ବେଙ୍ଗାଲୁରୁ,୬।୪: କର୍ନାଟକ ବିଧାନସଭା ନିର୍ବାଚନକୁ ନେଇ ଏବେ ଯୋର ସୋରରେ ପ୍ରସ୍ତୁତି ଚାଲିଛି। ଏହାରି ଭିତରେ କର୍ନାଟକ କଂଗ୍ରେସ ଗୁରୁବାର ପ୍ରାର୍ଥୀଙ୍କ ଦ୍ୱିତୀୟ ତାଲିକା ଜାରି କରି ଦେଇଛି। କେନ୍ଦ୍ରୀୟ ନିର୍ବାଚନ ସମିତି(ସିଇସି)ର ବୈଠକ ପରେ ପ୍ରାର୍ଥୀଙ୍କ ନାମ ଘୋଷଣା କରାଯାଇଛି। ଦ୍ୱିତୀୟ ତାଲିକାରେ ୪୨ ଜଣ ପ୍ରାର୍ଥିଙ୍କ ନାମ ରହିଛି। କଂଗ୍ରେସ ଏବେ ସୁଦ୍ଧ ୧୬୬ ଆସନ ପାଇଁ ପ୍ରାର୍ଥୀ ତାଲିକା ଘୋଷଣା କରିଛି।
ସୂଚନାଯୋଗ୍ୟ, ଏହା ପୂର୍ବରୁ ଦଳ ପକ୍ଷରୁ ୨୫ ମାର୍ଚ୍ଚରେ ୧୨୪ ଜଣ ପ୍ରାର୍ଥୀଙ୍କ ପ୍ରଥମ ତାଲିକା ଜାରି କରିଥିଲା କଂଗ୍ରେସ। ଅନ୍ୟପଟେ ଆହୁରି ୧୦୦ ଆସନରେ ପ୍ରାର୍ଥୀଙ୍କ ନାମ ଘୋଷଣା ବାକି ରହିଛି। ଏହା ପୂର୍ବରୁ ମଙ୍ଗଳବାର ଏପ୍ରିଲ ୪ରେ ଦଳର ଅଧ୍ୟକ୍ଷ ମଲ୍ଲିକାର୍ଜୁନ ଖାର୍ଗେ କହିଥିଲେ ଦଳ ରାଜ୍ୟର ଆଉ ୧୦୦ ଆସନର ପ୍ରାର୍ଥୀଙ୍କୁ ନେଇ ବ୍ୟାପକ ଚର୍ଚ୍ଚା କରିବ।
