ନୂଆଦିଲ୍ଲୀ,୬।୧: ମାଞ୍ଚେଷ୍ଟର ସିଟି କ୍ଲବ୍ ବୁଧବାର ଦେଶର ଅଗ୍ରଣୀ ପ୍ରାଇଭେଟ୍ ଟେଲିକମ୍ ସଂସ୍ଥା ଜିଓ ସହିତ ତାର ନୂତନ ଆଞ୍ଚଳିକ ଭାଗିଦାରୀ ରୂପେ ଚୁକ୍ତିନାମା କରିଛି ବୋଲି ମାଞ୍ଚେଷ୍ଟର ସିଟି କ୍ଲବ୍ ପକ୍ଷରୁ ଘୋଷଣା କରାଯାଇଛି। ଏହା ଦ୍ୱାରା ମ୍ୟାନ୍ସିଟିର ଓଟିଟି ପ୍ଲାଟଫର୍ମ ସିଟି ଏବଂ ଜିଓ ଟିଭି ପ୍ଲାଟଫର୍ମ ଏକା ହୋଇ ଭାରତୀୟ ପ୍ରଶଂସକ ମାନଙ୍କୁ ଖେଳ ହାଇଲାଇଟ୍, ଲାଇଭ୍ ମ୍ୟାଚ୍ ଏବଂ ଖେଳ ଉପରେ ଅଧିକ ତଥ୍ୟ ଖେଳ ପ୍ରଶଂସକ ମାନଙ୍କୁ ଯୋଗାଇ ଦିଆଯିବ ବୋଲି କୁହାଯାଇଛି। ଏ ନେଇ ରିଲାଏନ୍ସ ଜିଓ ଇନ୍ଫୋକମ୍ ଲିମିଟେଡ଼୍ ଚେୟାରମ୍ୟାନ୍ ଆକାଶ ଅମ୍ବାନୀ କହିଛନ୍ତି, ଭାରତର ମାଞ୍ଚେଷ୍ଟର ସିଟି ସହିତ ଜିଓର ସ୍ବତନ୍ତ୍ର ଭାଗିଦାରୀ ଘୋଷଣା ହୋଇଥିବାରୁ ଆମେ ବହୁତ ଉସତ୍ାହିତ। ଏହି ଚୁକ୍ତିନାମା ଦ୍ୱାରା ଭାରତର ଖେଳ ବିଷୟରେ ଏବଂ ମ୍ୟାନ୍ ସିଟି ପ୍ରଶଂସକଙ୍କ ପାଇଁ ସର୍ବୋତ୍ତମ ଫୁଟବଲ୍ ଖେଳ ଆଣିବାକୁ ଆମେ ଚେଷ୍ଟା କରିବୁ ବୋଲି ସେ ମତପ୍ରକାଶ କରିଛନ୍ତି।
