ବେଙ୍ଗାଲୁରୁ,୩।୧: କର୍ନାଟକର ବିଜୟପୁର ଜିଲାରେ ଅବସ୍ଥିତ ଜନ୍ନାୟୋଗାଶ୍ରାମର ପ୍ରସିଦ୍ଧ ଧାର୍ମିକ ଗୁରୁ ସିଦ୍ଧେଶ୍ୱର ସ୍ବାମୀଜୀଙ୍କ ପରଲୋକ ଘଟିଛି। ତାଙ୍କୁ ୮୧ ବର୍ଷ ହୋଇଥିଲା। ସେ କିଛି ଦିନ ହେବ ବୟସ ସମ୍ବନ୍ଧୀୟ ରୋଗ ସହ ଲଢୁଥିଲେ।
ତାଙ୍କ ମୃତ୍ୟୁ ବିଷୟରେ ସୂଚନା ପାଇବା ମାତ୍ରେ ବହୁ ସଂଖ୍ୟାରେ ଭକ୍ତ ଓ ଅନୁଗାମୀ ଜନନାୟୋଗାଶ୍ରମ ପରିସରରେ ପହଞ୍ଚି ଶେଷ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ସିଦ୍ଧେଶ୍ୱର ସ୍ବାମୀଜୀଙ୍କ ଭକ୍ତ ଏବଂ ଅନୁଗାମୀମାନେ କର୍ନାଟକ, ମହାରାଷ୍ଟ୍ର ଏବଂ ଅନ୍ୟାନ୍ୟ ରାଜ୍ୟରେ ଅଛନ୍ତି। କର୍ନାଟକ ସରକାର ଏକ ବିବୃତ୍ତିରେ କହିଛନ୍ତି, ସିଦ୍ଧେଶ୍ୱର ସ୍ବାମୀଜୀଙ୍କ ଶେଷ ରୀତିନୀତି ରାଷ୍ଟ୍ରୀୟ ସମ୍ମାନରେ ପାଳନ କରାଯିବ। ଏଥି ସହ ବିଜୟପୁର ଜିଲା ପ୍ରଶାସନ ତାଙ୍କ ସମ୍ମାନାର୍ଥେ ମଙ୍ଗଳବାର ସ୍କୁଲ-କଲେଜ ଏବଂ ସରକାରୀ କାର୍ଯ୍ୟାଳୟରେ ଛୁଟି ଘୋଷଣା କରିଛି।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସମେତ ଅନ୍ୟ ବରିଷ୍ଠ ନେତାମାନେ ସ୍ବାମୀଜୀଙ୍କ ଦେହାନ୍ତରେ ଦୁଃଖ ପ୍ରକାଶ କରିଛନ୍ତି। ପ୍ରଧାନମନ୍ତ୍ରୀ ଟୁଇଟ୍ କରି କହିଛନ୍ତି ଯେ ସମାଜ ପାଇଁ ଉତ୍କୃଷ୍ଟ ସେବା ପାଇଁ ସ୍ବାମୀଜୀଙ୍କୁ ସ୍ମରଣ କରାଯିବ। ସେ ଅନ୍ୟମାନଙ୍କ ଉନ୍ନତି ପାଇଁ ନିରନ୍ତର ପରିଶ୍ରମ କରିଥିଲେ। ମୋର ଚିନ୍ତାଧାରା ତାଙ୍କ ଭକ୍ତଙ୍କ ସହିତ ଅଛି। ଓମ ଶାନ୍ତି।
