ମୁମ୍ବାଇ: ବଲିଉଡ୍ ଅଭିନେତ୍ରୀ କରୀନା କପୁର ଖାନ୍ ବଲିଉଡ୍ର କପୁର ପରିବାରରୁ ଆସିଛନ୍ତି। ତାଙ୍କ ଜେଜେ ରାଜ କପୁର, ତାଙ୍କ ବାପା ପୃଥ୍ବୀରାଜ କପୁର ବଲିଉଡ୍ରେ ଭଲ ନାମ କମାଇଛନ୍ତି। ହେଲେ ମଧ୍ୟ ତାଙ୍କ କପୁର ପରିବାରରେ ଏକ ଅଜବ ନିୟମ ଥିଲା। ପରିବାରର ଝିଅ ହେଉ ବା ବୋହୂ କାହାରିକୁ ବି ଫିଲ୍ମରେ କାମ କରିବାକୁ ଅନୁମତି ନ ଥିଲା। ଏନେଇ କରୀନା ନିକଟରେ ଏକ ସାକ୍ଷାତ୍କାରରେ କହିଛନ୍ତି। ତେବେ ଏହି ନିୟମରେ ପରିବର୍ତ୍ତନର ଶ୍ରେୟ ସେ ତାଙ୍କ ବାପା ରଣଧୀର କପୁରଙ୍କୁ ଦେଇଛନ୍ତି। ରଣଧୀର କପୁର ଦୁନିଆର ସବୁଠୁ ଭଲ ବାପା ବୋଲି ସେ କହିଛନ୍ତି। ସେ ସମୟ ସହିତ ନିଜକୁ ମଧ୍ୟ ବଦଳାଇ ପାରିଛନ୍ତି। ତାଙ୍କ ଭଉଣୀ କରିସ୍ମା କପୁର ତାଙ୍କୁ ଫିଲ୍ମରେ କ୍ୟାରିୟର କରିବାକୁ ନ ଅଟକାଇ ସେଥିରେ ଆଗେଇବାକୁ ପରାମର୍ଶ ଦେଇଥିଲେ। କପୁର ପରିବାରର ପ୍ରଥମ ଝିଅ ଭାବେ କରିସ୍ମାଙ୍କ ପାଇଁ ଏହା କଠିନ ଥିଲା। ଏଥିପାଇଁ ତାଙ୍କ ବାପା ସବୁବେଳେ ସାଥ୍ ଦେଇଛନ୍ତି। ରଣଧୀର କପୁର ଜଣେ ଉଚ୍ଚ ବିଚାରୀୟ ବ୍ୟକ୍ତି ଥିବା କରୀନା କହିଛନ୍ତି। ତେବେ କରୀନା ୨୦୦୦ରୁ ତାଙ୍କ ଫିଲ୍ମ କ୍ୟାରିୟର ଆରମ୍ଭ କରିଛନ୍ତି। ସେ ଅନେକ ସିନେମାରେ କାମ କରି ଲୋକପ୍ରିୟ ହୋଇପାରିଛନ୍ତି। ଶେଷଥର ପାଇଁ ସେ ଚଳଚ୍ଚିତ୍ର ‘ଲାଲ ସିଂ ଚଡ୍ଡା’ରେ ନଜରକୁ ଆସିଥିଲେ। ଏବେ ତାଙ୍କ ହାତରେ ୨/୩ଟି ଫିଲ୍ମ ରହିଛି। ଯେଉଁଥିରେ ସେ ଏବେ ବ୍ୟସ୍ତ ଅଛନ୍ତି। ଏଥିସହ ସେ କିଛି ଡକ୍ୟୁମେଣ୍ଟାରି ସିନେମା ଏବଂ ଟେଲିଭିଜନରେ ମଧ୍ୟ ନଜରକୁ ଆସିଛନ୍ତି।
