ଭୁବନେଶ୍ୱର,୨୦।୧୦:ଜିନ୍ଦଲ ଷ୍ଟେନ୍ଲେସ୍ ଲିମିଟେଡ୍(ଜେଏସ୍ଏଲ୍)ର ନିର୍ଦ୍ଦେଶକ ମଣ୍ଡଳୀ (ବୋର୍ଡ ଅଫ୍ ଡିରେକ୍ଟରସ) ବୈଠକ ଗୁରୁବାର ଅନୁଷ୍ଠିତ ହୋଇଯାଇଛି। ଉକ୍ତ ବୈଠକରେ କମ୍ପାନୀର କାରବାର ଓ ଚଳିତ ଆର୍ଥତ୍କ ବର୍ଷର ୨ୟ ତ୍ରୈମାସିକ ଫଳାଫଳ ସମ୍ପର୍କରେ ଘୋଷଣା କରାଯାଇଛି। ଏପରିକି ୨ୟ ତ୍ରୈମାସିକ ପାଇଁ କମ୍ପାନୀର ସ୍ବତନ୍ତ୍ର ସେଲ୍ସ ଭଲ୍ୟୁମ ୨୬% ବାର୍ଷିକ ଅଭିବୃଦ୍ଧି ସହ ୫୪୩,୬୧୯ ମେଟ୍ରିକ୍ ଟନ୍ ରହିଛି, ଯାହାର କାରଣ ହେଉଛି ଘରୋଇ ବଜାରରେ ଭଲ ଚାହିଦା ତଥା ମାନ୍ଦାବସ୍ଥାରେ ବୈଶ୍ୱିକ ବଜାରର ଚାହିଦାକୁ ପୂରଣ କରିପାରିବା। ଏହି ଅବଧିରେ କମ୍ପାନୀରେ ମୋଟ ଷ୍ଟାଣ୍ଡ ଏଲୋନ ରେଭେନ୍ୟୁ ବାର୍ଷିକ ୧୪% ଅଭିବୃଦ୍ଧି ସହ ୯୭୨୦ କୋଟି ଭାରତୀୟ ମୁଦ୍ରା ରହିଛି। ଯାହାର ଷ୍ଟାଣ୍ଡ ଏଲୋନ ଇବିଆଇଟିଡିଏ ୧୦୭୦କୋଟି ଭାରତୀୟ ମୁଦ୍ରା ରହିଥିବା ବେଳେ ଟିକସ ପରବର୍ତ୍ତୀ ଲାଭ (ପିଏଟି) ୬୦୯ କୋଟି ଭାରତୀୟ ମୁଦ୍ରା ରହିଛି। ଏହି କ୍ୱାର୍ଟରରେ ମୋଟ ଋଣ ୨୧୪୯ କୋଟି ଭାରତୀୟ ମୁଦ୍ରା ରେକର୍ଡ କରାଯାଇଥିବା ବେଳେ ମୋଟ ଋଣ-ଇକ୍ୟୁଟି ଅନୁପାତ ୦.୨ ରହିଛି, ଯାହାକି ମେଟାଲ ଶିଳ୍ପ କ୍ଷେତ୍ରରେ ସର୍ବୋତ୍ତମ ବୋଲି କୁହାଯାଉଛି। ସେହିଭଳି ମୋଟ ଋଣ ଓ ଇବିଆଇଟିଡିଏ ଅନୁପାତରେ ଉନ୍ନତି ହୋଇ ୦.୫ ରହିଛି। ଏହି ସମୟରେ ଏକୀକୃତ ମୋଟ ଆୟ ୧୨% ଅଭିବୃଦ୍ଧି ଘଟି ୯୭୯୭ କୋଟି ଭାରତୀୟ ମୁଦ୍ରାରେ ପହଞ୍ଚତ୍ଛି। ଏକୀକୃତ ଇବିଆଇଟିଡିଏ ଏବଂ ପିଏଟି ଯଥାକ୍ରମେ ୧୨୩୧ କୋଟି ଭାରତୀୟ ମୁଦ୍ରା ଏବଂ ୭୬୪ କୋଟି ଭାରତୀୟ ମୁଦ୍ରା ରହିଛି। ସେହିପରି ୨୦୨୩-୨୪ ଆର୍ଥତ୍କ ବର୍ଷ ପାଇଁ ବୋର୍ଡ ଅଫ୍ ଡିରେକ୍ଟରସ ୫୦% ଆନ୍ତରୀଣ ଲାଭାଂଶ ବା ଇକ୍ୟୁଟି ପିଛା ଦର ୧ (ଯାହାର ଫେସ୍ ଭାଲ୍ୟୁ ୨ଟଙ୍କା) ଟଙ୍କାକୁ ଅନୁମୋଦନ କରିଛନ୍ତି। ଅର୍ଥ ପରିଶୋଧ ପାଇଁ ସଦସ୍ୟମାନଙ୍କ ଅଧିକାର ନିର୍ଣ୍ଣୟ କରିବା ରେକର୍ଡ ତାରିଖକୁ ୨୦୨୩ ଅକ୍ଟୋବର ୨୮ ସ୍ଥିର କରାଯାଇଛି। ଅପରପକ୍ଷରେ ୨୦୨୩ ନଭେମ୍ବର ୧୭ ଅର୍ଥାତ୍ ଅନୁମୋଦନ ହେବାର ୩୦ ଦିନ ମଧ୍ୟରେ ଲାଭାଂଶ ପରିଶୋଧ କରାଯିବ। ସମୂହ ଦେୟ ପରିମାଣ ପାଖାପାଖି ୮୨ କୋଟି ୩୪ ଲକ୍ଷ ଟଙ୍କା ହେବ।
ଏ ସମ୍ପର୍କରେ ଜେଏସ୍ଏଲ୍ର ପରିଚାଳନା ନିର୍ଦ୍ଦେଶକ ଅଭ୍ୟୁଦୟ ଜିନ୍ଦଲ କହିଛନ୍ତି ସରକାରଙ୍କ ପ୍ରୋତ୍ସାହନରେ ଆମର ଘରୋଇ ସେଲ୍ସ ବାର୍ଷିକ ୧୫% ଅଭିବୃଦ୍ଧି ହୋଇଛି। ଏପରିକି ଜାତୀୟ ଷ୍ଟେନ୍ଲେସ୍ ଷ୍ଟିଲ ୍ନୀତି ଆସିବାକୁ ଥିବା ବେଳେ ଭାରତରେ ମୁଣ୍ଡ ପିଛା ଷ୍ଟେନ୍ଲେସ୍ ଷ୍ଟିଲ ବ୍ୟବହାର ବର୍ତ୍ତମାନର ୨.୮କେଜିରୁ ବୃଦ୍ଧି ପାଇବ ବୋଲି ଆଶା କରାଯାଉଛି। ବିଶେଷକରି ଚାଇନାରୁ ଆମଦାନୀରେ ବାର୍ଷିକ ୫୫% ବୃଦ୍ଧି ହୋଇଛି। ଭାରତୀୟ ବଜାରରେ କମ୍ ଦାମ୍ର ଓ ନିମ୍ନ ମାନର ଚାଇନା ଉତ୍ପାଦ ଅବାଧରେ ପ୍ରବେଶ କରିବା କଥାକୁ ସୂଚାଉଛି। ଆମେ ଆଶା କରୁଛୁ ଯେ ସରକାର ଏ ଦିଗରେ ଦୃଷ୍ଟି ଦେବେ।
