର୍ଘ ୧୧ ବର୍ଷ ଧରି ଏହା ଦର୍ଶକଙ୍କୁ ଭରପୂର ମନୋରଞ୍ଜନ ଯୋଗାଇ ଆସୁଛି।
