ମୁମ୍ବାଇ: ବାରାଣସୀର ଜ୍ଞାନବ୍ୟାପି ମସଜିଦ ବିବାଦ ମଧ୍ୟରେ ବଲିଉଡ ନାୟିକା କଙ୍ଗନା ରାନାୱତ କାଶୀ ବିଶ୍ୱନାଥ ମନ୍ଦିର ଦର୍ଶନ କରିବାକୁ ଯାଇଛନ୍ତି । ସୋସିଆଲ ମିଡିଆରେ କଙ୍ଗନା କିଛି ଫଟୋ ଶେୟାର କରିବା ପରେ ଏହା ଜଣାପଡିଛି । ତେବେ କଙ୍ଗନା ମନ୍ଦିର ପରିସରରୁ କିଛି ଫଟୋ ଶେୟାର କରିବା ପରେ ଜଣାପଡିଛି କି ସେ ତାଙ୍କ ଅପକମିଂ ଫିଲ୍ମ ‘ଧାକଡ’ର ଟିମ ସହ କାଶୀ ବିଶ୍ୱନାଥ ମନ୍ଦିର ଯାଇଛନ୍ତି । ଏବେ ଚର୍ଚ୍ଚାରେ ଥିବା ଜ୍ଞାନବ୍ୟାପି ମସଜିଦ ବିବାଦକୁ ନେଇ ନିଜର ରିଆକ୍ସନ ଦେଇ କଙ୍ଗନା କହିଛନ୍ତି, ଯେମିତି ମଥୁରାର କୋଣେ କୋଣେ ଭଗବାନ କୃଷ୍ଣ ରହିଛନ୍ତି, ଆଉ ଅଯୋଧ୍ୟାର ପ୍ରତି କୋଣରେ ଭଗବାନ ରାମ ଅଛନ୍ତି । ସେହିପରି କାଶୀର କୋଣେ କୋଣେ ଭଗବାନ ଶିବ ଅଛନ୍ତି ।
୨୦ ତାରିଖରେ ରିଲିଜ ହେବାକୁ ଯାଉଥିବା ମୁଭି ‘ଧାକଡ’ର ପ୍ରମୋଶନରେ ବ୍ୟସ୍ତ ଅଛନ୍ତି କଙ୍ଗନା । ତେବେ କଙ୍ଗନା ମନ୍ଦିର ଦର୍ଶନ କରି ସାରିବା ପରେ ଯେତେବେଳେ ତାଙ୍କୁ ଜ୍ଞାନବ୍ୟାପୀ ମସଜିଦକୁ ନେଇ ପ୍ରଶ୍ନ କରାଯାଇଥିଲା ସେତେବେଳେ ସେ କହିଥିଲେ କାଶୀର କୋଣେ କୋଣେ ମହାଦେବ ଅଛନ୍ତି । ଏହାର କୌଣସି ସଂରଚନାର ଆବଶ୍ୟକତା ନାହିଁ । ଏହାସହ ସେ ହର ହର ମହାଦେବ ନାରା ବି ଦେଇଥିଲେ । ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
କଙ୍ଗନା ତାଙ୍କ ମୁଭିର କୋ-ଷ୍ଟାର ଦିବ୍ୟା ଦତ୍ତା ଓ ଅର୍ଜୁନ ରାମପାଲଙ୍କ ସହ କାଶୀ ବିଶ୍ୱନାଥ ମନ୍ଦିର ଦର୍ଶନ କରିବାକୁ ଯାଇଛନ୍ତି । ଏହାସହ ସେ କାଶୀ ଘାଟକୁ ବି ଯାଇଛନ୍ତି ।
