କମେଡି କିଙ୍ଗ୍ କପିଲ ଶର୍ମାଙ୍କ ଲକ୍ଷ ଲକ୍ଷ ପ୍ରଶଂସକ ଅଛନ୍ତି। ତାଙ୍କ କମେଡି ଦେଖିବାକୁ ଦର୍ଶକ ଚାହଁ ବସିଥାନ୍ତି। ପ୍ରତ୍ୟେକ ବ୍ୟକ୍ତିଙ୍କ ଜୀବନରେ ଖରାପ ସମୟ ଆସେ, କପିଲଙ୍କ ଜୀବନରେ ମଧ୍ୟ ସେମିତି ଏକ ଖରାପ ଦିନ ଆସିଥିଲା। ପରିସ୍ଥିତି ଏପରି ହୋଇଥିଲା ଯେ, ସେ ଆତ୍ମହତ୍ୟା କରିବାକୁ ଚାହୁଁଥିଲେ।
କପିଲ କଠିନ ପରିଶ୍ରମ ଆଧାରରେ ବହୁତ କିଛି ହାସଲ କରିଛନ୍ତି। କିନ୍ତୁ ତାଙ୍କ ଜୀବନରେ ଅନେକ ଉତ୍ଥାନ-ପତନ ଘଟିଥିଲା ଏବଂ ଏହି ସମୟରେ ସେ ଆତ୍ମହତ୍ୟା ବିଷୟରେ ଚିନ୍ତା କରିବା ଆରମ୍ଭ କରିଥିଲେ। ତା’ପରେ ଅଭିନେତା ଶାହାରୁଖ ଖାନ ତାଙ୍କ ଜୀବନରେ ଦେବଦୂତ ସାଜିଥିଲେ। ଅସୁବିଧା ସମୟରୁ କପିଲଙ୍କୁ ବାହାର କରିଥିଲେ ଶାହରୁଖ। କପିଲ ଶର୍ମା ଏକ ସାକ୍ଷାତକାର ସମୟରେ ଏହା କହିଛନ୍ତି। ଦିନ ଥିଲା ଅତ୍ୟଧିକ ମଦ୍ୟପାନ ଯୋଗୁ ତାଙ୍କ କ୍ୟାରିୟର୍ ନଷ୍ଟ ହେବା ସ୍ଥିତିରେ ଥିଲା। ପରିସ୍ଥିତି ଏପରି ହୋଇଥିଲା ଶୋ’ ଦର୍ଶକ ଆସିବାକୁ ପସନ୍ଦ କରୁ ନ ଥିଲେ। ଏହି ସମୟରେ କପିଲଙ୍କ ଜଣେ ବନ୍ଧୁ ସମୁଦ୍ର ନିକଟ ଆପାର୍ଟମେଣ୍ଟରେ ରହିବାକୁ ପରାମର୍ଶ ଦେଇଥିଲେ। ଏହଥିରେ ହୋଇ ସେଠାରେ ରହିବାକୁ ଲାଗିଲେ। କିନ୍ତୁ ଏପରି ଏକ ଦିନ ଥିଲା, ଯେଉଁ ଦିନ ସେ ସମୁଦ୍ରକୁ ଡେଇଁ ଆତ୍ମହତ୍ୟା କରିବାକୁ ଚାହଁିଥିଲେ। ଶାହାରୁଖ ଏହି ଅସୁବିଧାରୁ ତାଙ୍କୁ ରକ୍ଷା କରିଥିଲେ। ତାଙ୍କ ସାହାଯ୍ୟରେ ସେ ପୁଣି ଟ୍ରାକକୁ ଫେରିଥିଲେ। ଶାହାରୁଖ ତାଙ୍କୁ ମାନସିକ ଏବଂ ଶାରୀରିକ ସ୍ତରରେ ମାର୍ଗଦର୍ଶନ କରିଛନ୍ତି ବୋଲି କହନ୍ତି କପିଲ।
