ପୁଣେ,୧୫।୪: ଆଇପିଏଲ ୨୦୨୨ର ୨୩ତମ ମ୍ୟାଚରେ ପଞ୍ଜାବ କିଙ୍ଗସ ମୁମ୍ବାଇ ଇଣ୍ଡିଆନ୍ସକୁ ୧୨ ରନ ବ୍ୟବଧାନରେ ପରାସ୍ତ କରିଛି। ଏହି ବିଜୟ ପରେ ସୋସିଆଲ ମିଡିଆରେ ଜଣ୍ଟି ରୋଡସ ଏବଂ ସଚିନ ତେନ୍ଦୁଲକରଙ୍କ ଏକ ଭିଡିଓ ଭାଇରାଲ ହେବାରେ ଲାଗିଛି। ଏହି ଭିଡିଓ ପ୍ରଶଂସକଙ୍କ ହୃଦୟକୁ ଛୁଇଁଛି। ମ୍ୟାଚ ଶେଷ ହେବା ପରେ ଉଭୟ ଦଳର ଖେଳାଳିମାନେ ହାତ ମିଳାଇ ପରସ୍ପରକୁ ଅଭିବାଦନ ଜଣାଇଥିଲେ। ଏହି ସମୟ ମଧ୍ୟରେ ପଞ୍ଜାବ କିଙ୍ଗସ ଦଳର ଫିଲ୍ଡିଂ କୋଚ ଜୋଣ୍ଟି ରୋଡସ ମୁମ୍ବାଇର ମେଣ୍ଟର ସଚିନଙ୍କୁ ଭେଟିବାକୁ ଆସିବା ମାତ୍ରେ ସେ ହଠାତ୍ କିମ୍ବଦନ୍ତୀ ସଚିନଙ୍କର ପାଦ ଛୁଇଁଥିଲେ। ସଚିନ ତାଙ୍କୁ ଏପରି କରିବାରୁ ରୋକିଥିଲେ ଏବଂ ପରେ ଜଣ୍ଟି ରୋଡସକୁ ସେ ଆଲିଙ୍ଗନ କରିଥିଲେ। ବର୍ତ୍ତମାନ ଏହାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏହି ଭିଡିଓ ପ୍ରଶଂସକଙ୍କ ହୃଦୟ ଜିତିଛି। ସବୁଠୁ ରୋଚକ କଥା ହେଉଛି ୫୨ ବର୍ଷୀୟ ଦକ୍ଷିଣ ଆଫ୍ରିକାର ମହାଲ ଫିଲ୍ଡର ରୋଡ୍ସ ୪୮ ବର୍ଷୀୟ ସଚିନଙ୍କୁ ଏପରି ସମ୍ମାନ ଦେଇଥିଲେ। ସୂଚନାଯୋଗ୍ୟ ଯେ ଆଇପିଏଲର କିଛି ସିଜିନରେ ରୋଡ୍ସ ମୁମ୍ବାଇ ଦଳ ସହ କାମ କରୁଥିଲେ।
