ମୁମ୍ବାଇ,୨୮ ।୬: ବଲିଉଡ ଅଭିନେତ୍ରୀ କଙ୍ଗନା ରାନାୱତ ସୋସିଆଲ ମିଡିଆରେ ଖୁବ୍ ଆକ୍ଟିଭ । ସେ ପ୍ରାୟ ସବୁ ବିଷୟକୁ ନେଇ ନିଜର ବୟାନ ଦେଇଥାଆନ୍ତି ଯେଉଁଥିରେ ବିବାଦ ଉପୁଜିଥାଏ । ହେଲେ ଏଥିରେ ସେ ପଛଘୁଞ୍ଚା ଦେଇ ନ ଥାଆନ୍ତି । କିନ୍ତୁ ଅଡୁଆରେ ଛନ୍ଦି ହୋଇ ଯାଇଥାଆନ୍ତି । ଏବେ ପୁଣିଥରେ ବଢିଛି କଙ୍ଗନାଙ୍କ ଅଡୁଆ । କଙ୍ଗନାଙ୍କୁ ଜାଭେଦ ଅଖତର ଦେଇଥିବା ମାନହାନୀ ମାମଲାରେ ୨୭ ଜୁନରେ କୋର୍ଟରେ ହାଜର ହେବାର ଥିଲା । ହେଲେ କଙ୍ଗନା ଆସି ନ ଥିଲେ । ଏଥିରେ ଜାଭେଦ ଅଖତରଙ୍କ ଓକିଲ କଙ୍ଗନାଙ୍କ ବିରୋଧରେ ଜାମିନ ବିହିନ ୱାରେଣ୍ଟ ଜାରି କରିବାକୁ କହିଥିଲେ । ଆଉ କଙ୍ଗନା ଅନେକ ଘଟଣାରେ କୋର୍ଟରେ ହାଜର ନ ହେଉଥିବା ଅଭିଯୋଗ ହୋଇଥିଲା ।
କଙ୍ଗନାଙ୍କ ଓକିଲ ରିଜୱାନ ସିଦ୍ଦିକି କୋର୍ଟରେ ଉପସ୍ଥିତ ରହି କଙ୍ଗନା ୪ ଜୁଲାଇଷର ଉପସ୍ଥିତ ରହିବେ ବୋଲି କହି କୋର୍ଟଙ୍କୁ ସମୟ ମାଗିଥିଲେ । ଏହି ମାମଲାର ଶୁଣାଣି ଏବେ ଜୁଲାଇ ୪ରେ ମୁମ୍ବାଇ କୋର୍ଟର ହେବ ।
