ମୁମ୍ବାଇ: ବଲିଉଡ୍ ଅଭିନେତା-ନିର୍ଦ୍ଦେଶକ ତଥା ଭାଜପା ଏମ୍ପି କଙ୍ଗନା ରାଣାଓ୍ବତଙ୍କ ଫିଲ୍ମ ‘ଏମରଜେନ୍ସିଂ’ ନାନାଦି ବିବାଦ ପରେ ରିଲିଜ ହେଉଛି। ଜାନୁଆରୀ ୧୭ରେ ଏହା ପରଦାକୁ ଆସିବ। ଫିଲ୍ମରେ କଙ୍ଗନା ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ଭୂମିକାରେ ନଜର ଆସିବେ। ଏବେ କଙ୍ଗନା ଇନ୍ଦିରାଙ୍କ ନାତୁଣୀ ତଥା ଓ୍ବାୟନାଡ଼ରୁ କଂଗ୍ରେସ ଏମ୍ପି ପ୍ରିୟଙ୍କା ଗାନ୍ଧୀଙ୍କୁ ଫିଲ୍ମ ଦେଖିବାକୁ ନିମନ୍ତ୍ରଣ କରିଛନ୍ତି। ଏବେ ଏହି ଖବରକୁ ନେଇ କଙ୍ଗନାଙ୍କ ପ୍ରତିକ୍ରିୟା ଆସିଛି। ସେ ପ୍ରିୟଙ୍କାଙ୍କ ପ୍ରଶଂସା କରିଛନ୍ତି।
କଙ୍ଗନା କହିଛନ୍ତି, ସେ ଫିଲ୍ମ ଦେଖିବା ଲାଗି ପ୍ରିୟଙ୍କା ଗାନ୍ଧୀଙ୍କୁ ନିମନ୍ତ୍ରଣ କରିଛନ୍ତି। ପ୍ରିୟଙ୍କା ତାଙ୍କୁ ସଂସଦରେ ଭେଟିଥିଲେ। ଯେଉଁଠାରେ ସେ କଙ୍ଗନାଙ୍କ କେଶ ଏବଂ କାମର ପ୍ରଶଂସା କରିଥିଲେ। କଙ୍ଗନା କହିଛନ୍ତି ସେ ପ୍ରିୟଙ୍କାଙ୍କୁ ନିଜ ଫିଲ୍ମ ବିଷୟରେ କହିଛନ୍ତି। ଏପରିକି ତାକୁ ଦେଖିବାକୁ ଅନୁରୋଧ କରିଛନ୍ତି। ଏହା ଉପରେ ପ୍ରିୟଙ୍କା ‘ଓକେ’ କହିଥିବା ବେଳେ ବୋଧହୁଏ ସେ ଫିଲ୍ମଟିକୁ ଦେଖିପାରନ୍ତି ବୋଲି ଅଭିନେତ୍ରୀ କହିଛନ୍ତି।
