ହାଇଦ୍ରାବାଦ: ଦକ୍ଷିଣ ଭାରତୀୟ ସିନେମାର ଲୋକପ୍ରିୟ ଯୋଡ଼ି ନାଗା ଚୈତନ୍ୟ ଏବଂ ସମନ୍ଥା ପ୍ରଭୁ ପରସ୍ପରଠାରୁ ଅଲଗା ହୋଇଛନ୍ତି। ଉଭୟଙ୍କ ୪ ବର୍ଷର ବୈବାହିକ ଜୀବନରେ ପଡ଼ିଛି ପୂର୍ଣ୍ଣଚ୍ଛେଦ ପଡ଼ିଛି। ଶନିବାର ଦୁହେଁ ସୋସିଆଲ ମିଡିଆରେ ପୋଷ୍ଟ କରି ଏନେଇ ସୂଚନା ଦେବା ପରେ ଚାରିଆଡୁ ପ୍ରତିକ୍ରିୟା ପ୍ରକାଶ ପାଇଛି। ବିଶେଷକରି ବଲିଉଡ୍ ଅଭିନେତ୍ରୀ କଙ୍ଗନା ରାଣାଓ୍ବତଙ୍କ ପ୍ରତିକ୍ରିୟା ବେଶ ଭାଇରାଲ ହେଉଛି।
ନାଗା-ସମନ୍ଥାଙ୍କ ବିବାହ ବିଚ୍ଛେଦକୁ ନେଇ ସେ ମତ ଦେବା ସହ ଜଣେ ବଲିଉଡ୍ ସୁପରଷ୍ଟାର କଡା ଭାଷାରେ ସମାଲୋଚନା କରିଛନ୍ତି। ଅଭିନେତ୍ରୀ କହିଛନ୍ତି, ନାଗା ହଠାତ ତାଙ୍କ ସ୍ତ୍ରୀଙ୍କଠାରୁ ଅଲଗା ହୋଇଯାଇଛନ୍ତି। ସମନ୍ଥାଙ୍କୁ ସେ ଚାରି ବର୍ଷ ତଳେ ବିବାହ କରିଥିଲେ। କେବଳ ସେତିକି ନୁହେଁ ଦୀର୍ଘ ଦଶ ବର୍ଷ ଧରି ଉଭୟ ରିଲେଶନସିପ୍ରେ ମଧ୍ୟ ଥିଲେ। ଏହି ଅଭିନେତା ନିକଟରେ ଜଣେ ବଲିଉଡ୍ ସୁପରଷ୍ଟାରଙ୍କ ସଂସ୍ପର୍ଶରେ ଆସିଥିଲେ। ଉକ୍ତ ସୁପରଷ୍ଟାର ବଲିଉଡ୍ର ଛାଡ଼ପତ୍ର ଏକ୍ସପର୍ଟ ଭାବେ ଜଣାଶୁଣା। ଏପରି କରି ସେ ଅନେକ ମହିଳା ଓ ଛୁଆଙ୍କ ଜୀବନ ନଷ୍ଟ କରିଛନ୍ତି। ସେ ଏବେ ନାଗାଙ୍କ ଗାଇଡ୍ ହୋଇଛନ୍ତି। ଏଥିପାଇଁ ସବୁକିଛି ସହଜରେ ହୋଇଗଲା। ସମସ୍ତେ ଜାଣନ୍ତି ବଲିଉଡ୍ର ଉକ୍ତ ଷ୍ଟାର ଜଣଙ୍କ କିଏ।
ଏହାଛଡ଼ା କଙ୍ଗନା ବିବାହ ବିଚ୍ଛେଦ ପାଇଁ ସାଧାରଣତଃ ପୁରୁଷମାନେ ଦାୟୀ ବୋଲି କହିଛନ୍ତି। ସମସ୍ତେ ଏହାକୁ ଗ୍ରହଣ ନ କଲେ ହେଁ ଏହା ସତ। ଯଦି ଗଣନା ହୁଏ ଶହେରେ ଜଣେ ମହିଳାଙ୍କ ଦୋଷ ଥାଇପାରେ। ସେଭଳି ଲୋକଙ୍କ ପ୍ରତି ଦୟାଭାବ ପୋଷଣ କରାଯିବା ଉଚିତ ନୁହେଁ। ଯେଉଁମାନେ ପୋଷାକ ବଦଳାଇବା ଭଳି ମହିଳାଙ୍କୁ ବଦଳାନ୍ତି ଏବଂ ପରେ ତାଙ୍କୁ ନିଜର ବନ୍ଧୁ ବୋଲି କୁହନ୍ତି। ଏଥିପାଇଁ ସେମାନେ ଗଣମାଧ୍ୟମ ଏବଂ ପ୍ରଶଂସକଙ୍କଠାରୁ ପ୍ରୋତ୍ସାହନ ପାଇଥାନ୍ତି। ଏଭଳି ଲୋକଙ୍କୁ ଦେଖିଲେ ଲଜ୍ଜା ଅନୁଭବ ହୁଏ। କିନ୍ତୁ ମିଡିଆ ଏଭଳି ଷ୍ଟାରଙ୍କୁ ପଶଂସା କରି ମହିଳାଙ୍କ ଆଲୋଚନା କରନ୍ତି। ଛାଡ଼ପତ୍ର ମାମଲା ଏବେ ଯେଉଁଭଳି ଭାବେ ବଢ଼ିଛି, ତାହା ପୂର୍ବରୁ କେବେ ନ ଥିଲା ବୋଲି ସେ କହିଛନ୍ତି।
