ନନ୍ଦପୁର/ପାଡୁଆ,୨୯।୫( ତୁଷାର କାନ୍ତ ମହାନ୍ତି/ଶଙ୍କର ପୂଜାରୀ): କାଳବୈଶାଖୀ ପ୍ରଭାବରେ କୋରାପୁଟ ଜିଲା ନନ୍ଦପୁର ବ୍ଲକ ହାତୀବାରୀ ପଞ୍ଚାୟତରେ ଥିବା ବାରି ଆଶ୍ରମପୁଟ ସେବାଶ୍ରମ ବିଦ୍ୟାଳୟ ଓ ନନ୍ଦୀଗୁଡା ପ୍ରାଥମିକ ବିଦ୍ୟାଳୟର ଟିଣ ଆଜବେଷ୍ଟସ ଛପର ଉଡ଼ିଯାଇଛି। ଖରା ଛୁଟି ଯୋଗୁ ୨ ବିଦ୍ୟାଳୟରେ ଛାତ୍ରୀଛାତ୍ର ଓ କର୍ତ୍ତୃପକ୍ଷ ନଥିବାରୁ ସମସ୍ତେ ଏକ ବଡ ଧରଣର ବିପଦରୁ ବର୍ତ୍ତି ଯାଇଛନ୍ତି। ଛୁଟି ପୂର୍ବରୁ ମଙ୍ଗଳ ବିଭାଗ ଓ ଆଇଟିଡିଏ କର୍ତ୍ତୃପକ୍ଷ ବାରି ଆଶ୍ରମପୁଟ ସେବାଶ୍ରମ ବିଦ୍ୟାଳୟ ଓ ଶିକ୍ଷା ବିଭାଗ, ଡିପିଇପି, ପଞ୍ଚାୟତ ଓ ବ୍ଲକ ପ୍ରଶାସନ ନନ୍ଦୀଗୁଡ଼ା ପ୍ରାଥମିକ ବିଦ୍ୟାଳୟ ପରିଦର୍ଶନ କରନ୍ତୁ। କ୍ଷୟକ୍ଷତି ଆକଳନ କରି ତ୍ୱରିତ ଆବଶ୍ୟକ ମରାମତି କରନ୍ତୁ ବୋଲି ସେବାଶ୍ରମ ବିଦ୍ୟାଳୟର ପରିଚାଳନା କମିଟି ସଭାପତି ବିଶ୍ୱନାଥ ଖରା, ଉପସଭାପତି ସେବକ ଖରା, ପୂର୍ବତନ ସରପଞ୍ଚ ସମରାଜ ପାଙ୍ଗି, ରାଜୀବ ଖରା ଓ ନନ୍ଦିଗୁଡ଼ା ପ୍ରାଥମିକ ବିଦ୍ୟାଳୟର ପରିଚାଳନା କମିଟି ସଭାପତି କୁଟୁମ୍ବ ପାଙ୍ଗି, ଉପସଭାପତି ରାଜୀବ ଖରା ଅବିଭାବକ ବିଶ୍ୱନାଥ ହନ୍ତାଳ, କାମେସ ଖରା, କୃଷ୍ଣ ଖରା ପ୍ରମୁଖ ଅନୁରୋଧ କରିଛନ୍ତି।