ବେଙ୍ଗାଲୁରୁ,୯।୫: କର୍ନାଟକରେ ବୁଧବାର ଅର୍ଥାତ୍ ମେ ୧୦ରେ ହେବାକୁ ଯାଉଛି ବିଧାନସଭା ନିର୍ବାଚନ ପାଇଁ ଭୋଟ ଗ୍ରହଣ। ରାଜ୍ୟରେ ନିର୍ବାଚନ ପ୍ରଚାର ଶେଷ ହୋଇଯାଇଛି। ହେଲେ ଏବେବି ରାଜ୍ୟରେ କଂଗ୍ରେସ ଓ ଭାରତୀୟ ଜନତା ପାର୍ଟି ମଧ୍ୟରେ ତୁତୁମେମେ ଲାଗି ରହିଛି। ଶୁଣିବାକୁ ମିଳିଛି କି କଂଗ୍ରେସ ନିର୍ବାଚନ କମିଶନଙ୍କ ନିକଟରେ ଭାରତୀୟ ଜନତା ପାର୍ଟି(ଭାଜପା) ବିରୋଧରେ ଅଭିଯୋଗ କରିଛି। ଏପଟେ ଭାଜପା କଂଗ୍ରେସ ବିରୋଧରେ କୋର୍ଟରେ ପହଞ୍ଚିଛି। ଭାଜପା କଂଗ୍ରେସ ବିରୋଧରେ ମାନହାନି ମୋକଦ୍ଦମା ଦାୟର କରିଛି।
କଂଗ୍ରେସର ପ୍ରଦେଶ କାର୍ଯ୍ୟକାରୀ ଅଧ୍ୟକ୍ଷ ରାମଲିଙ୍ଗା ରେଡ୍ଡି କହିଛନ୍ତି, ଆମେ ନିର୍ବାଚନ କମିଶନଙ୍କ ନିକଟରେ ଅଭିଯୋଗ କରିଥିଲୁ କି ଜୟାନଗରରେ ନିରପେକ୍ଷ ନିର୍ବାଚନ କରାଯାଉ। କଂଗ୍ରେସ ନେତା କହିଛନ୍ତି ୨-୩ ଦିନ ମଧ୍ୟରେ ସମସ୍ତ ଖରାପ କାମ ଜୟାନଗର ଅଞ୍ଚଳରେ ହୋଇଛି। ସେ ଅଭିଯୋଗ କରିଛନ୍ତି କି, ଭାଜପା ପ୍ରାର୍ଥୀ ସିକେ ରାମମୂର୍ତ୍ତି ବିଧାନସଭାରେ ଗରିବ ଲୋକଙ୍କୁ ଧମକାଉଛନ୍ତି। ବେଙ୍ଗାଲୁରୁର ଅଧା ଦବଙ୍ଗ ଲୋକ ଜୟାନଗର ଅଞ୍ଚଳରେ ରହୁଛନ୍ତି।
