ବଦଳିଲେ କପ୍ତିପଦା ଉପଖଣ୍ଡ ଉପ ଜିଲାପାଳ
9:49 pmMarch 3, 2023March 3, 2023 / 09

ଉଦଳା,୩ା୩(ଡି.ଏନ.ଏ.)- ଦୀର୍ଘ ୪ ବର୍ଷରୁ ଅଧିକ ସମୟ ହେବ କପ୍ତିପଦା ଉପଖଣ୍ଡର ଉପ ଜିଲାପାଳ ଭାବେ ଦାୟିତ୍ୱରେ ଥିବା ଭଗବାନ ବେହେରାଙ୍କର ବଦଳି ହୋଇଛି। ଓଡ଼ିଶା ସରକାରଙ୍କ ସାଧାରଣ ପ୍ରଶାସନ ଓ ସାଧାରଣ ଅଭିଯୋଗ ବିଭାଗ ତରଫରୁ ଅର୍ଡର ନଂ-ଜିଏଡି-ଏସ୍‌ଇଆର୨-ଆଇଡି-୦୦୧୪-୨୦୨୨-୬୩୪୪/ଏସସିଏସ୍‌ ଅନୁସାରେ ତାଙ୍କର ବଦଳି ହୋଇଛି। ନୂତନ ଉପଜିଲାପାଳ ଭାବେ ମୟୂରଭଞ୍ଜ ଜିଲା ପରିଷଦର ଅତିରିକ୍ତ କାର୍ଯ୍ୟନିର୍ବାହୀ ଅଧିକାରୀ ସୁଶାନ୍ତ କୁମାର ବାରିକ କାର୍ଯ୍ୟରେ ଯୋଗଦେବେ ବୋଲି ସୂଚନା ମିଳିଛି।
ଉଲ୍ଲେଖଯୋଗ୍ୟ, ୨୦୧୮ ସେପ୍ଟେମ୍ବର ୧୨ରେ କପ୍ତିପଦା ଉପଖଣ୍ଡର ଉପ ଜିଲାପାଳ ଭାବେ ଦାୟିତ୍ୱ ନେଇଥିବା ଭଗବାନ ବେହେରା ମନମାନୀ ଚଳାଇ ଆସୁଥିବା ଅଭିଯୋଗ ହୋଇଥିଲା। ଗଣମାଧ୍ୟମର କଣ୍ଠରୋଧ କରିବା ଲାଗି ପ୍ରୟାସ୍‌ କରି ବିବାଦ ଘେରକୁ ଆସିଥିଲେ। ତାଙ୍କ ବଦଳି ଦାବିରେ ସ୍ଥାନୀୟ ଗଣମାଧ୍ୟମ ପ୍ରତିନିଧିମାନେ କିଛି ଦିନ ହେବ ଆନ୍ଦୋଳନ ଜାରି ରଖିଥିଲେ।