ନୂଆଦିଲ୍ଲୀ,୫।୮: ଡିଏମକେ ନେତା ଉଦୟନିଧି ଷ୍ଟାଲିନ ଅଭିନେତ୍ରୀ ତ୍ରିଶା କୃଷ୍ଣନଙ୍କୁ ନେଇ ଦେଇଥିବା କଥିତ ଡବଲ ମିନିଂ ମନ୍ତବ୍ୟକୁ ନେଇ ବିବାଦରେ ଫସିଛନ୍ତି। ବର୍ତ୍ତମାନ ଅଭିନେତ୍ରୀ କଙ୍ଗନା ରାଣାୱତ ଏବଂ ଗାୟିକା ଚିନ୍ମୟୀ ଶ୍ରୀପଦା ମଧ୍ୟ ତାଙ୍କ ଉପରେ କଡ଼ା ପ୍ରତିକ୍ରିୟା ଦେଇଛନ୍ତି। ଉଭୟେ ଉଦୟନିଧିଙ୍କୁ କଡ଼ା ସମାଲୋଚନା କରିଛନ୍ତି।
ନିକଟରେ ଉଦୟନିଧି ଷ୍ଟାଲିନ ତାମିଲନାଡୁର ମୁଖ୍ୟମନ୍ତ୍ରୀ ଜୋସେଫ ବିଜୟ (ଥଲାପତି ବିଜୟ)ଙ୍କ ବନ୍ଧୁ ତଥା ଅଭିନେତ୍ରୀ ତ୍ରିଶା କୃଷ୍ଣନଙ୍କୁ ନେଇ କଥିତ ଡବଲ ମିନିଂ ମନ୍ତବ୍ୟ ଦେଇଥିଲେ। ଏହା ପରେ ଅଭିନେତ୍ରୀ ତଥା ଭାଜପା ସାଂସଦ କଙ୍ଗନା ରାଣାୱତ ଏହାର କଡ଼ା ଜବାବ ଦେଇଛନ୍ତି। କଙ୍ଗନା କହିଛନ୍ତି ଯେ, ଏଭଳି ଅଶ୍ଳୀଳ ଓ ଅପମାନଜନକ ମଜାକକୁ କେବେ ବି ଗ୍ରହଣ କରାଯାଇପାରିବ ନାହିଁ। ସେହିପରି ଗାୟିକା ଚିନ୍ମୟୀ ଶ୍ରୀପଦା ମଧ୍ୟ ଅସନ୍ତୋଷ ପ୍ରକାଶ କରି କହିଛନ୍ତି ଯେ, ରାଜନୀତିରେ ମହିଳାଙ୍କୁ ଟାଣି ଆଣିବା ବନ୍ଦ ହେବା ଉଚିତ୍।