ମୁମ୍ବାଇ: ଗତ ବର୍ଷ ଅର୍ଥାତ୍ ୨୦୨୧ ବଲିଉଡ୍ ଇଣ୍ଡଷ୍ଟ୍ରି ପାଇଁ ଭଲ ବର୍ଷ ନ ଥିବା ବେଳେ ଚଳିତ ବର୍ଷକୁ ନେଇ ସଭିଏଁ ଅଛନ୍ତି ଆଶାବାଦୀ । ଅଭିନେତା କାର୍ତ୍ତିକ ଆର୍ଯ୍ୟନଙ୍କ କଥା ଟିକେ ଅଲଗା । ଚଳିତ ବର୍ଷକୁ ନେଇ ସେ ଖୁବ୍ ଉତ୍ସାହିତ । ଓଟିଟିରେ ଧମାକାଦାର ଡେବ୍ୟୁ ପରେ ଏହି ଅଭିନେତା ଭବିଷ୍ୟତକୁ ନେଇ ଖୁବ୍ ଆଶାବାଦୀ । ଅର୍ଜୁନ ପାଠକ ଭୂମିକାରେ ଓଟିଟିରେ ଦର୍ଶକଙ୍କ ଖୁବ୍ ନିକଟତର ହୋଇଥିବା କାର୍ତ୍ତିକଙ୍କ ହାତରେ ଚଳିତ ବର୍ଷ ଗୁଡାଏ ଅଫର ଥିବା ସେ କହିଛନ୍ତି । ସେ କହିଛନ୍ତି ୨୦୨୨ରେ ସେ ଏକ ହାପି ନୋଟ ସହ ଏଣ୍ଟ୍ରି କରିଛନ୍ତି । ଆଗାମୀ ଦିନରେ ସେ ବିଭିନ୍ନ କ୍ୟାରେକ୍ଟରରେ ଦର୍ଶକଙ୍କ ମନୋରଞ୍ଜନ କରିବେ । ଏହା ସାଧାରଣ ଚରିତ୍ରଠାରୁ ଟିକେ ଭିନ୍ନ ହେବ ଯାହା ସେ ପୂର୍ବରୁ କେବେ କରି ନାହାନ୍ତି ବୋଲି କହିଛନ୍ତି । ମିଡିଆ ରିପୋର୍ଟର ସୂଚନା ଅନୁଯାୟୀ, କାର୍ତ୍ତିକ ଫ୍ରେଡି, କ୍ୟାପଟେନ ଇଣ୍ଡିଆ, ଭୁଲ ଭୁଲେୟା ୨, ଶହଜାଦା ଓ ସାଜିଦ ନାଡିୟାଡୱାଲାଙ୍କ ସମେତ କିଛି ବିଗ୍ ଟିକେଟ ଫିଲ୍ମରେ ନଜର ଆସିବେ ବୋଲି ଜଣାପଡିଛି ।
