ଦାରିଙ୍ଗବାଡି,୧୫।୩ (ଅରୁଣ ସାହୁ): କନ୍ଧମାଳ ଜିଲା ଦାରିଙ୍ଗବାଡି ବ୍ଲକ ବାଡାବାଙ୍ଗା ପଞ୍ଚାୟତର ଦୁର୍ଗମ ଗ୍ରୁତୁବାଡି ଗ୍ରାମରେ ଶନିବାର ଅପରାହ୍ନରେ କାଳ ବୈଶାଖୀର ପ୍ରଭାବରେ ଗୋଷ୍ଠୀ ଗୃହ ସମେତ ଏକାଧିକ ଲୋକଙ୍କ ଘରର ଆଜବେଷ୍ଟସ ପବନରେ ଉଡି ଯାଇ ସମ୍ପୂର୍ଣ୍ଣ ଭାଙ୍ଗି ଯାଇଥିଲା।ଖବର ପାଇ ଦାରିଙ୍ଗବାଡି ତହସିଲଦାର ଧୀରଜ ପାତ୍ରଙ୍କ ନିର୍ଦ୍ଦେଶକ୍ରମେ ସିମନବାଡିର ରାଜସ୍ବ ନିରୀକ୍ଷକ ଚାନ୍ଦିନୀ ଦିଗାଲ ଦୁର୍ଗମ ଗୃଟୁବାଡ଼ି ଗ୍ରାମରେ ପହଞ୍ଚି କ୍ଷୟକ୍ଷତି ଆକଳନ କରିଛନ୍ତି। ଏହି ରିପୋର୍ଟ ସେ ତହସିଲଦାରଙ୍କୁ ଦେବେ ବୋଲି କହିଛନ୍ତି। ଏଥିସହ କ୍ଷତି ଘଟିଥିବା ପରିବାର ଲୋକଙ୍କୁ ପଲିଥିନ ଯୋଗାଇ ଦିଆଯାଉଛି ବୋଲି କହିଛନ୍ତି । ରାଜସୱ ନିରୀକ୍ଷକଙ୍କ ସହ ବାଡାବାଙ୍ଗା ସରପଞ୍ଚ ପ୍ରସନ୍ନ କୁମାର ପ୍ରଧାନ, ପଙ୍କଜ ପ୍ରଧାନ ପ୍ରମୁଖ ଗସ୍ତ କରି ଲୋକଙ୍କୁ ଆବଶ୍ୟକ ସହଯୋଗ କରାଯିବାକୁ ପ୍ରଶାସନ ନିକଟରେ ଜଣାଯିବ ବୋଲି ସରପଞ୍ଚ ପ୍ରଧାନ କହିଛନ୍ତ।
ସୂଚନାଯୋଗ୍ୟ, ଶନିବାର ଅପରାହ୍ନରେ ଉକ୍ତ ଗ୍ରାମରେ ହଟାତ କାଳବୈଶାଖୀର ପ୍ରଭାବରେ ପ୍ରଚଣ୍ଡ ପବନ ବୋହଥିଲା ଓ ଘରର ଛପର ଉଡାଇ ଦେଇଥିଲା ମାତ୍ର ଏହାର ପ୍ରଭାବରେ ବର୍ଷା ହୋଇନଥିବା ଜଣାପଡିଛି।
