ମୁମ୍ବାଇ: ବଲିଉଡ ଅଭିନେତା କାର୍ତ୍ତିକ ଆର୍ଯ୍ୟନଙ୍କ ପାଇଁ ଆଜିର ଦିନର ଏକ ମହତ୍ୱ ରହିଛି । ମଙ୍ଗଳବାର ଅର୍ଥାତ୍ ନଭେମ୍ବର ୨୨ ହେଉଛି ଅଭିନେତାଙ୍କ ଜନ୍ମଦିନ । ଏଥର ତାଙ୍କ ଜନ୍ମଦିନ ଆହୁରି ଖାସ୍ ହୋଇଯାଇଛି । କାରଣ ତାଙ୍କ ଅଭିନୀତ ଫିଲ୍ମ ‘ଶହଜାଦା’ର ଟିଜର ମଙ୍ଗଳବାର ଆଉଟ ହୋଇଛି । ଆଉ ଏହା ଦର୍ଶକଙ୍କୁ ବେଶ ପସନ୍ଦ ଆସିଛି । ଏହା ଏକ କମେଡି ଆକ୍ସନ ଡ୍ରାମା ଫିଲ୍ମ । ଏଥିରେ କ୍ରିତି ସାନନଙ୍କୁ ବି ଦେଖିବାକୁ ମିଳିବ । ଏହି ଫିଲ୍ମ ଅଲ୍ଲୁ ଅର୍ଜୁନଙ୍କ ତେଲଗୁ ହିଟ ‘ଅଲା ବୈକୁଣ୍ଠପୁରମୋଲ’ର ହିନ୍ଦି ରିମେକ, ଯାହା ୧୦ ଫେବୃୟାରୀ ୨୦୨୩ରେ ରିଲିଜ୍ ହେବ । ଶହଜାଦାର ଟିଜରରେ କାର୍ତ୍ତିକ ଏକ ଆଲିଶାନ ହବେଲିର ଗେଟରୁ ଘୋଡା ଚଢି ଆସୁଥିବା ଦେଖାଯାଇଛି । ଏହାପରେ ସେ ଦୁଷ୍ଟ ପିଲାମାନଙ୍କୁ ପିଟୁଥିବା ଦେଖାଯାଇଛି । ଏହାସହ ସେ ଲଢାଇ ମଇଦାନରେ ବି ସ୍କୁଟରରେ ନଜର ଆସିଛନ୍ତି ।
ସୂଚନାଯୋଗ୍ୟ, କ୍ରିତି ସାନନ ସମୁଦ୍ର କୂଳରେ ଶହଜାଦା ପାଇଁ ଡ୍ୟାନ୍ସ ଓ ୱିଂକ କରୁଥିବା ବେଳେ ଗ୍ଲାମରସ ଲୁକରେ ନଜର ଆସିଛନ୍ତି । ଯେହେତୁ ଏହା ଏକ ତେଲଗୁ ଫିଲ୍ମର ରିମେକ ତେଣୁ ଏଥିରେ ଆକ୍ସନକୁ ଅଧିକ ଗୁରୁତ୍ୱ ଦିଆଯାଇଛି ।
