ନୂଆଦିଲ୍ଲୀ, ୫।୧: ଦେଶର ଅଗ୍ରଣୀ ସ୍ମାର୍ଟଫୋନ୍ ନିର୍ମାତା ମୋଟୋରୋଲା ତାର ନୂତନ ୫ଜି ସ୍ବାର୍ଟଫୋନ୍ ବଜାରରେ ପ୍ରବେଶ କରିଛି। ଏଥିରେ ଜିଓର ଟ୍ରୁ ୫ଜି ଷ୍ଟାଣ୍ଡ୍ ଏଲୋନ୍ ନେଟ୍ଓ୍ବାର୍କକୁ ସପୋର୍ଟ କରିବ ବୋଲି କମ୍ପାନୀ ପକ୍ଷରୁ କୁହାଯାଇଛି।
ଉଲ୍ଲେଖଯୋଗ୍ୟ, ମୋଟୋରୋଲା ଏଜ୍ ୩୦ ଅଲ୍ଟ୍ରା, ମୋଟୋରୋଲା ଏଜ୍ ୩୦ ଫ୍ୟୁଜ୍ନ, ମୋଟୋରୋଲା ଏଜ୍ ୩୦, ମୋଟୋ ଜି୮୨ ୫ଜି, ମୋଟୋରୋଲା ଏଜ୍ ୩୦ ପ୍ରୋ, ମୋଟୋ ଜି୭୧ ୫ଜି, ମୋଟୋ ଜି୫୧ ୫ଜି, ମୋଟୋରୋଲା ଏଜ୍ ୨୦, ମୋଟୋରୋଲା ଏଜ୍ ୨୦ ଫ୍ୟୁଜନ୍ ଏବଂ ମୋଟୋ ଜି ୬୨ ୫ଜି ସ୍ମାର୍ଟଫୋନ୍ ରିଲାଏନ୍ସର ଜିଓର ଟ୍ରୁ ୫ଜି ନେଟ୍ଓ୍ବର୍କରେ କାର୍ଯ୍ୟ କରିବ ଏବଂ ଦେଶର ଗ୍ରାହକ ମାନେ ଜିଓ ଟ୍ରୁ ୫ଜିର ଅନୁଭୂତି ନେଇ ପାରିବେ ବୋଲି ସଂସ୍ଥା ପକ୍ଷରୁ କୁହାଯାଇଛି। ଏ ନେଇ ମୋଟୋରୋଲା ଏସିଆ ପାସିଫିକ୍ର କାର୍ଯ୍ୟନିର୍ବାହୀ ନିର୍ଦ୍ଦେଶକ ପ୍ରଶାନ୍ତ ମଣି କହିଲେ, ଏହି ସ୍ମାର୍ଟଫୋନ୍ରେ ହାଇସ୍ପିଡ଼୍ ୫ଜି ଅନୁଭୂତି ଗ୍ରାହକ ମାନେ ନେଇ ପାରିବେ ଏବଂ ଦେଶର ଅଗ୍ରଣୀ ଶିଳ୍ପ ସଂସ୍ଥା ରିଲାଏନ୍ସ ଜିଓ ସହିତ ସହଯୋଗିତା ସ୍ଥାପନ କରିଥିବାରୁ ଆମେ ଖୁବ୍ ଆନନ୍ଦିତ ବୋଲି ସେ ମତପ୍ରକାଶ କରିଛନ୍ତି। ସେହିପରି ରିଲାଏନ୍ସର ଜିଓର ସଭାପତି ସୁନିଲ ଦତ୍ତ କହିଲେ, ମୋଟୋରୋଲର ୫ଜି ସ୍ମାର୍ଟଫୋନ୍ ବ୍ୟବହାର କରୁଥିବା ସମସ୍ତ ଜିଓ ଗ୍ରାହକ ମାନଙ୍କୁ ଜିଓ ଓ୍ବେଲକମ୍ ଅଫ୍ର ଅଧୀନରେ ଅସୀମିତ ୫ଜି ଇଣ୍ଟରନେଟ୍ ଡାଟା ଏବଂ ୧ ଜିବିପିଏସ୍ରୁ ଅଧିକ ସ୍ପିଡ୍ ମିଳିବ ବୋଲି ସେ ମତବ୍ୟକ୍ତ କରିଛନ୍ତି।
