ଚେନ୍ନାଇ,୧୫।୪: ସାଉଥ ଫିଲ୍ମ ଇଣ୍ଡଷ୍ଟ୍ରିରୁ ଏକ ଦୁଃଖଦ ଖବର ସାମ୍ନାକୁ ଆସିଛି। କୁହାଯାଉଛି ଯେ କନ୍ନଡ ଚଳଚ୍ଚିତ୍ର ନିର୍ମାତା ତଥା ବ୍ୟବସାୟୀ ସୌନ୍ଦର୍ଯ୍ୟା ଜଗଦୀଶ ଆତ୍ମହତ୍ୟା ଉଦ୍ୟମ କରିବା ପରେ ତାଙ୍କର ମୃତ୍ୟୁ ହୋଇଛି। ରବିବାର ଦିନ ପୋଲିସ ଏବଂ ତାଙ୍କ ନିକଟ ସୂତ୍ର ପିଟିଆଇକୁ କହିଛନ୍ତି ଯେ ରବିବାର ସକାଳେ ବେଙ୍ଗାଲୁରୁର ମହାଲକ୍ଷ୍ମୀ ଲେଆଉଟରେ ତାଙ୍କ ନିର୍ମାତା ଆତ୍ମହତ୍ୟା କରିବାକୁ ଉଦ୍ୟମ କରିଥିବା ଅଭିଯୋଗ ହୋଇଛି। ତେବେ ଏହି ଉଦ୍ୟମ ପରେ ତାଙ୍କୁ ତୁରନ୍ତ ରାଜଜୀନଗରର ଏକ ଘରୋଇ ଡାକ୍ତରଖାନାକୁ ନିଆଯାଇଥିଲା ଯେଉଁଠାରେ ଡାକ୍ତରମାନେ ତାଙ୍କୁ ମୃତ ଘୋଷଣା କରିଥିଲେ।
ପିଟିଆଇର ସୂଚନା ଅନୁଯାୟୀ ଜଗଦୀଶଙ୍କ ବନ୍ଧୁ ଶ୍ରେୟ ଗଣମାଧ୍ୟମକୁ କହିଛନ୍ତି ଯେ ଜଗଦୀଶ ଆତ୍ମହତ୍ୟା ଉଦ୍ୟମ କରିବା ପରେ ତାଙ୍କର ମୃତ୍ୟୁ ହୋଇଛି। ଆମେ ତାଙ୍କୁ ଡାକ୍ତରଖାନାକୁ ଆଣିଥିଲୁ ଯେଉଁଠାରେ ତାଙ୍କୁ ମୃତ ଘୋଷଣା କରାଯାଇଥିଲା। ଏହାର କାରଣ କ’ଣ ଜାଣିବାକୁ ପରବର୍ତ୍ତୀ ପ୍ରକ୍ରିୟା ଚାଲିଛି । ତାଙ୍କର କୌଣସି ସ୍ବାସ୍ଥ୍ୟ ସମସ୍ୟା ନଥିଲା। ହଠାତ୍ ଏମିତି ହେବାର କାରଣ ଆମେ ଆପଣଙ୍କୁ କହିବାକୁ ଅସମର୍ଥ।
ଯେତେବେଳେ ପଚରାଗଲା ଯେ ନିକଟରେ ଜଗଦୀଶଙ୍କୁ ଏକ ବ୍ୟାଙ୍କ ନୋଟିସ ପଠାଯାଇଥିଲା ଏବଂ ଏହା ଆତ୍ମହତ୍ୟା ଉଦ୍ୟମର କାରଣ ହୋଇପାରେ କି? ଏହାକୁ ନେଇ ସେ କହିଥିଲେ, ନା, ଏହାର ଆତ୍ମହତୃା ସହ କୌଣସି ସମ୍ପର୍କ ନାହିଁ। ଏହି ସମସ୍ୟା କିଛି ସମୟ ପାଇଁ ରହିଆସିଛି। ବ୍ୟବସାୟିକ ସମସ୍ୟା ଅଲଗା । ସେ କହିଛନ୍ତି ଯେ ଆଜି ସକାଳେ ଏହା ଜାଣିବା ପରେ ତାଙ୍କୁ ତୁରନ୍ତ ଡାକ୍ତରଖାନା ନିଆଯାଇଥିଲା … ସେ ଫାଶୀ ଲଗାଇ ଆତ୍ମହତ୍ୟା ଉଦ୍ୟମ କରିଥିଲେ।
