ଅଭିନେତା କାର୍ତ୍ତିକ ଆର୍ଯ୍ୟାନ ଆଜି ୩୨ ବର୍ଷରେ ପଦାର୍ପଣ କରିଛନ୍ତି। ଖୁବ୍ କମ ସମୟରେ ନିଜ ଅଭିନୟ ମାଧ୍ୟମରେ ଦର୍ଶକଙ୍କ ହୃଦୟ ଜିତିଛନ୍ତି କାର୍ତ୍ତିକ। ବକ୍ସ ଅଫିସରେ ବହୁ ବଡ ତାରକାଙ୍କ ଫିଲ୍ମ ଫ୍ଲପ୍ ସାବ୍ୟସ୍ତ ହୋଇଥିବାବେଳେ ନିକଟରେ ରିଲିଜ୍ ହୋଇଥିବା କାର୍ତ୍ତିକଙ୍କ ‘ଭୁଲ ଭୁଲେୟା ୨’ ହିଟ୍ ସାବ୍ୟସ୍ତ ହୋଇଥିଲା। ଅଭିନୟ ପାଇଁ ତାଙ୍କ ମଧ୍ୟରେ ଏକ ଭିନ୍ନ ଉତ୍ସାହ ଅଛି ଏବଂ ବୋଧହୁଏ ଏହି କାରଣରୁ ସେ ଆଜି ଜଣେ ଅଭିନେତା ଭାବରେ ଫିଲ୍ମ ଇଣ୍ଡଷ୍ଟ୍ରିରେ ରାଜ୍ କରୁଛନ୍ତି।
କାର୍ତ୍ତିକ ଅଧ୍ୟୟନରେ ବହୁତ ଭଲ ଥିଲେ। ଏହି କାରଣରୁ ପରିବାର ତାଙ୍କୁ ଜଣେ ଇଞ୍ଜିନିୟର ଭାବରେ ଦେଖିବାକୁ ଚାହୁଁଥିଲେ। ତାଙ୍କୁ ଇଞ୍ଜିନିୟରିଂ କରିବାକୁ ମୁମ୍ବାଇ ପଠାଇଥିଲେ ମାତାପିତା, କିନ୍ତୁ କାର୍ତ୍ତିକ ଜଣେ ଅଭିନେତା ହେବାରେ ବ୍ୟସ୍ତ ଥିଲେ। ଅଧ୍ୟୟନ ସହିତ, ସେ କିଛି କାମ ପାଇ ପାରନ୍ତି ବୋଲି ଆଶା କରି ଷ୍ଟୁଡିଓ ବୁଲୁଥିଲେ। ତାଙ୍କ କଠିନ ପରିଶ୍ରମ ପରେ ଶେଷରେ ସେ ସଫଳତା ପାଇଲେ। ୨୦୨୨ରେ ‘ପ୍ୟାର କା ପଞ୍ଚନାମା’ ଫିଲ୍ମ ଜରିଆରେ ସେ ବଲିଉଡ୍ରେ ଡେବ୍ୟୁ କରିବାର ସୁଯୋଗ ପାଇଲେ। ଏହି ଫିଲ୍ମ କରିବା ପରେ ସେ ଆଉ ପଛକୁ ଚାହିଁ ନ ଥିଲେ। ସେ ତାଙ୍କ କ୍ୟାରିୟରରେ ‘ଲଭ ଆଜ କାଲ ୨’, ‘ପତି, ପତ୍ନୀ ଔର ଓ’, ‘ଧମାକା’ ଏବଂ ‘ଭୁଲ ଭୁଲେୟା ୨’ ଭଳି ଫିଲ୍ମରେ କାମ କରିଥିଲେ।