ଚାକିରି ଏସ୍‌ସିି କୋଟାରେ, ପଦୋନ୍ନତି ସାଧାରଣ ବର୍ଗରେ

ନବରଙ୍ଗପୁର,୧୨।୧(ବି.ପ୍ର.): ସଂରକ୍ଷଣ ବ୍ୟବସ୍ଥାରେ ଶିକ୍ଷକ ନିଯୁକ୍ତି ପାଇଲେ। ପଦୋନ୍ନତି ସମୟରେ ସାଧାରଣ ବର୍ଗର ସଂରକ୍ଷଣରେ ଫାଇଦା ନେଲେ। ଏହିଭଳି ଅଭିଯୋଗ ଆସିବା ପରେ ଜିଲା ଶିକ୍ଷା ଅଧିକାରୀ ତଦନ୍ତ ପାଇଁ ବ୍ଲକ ଶିକ୍ଷା ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି। ବ୍ଲକ ଶିକ୍ଷା ଅଧିକାରୀ ବହୁଦିନର ଫାଇଲ ଖୋଜିବାକୁ ପଡ଼ିବ କହି ତଦନ୍ତରେ ଶିଥିଳତା ଅବଲମ୍ବନ କରୁଥିବା ଅଭିଯୋଗ ହୋଇଛି। ଏହିଭଳି ଘଟଣା ନବରଙ୍ଗପୁର ଜିଲା ତେନ୍ତୁଳିଖୁଣ୍ଟି ବ୍ଲକରେ ଦେଖିବାକୁ ମିଳିଛି।
ତେନ୍ତୁଳିଖୁଣ୍ଟି ବ୍ଲକର ୨ଜଣ ଶିକ୍ଷକ ଅଜୟ କୁମାର ହରିଜନ ଓ ସୁରେନ୍ଦ୍ର ହରିଜନଙ୍କୁ ଜାନୁୟାରୀ ୩ରେ ୫ବି୨ରୁ ପଦୋନ୍ନତି କରାଯାଇ ଲେଭେଲ ୪କୁ ସାଧାରଣ ବର୍ଗରେ ପଦୋନ୍ନତି କରାଯାଇଥିବା ଅଭିଯୋଗ ହୋଇଛି। ଏ ନେଇ ଡିଇଓ ପ୍ରଦୀପ କୁମାର ନାଗଙ୍କୁ ପଚାରିବାରୁ ସାଧାରଣ ବର୍ଗ ସଂରକ୍ଷଣରେ ସୁରେନ୍ଦ୍ରଙ୍କୁ ମଞ୍ଚାଗାଁ ଉଚ୍ଚ ପ୍ରାଥମିକ ଓ ଅଜୟଙ୍କୁ ଗୋତିପୁଟ ପିୟୁପିଏସ୍‌କୁ ପଦୋନ୍ନତି କରାଯାଇଛି। ସେମାନେ ଅନୁସୂଚିତ ଜାତି ବର୍ଗର ହୋଇଥିବା ବେଳେ ସାଧାରଣ ବର୍ଗରେ ପଦୋନ୍ନତି ପାଇଛନ୍ତି। ବିଇଓଙ୍କୁ ତଦନ୍ତ ନିର୍ଦ୍ଦେଶ ଦିଆଯାଇଛି ବୋଲି ସେ କହିଛନ୍ତି। ସରକାରୀ ନିୟମାନୁଯାୟୀ, ଜଣେ ଅନୁସୂଚିତ ଜାତି ଓ ଜନଜାତି ବର୍ଗର ଶିକ୍ଷକଙ୍କୁ ସାଧାରଣ ବର୍ଗ ସଂରକ୍ଷଣ ମିଳିପାରିବ ନାହିଁ। ତଦନ୍ତ ହେବ। ଯଦି ପଦୋନ୍ନତି ପାଇବାକୁ ସାଧାରଣ ବର୍ଗର ଶିକ୍ଷକ ଥିବେ ତେବେ ପୂର୍ବରୁ ପଦୋନ୍ନତି ପାଇଥିବା ଅନୁସୂଚିତ ଜାତି ବର୍ଗର ଶିକ୍ଷକଙ୍କ ପଦୋନ୍ନତି କାଟି ଦିଆଯିବ। ଯଦି କୌଣସି ଅଧିକାରୀଙ୍କ ଭୁଲ୍‌ ରହିଛି ତାଙ୍କୁ କୈଫିୟତ ମଗାଯିବା ସହ କାର୍ଯ୍ୟାନୁଷ୍ଠାନ ପାଇଁ ସୁପାରିସ କରାଯିବ ବୋଲି ସେ କହିଛନ୍ତି। ଅଜୟ ଓ ସୁରେନ୍ଦ୍ର ଅନୁସୂଚିତ ଜାତି(ଏସ୍‌ସି) ସଂରକ୍ଷଣ ବ୍ୟବସ୍ଥାରେ ଶିକ୍ଷା ସହାୟକ ଚାକିରି ପାଇଥିଲେ। ଅଜୟ ନିୟମିତ ହେବା ପରେ ୨୦୧୨ ଡିସେମ୍ବର ୧୪ରେ ସର୍ଭିସ୍‌ ବହି ଖୋଲାଯାଇଥିଲା। ସେଠାରେ ଜାତି ଏସ୍‌ସି ଉଲ୍ଲେଖ ଥିଲା। ନୋଟାରିରେ ବ୍ୟକ୍ତଗତ ସତ୍ୟପାଠ ୨୦୨୧ ଏପ୍ରିଲ ୧୬ରେ ବିଇଓଙ୍କୁ ଦେଇଥିଲେ। ବିଇଓ ୨୦୨୧ ମେ ୩୧ରେ ଅର୍ଡର ନଂ. ୮୭୧/୨୧ ଅନୁଯାୟୀ ସର୍ଭିସ୍‌ ବହିରେ ଉଲ୍ଲେଖକଲେ ଅଜୟ ଧର୍ମ ପରିବର୍ତ୍ତନ କରିଛନ୍ତି। ଏସ୍‌ସି ବର୍ଗ ପାଇଁ ରହିଥିବା କୌଣସି ସୁବିଧା ସୁଯୋଗ ନେବେ ନାହିଁ। ଏ ନେଇ ସର୍ଭିସ୍‌ ବହିରେ ଏସ୍‌ସିକୁ କାଟି ସାଧାରଣ ବର୍ଗ ବୋଲି ଉଲ୍ଲେଖ କରାଯାଇଛି। ସେହିଭଳି ସୁରେନ୍ଦ୍ର ହରିଜନ ମଧ୍ୟ ନୋଟାରିରେ ବ୍ୟକ୍ତିଗତ ସତ୍ୟପାଠ ବିଇଓଙ୍କୁ ୨୦୨୧ ଜୁନ୍‌ ୧ରେ ପ୍ରଦାନ କଲେ। ସେ ଧର୍ମ ପରିବର୍ତ୍ତନ କରିଥିବା କଥା ସେଠାରେ ଉଲ୍ଲେଖ ଥିଲା। ବିଇଓ ତାଙ୍କ ସର୍ଭିସ୍‌ ବହିରେ ୨୦୨୧ ଜୁନ୍‌ ୧୭ରେ ଅର୍ଡର ନଂ. ୯୮୫/୨୧ ଅନୁଯାୟୀ ଏସ୍‌ସିବର୍ଗକୁ କାଟି ସାଧାରଣ ବର୍ଗ ଉଲ୍ଲେଖ କରିଛନ୍ତି। ବିଇଓ ସେହି ସମୟରେ ଅଜୟ ଓ ସୁରେନ୍ଦ୍ର ଚାକିରି କରୁଥିବା ସମ୍ପୃକ୍ତ ବିଦ୍ୟାଳୟ ପ୍ରଧାନ ଶିକ୍ଷକଙ୍କୁ ଚିଠିକରି ବିଦ୍ୟାଳୟର ମୂଳ ସର୍ଭିସ୍‌ ବହିରେ ଏହାକୁ ରଖିବେ ଓ କାର୍ଯ୍ୟାନୁଷ୍ଠାନ ଗ୍ରହଣ କରିବେ ବୋଲି କହିଥିଲେ। ଏନେଇ ଅଜୟଙ୍କୁ ପଚାରିବାରୁ ସେ ୨୦୦୬ରେ ଏସ୍‌ସି ସଂରକ୍ଷଣ ବ୍ୟବସ୍ଥାରେ ଶିକ୍ଷକ ଚାକିରି ପାଇଥିଲେ। ପରେ ହିନ୍ଦୁଧର୍ମ ପରିବର୍ତ୍ତନ କରିଥିଲେ ବୋଲି କହିଥିଲେ । ସରକାରଙ୍କ ଗାଇଡ୍‌ଲାଇନ ଅନୁଯାୟୀ ଡିକ୍ଲାରେଶନ ସେ ବିଇଓଙ୍କୁ ଦେଲେ। ୨୦୨୧ରେ ମଧ୍ୟ ଗୋଟିଏ ପଦୋନ୍ନତି ପାଇଛନ୍ତି ଓ ଏବେ ମଧ୍ୟ ସାଧାରଣ ବର୍ଗରେ ପଦୋନ୍ନତି ପାଇଛନ୍ତି । ଅଧିକ ତଥ୍ୟ ଓ ସତ୍ୟାସତ୍ୟ ଜାଣିବା ପାଇଁ ହେଲେ ଅଥରିଟିଙ୍କଠାରୁ ସମସ୍ତ କାଗଜପତ୍ର ନେଇପାରିବେ ବୋଲି ସେ କହିଛନ୍ତି। ଏନେଇ ସୁରେନ୍ଦ୍ରଙ୍କୁ ପଚାରିବାରୁ ସେ ମଧ୍ୟ ଅନୁରୂପ କଥା କହିଥିଲେ। ଏନେଇ ତେନ୍ତୁଳିଖୁଣ୍ଟି ବିଇଓ ସମରେନ୍ଦ୍ର ଭୌମିକଙ୍କୁ ପଚାରିବାରୁ ବହୁଦିନ ତଳର ଫାଇଲ ଖୋଜିବାକୁ ପଡ଼ିବ। ଯାହା ସର୍ଭିସ୍‌ ବହିର ନକଲରୁ ଜଣାପଡୁଛି ସେହି ସମୟରେ ଅଜୟ ଓ ସୁରେନ୍ଦ୍ର ନୋଟାରିରେ ଆଫିଡେଭିଟ ପରେ ସେମାନେ ଏସ୍‌ସିରୁ ସାଧାରଣ ବର୍ଗକୁ ଆସିଛନ୍ତି। ତେବେ ଫାଇଲ ମିଳିବା ପରେ ପ୍ରକୃତରେ କ’ଣ ହୋଇଛି ତାହା ଜଣାପଡ଼ିବ ବୋଲି ସେ କହିଛନ୍ତି।
ପରିବର୍ତ୍ତନ ପାଇଁ ସମ୍ବିଧାନିକ ନିୟମ ରହିଛି ସତ। ଧର୍ମ ପରିବର୍ତ୍ତନ ପରେ ସର୍ଭିସ୍‌ ବହିରେ ଏସ୍‌ସିରୁ ସାଧାରଣ ବର୍ଗକୁ ପରିବର୍ତ୍ତନ କରିଦିଆଗଲା। ଜାତିଗତ ପ୍ରମାଣପତ୍ର ପରିବର୍ତ୍ତନ ଉପରେ ଗୁରୁତ୍ୱ ଦିଆଯାଇ ନାହିଁ। ଏହାର ତଦନ୍ତ କରିବାକୁ ଦାବି ହୋଇଛି। ନୋଟାରିରେ ସତ୍ୟପାଠ କରିଦେବା ଧର୍ମ ପରିବର୍ତ୍ତନ ପାଇଁ ନିୟମ ସମ୍ପୂର୍ଣ୍ଣ କି ବୋଲି ପ୍ରଶ୍ନ ଉଠୁଛି। ଓଡ଼ିଶା ପ୍ରିଡମ ଅଥ ରିଲିଜିଅନ ରୁଲ୍‌ ୧୯୮୯ ଅନୁଯାୟୀ ଜଣେ ଧର୍ମ ପରିବର୍ତ୍ତନ କରିବା ପୂର୍ବରୁ ବ୍ୟକ୍ତିଗତ ଇଚ୍ଛାପତ୍ର ଫାଷ୍ଟ କ୍ଲାସ୍‌ ବିଚାରପତିଙ୍କ ନିକଟରେ ପ୍ରଦାନ କରିବେ। ଧର୍ମ ପରିବର୍ତ୍ତନର ୧୫ ଦିନ ପୂର୍ବରୁ ଧର୍ମଗୁରୁ ତାରିଖ, ସ୍ଥାନ ନିରୂପଣ କରିବେ। ଜିଲା ମାଜିଷ୍ଟ୍ରେଟ ତଥା ଜିଲାପାଳଙ୍କୁ ସୂଚନା ଦେବେ। ଫର୍ମ (କ)ରେ ଜିଲା ମାଜିଷ୍ଟ୍ରେଟଙ୍କୁ ଆବେଦନ କରିବେ ା ଜିଲାପାଳ ଏସ୍‌ପିଙ୍କୁ ତାହା ପଠାଇବେ। ଏସ୍‌ପି ତାହାକୁ ସମ୍ପୃକ୍ତ ଥାନାକୁ ପଠାଇବା ପରେ ତଦନ୍ତ ରିପୋର୍ଟ ଥାନା ପକ୍ଷରୁ ଜିଲାପାଳଙ୍କୁ ପ୍ରଧାନ କରାଯିବ। ଜିଲାପାଳ ଏନେଇ ଫର୍ମ ସି ଅନୁଯାୟୀ ରେଜିଷ୍ଟର ପରିଚାଳନା କରିବେ। ଯଦି ଏ ସବୁର ଖିଲାପ ହୋଇଥିବ ତେବେ ଧର୍ମ ପରିବର୍ତ୍ତନ କରିଥିବା ବ୍ୟକ୍ତ ଆଇନତଃ ଜରିମାନା ଦେବେ ବୋଲି ଜିଲା ଆଇନଜୀବୀ ସଂଘ ସଭାପତି ନରସିଂହ ନାଥ ତ୍ରିପାଠୀ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

କାଳବୈଶାଖୀର ତାଣ୍ଡବ, ଭାଙ୍ଗିଲା ବିଜୁ ପଟ୍ଟନାୟକ ଇନ୍‌ଡୋର ଷ୍ଟାଡିୟମ

ପୁରୁଷୋତ୍ତମପୁର,୨୪ା୪(ସୀମାଞ୍ଚଳ ମିଶ୍ର): ଗଞ୍ଜାମ ଜିଲା ପୁରୁଷୋତ୍ତମପୁରରେ ବୁଧବାର ଅପରାହ୍ନରେ କାଳବୈଶାଖୀ ତାଣ୍ଡବ ରଚିଛି। ମାତ୍ର ୧୦ ମିନିଟ୍‌ ମଧ୍ୟରେ ସହରକୁ ଛିନ୍‌ଭିନ୍‌ କରିପକାଇଛି। ବିଭିନ୍ନ ସ୍ଥାନରେ...

ନାବାଳିକାଙ୍କୁ ବଳାତ୍କାର କରି ଯୁବକଙ୍କୁ ୧୦ ବର୍ଷ ଜେଲ୍‌ଦଣ୍ଡ

କେନ୍ଦୁଝର,୨୪ା୪(ନରେଶ ଚନ୍ଦ୍ର ପଟ୍ଟନାୟକ): କେନ୍ଦୁଝର ଫାଷ୍ଟଟ୍ରାକ୍‌ କୋର୍ଟର ମାନ୍ୟବର ବିଚାରପତି ବିଜୟ କୁମାର ମିଶ୍ର ଏକ ବଳାତ୍କାର ମାମଲାର ବିଚାର କରି ଅଭିଯୁକ୍ତଙ୍କୁ ଦଣ୍ତାଦେଶ ଶୁଣାଇଛନ୍ତି।...

ଓ୍ବାରେଣ୍ଟ ବଳରେ ୭ ଜଣଙ୍କୁ ବାନ୍ଧିଲା ପୋଲିସ

ଦାରିଙ୍ଗବାଡ଼ି,୨୪ା୪(ଅରୁଣ ସାହୁ): କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ବ୍ରାହ୍ମଣୀଗାଁ ଥାନା ଅଞ୍ଚଳରେ ଦୀର୍ଘଦିନ ଧରି ବିଭିନ୍ନ ମାମଲାରେ ଫେରାର ଥିବା ୭ ଜଣଙ୍କୁ ପୋଲିସ ଗିରଫ...

ଭାଜପାରେ ସାମିଲ ହେଲେ ବିଭିନ୍ନ ଦଳର ହଜାର ହଜାର କର୍ମୀ

ମୋରଡ଼ା,୨୪ା୪(ସ୍ମାରକ ମାଜୀ): ମୟୂରଭଞ୍ଜ ଜିଲା ମୋରଡ଼ା ନିର୍ବାଚନମଣ୍ଡଳୀ ସାଧାରଣ ନିର୍ବାଚନ ପାଇଁ ବେଶ୍‌ ଚଳଚଞ୍ଚଳ ହୋଇଉଠିଥିବା ବେଳେ ସବୁବେଳେ ଚର୍ଚ୍ଚାରେ ରହି ଆସିଛି। ଗଣତନ୍ତ୍ରର ଏହି...

ନିଜ ନିର୍ବାଚନ ମଣ୍ଡଳୀରୁ ପ୍ରଚାର ଆରମ୍ଭ କଲେ ମୁଖ୍ୟମନ୍ତ୍ରୀ

ହିଞ୍ଜିଳିକାଟୁ,୨୪ା୪(ଦ୍ୱିତୀକୃଷ୍ଣ ପଣ୍ଡା): ମୁଖ୍ୟମନ୍ତ୍ରୀ ତଥା ବିଜେଡି ସୁପ୍ରିମୋ ନବୀନ ପଟ୍ଟନାୟକ ବୁଧବାରଠାରୁ ନିଜ ନିଜାଚନ ମଣ୍ଡଳୀ ହିଞ୍ଜିଳିରୁ ୨୦୨୪ ନିର୍ବାଚନ ପ୍ରଚାରର ଶୁଭାରମ୍ଭ କରିଛନ୍ତି। ହିଞ୍ଜିଳିକାଟୁ...

ଭୋଟରଙ୍କୁ ସଚେତନ କରୁଛନ୍ତି ପଦ୍ମଶ୍ରୀ ହଳଧର ନାଗ, କଂସ ମହାରାଜ ହୃଷୀକେଶ ଭୋଇ

ବରଗଡ଼,୨୪ା୪(ପ୍ରେମାନନ୍ଦ ଖମାରୀ): ସାଧାରଣ ନିର୍ବାଚନରେ ସମସ୍ତ ଭୋଟରଙ୍କ ଭାଗିଦାରୀ ସୁନିଶ୍ଚିତ କରିବା ତଥା ଭୋଟରଙ୍କୁ ସଚେତନ କରିବା ପାଇଁ ବରଗଡ଼ ଜିଲା ପ୍ରଶାସନ ଅଭିନୟ ପ୍ରୟାସ...

ଝିଅ ନିର୍ବାଚନ ଲଢିବା ନେଇ ମୁହଁ ଖୋଲିଲେ ମହମ୍ମଦ ମୋକିମ

କଟକ, ୨୪।୪(ଶିଳ୍ପା ପ୍ରିୟଦର୍ଶିନୀ): ନିର୍ବାଚନ ୨୦୨୪ରେ ବାରବାଟୀ-କଟକ ଆସନକୁ ନେଇ କଂଗ୍ରେସକୁ ଘାରିଛି ଚିନ୍ତା। କଂଗ୍ରେସ ବରିଷ୍ଠ ନେତା ମହମ୍ମଦ ମୋକିମଙ୍କ ଜାମିନକୁ ସୁପ୍ରିମକୋର୍ଟ ମଞ୍ଜୁର...

ଅବକାରୀ ଥାନା ପରିସରରେ ଭୟାବହ ଅଗ୍ନିକାଣ୍ଡ: କୋଟିଏରୁ ଉର୍ଦ୍ଧ୍ୱ ସମ୍ପତ୍ତି ନଷ୍ଟ

ବଡ଼ବିଲ,୨୪।୪ (ଦେବପ୍ରିୟ ରଣା):କେନ୍ଦୁଝର ବଡବିଲ ଅବକାରୀ ଥାନା ପରିସରରେ ମଙ୍ଗଳବାର ବିଳମ୍ବିତ ରାତିରେ ଭୟାବହ ଅଗ୍ନିକାଣ୍ଡ ଘଟି କୋଟିଏରୁ ଉଦ୍ଧର୍‌ବ ଟଙ୍କାର ଜବତ ହୋଇ ରହିଥିବା...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri