ନୂଆଦିଲ୍ଲୀ,୧/୧୧: ଜେଟ୍ ଏୟାରୱେଜ(ଇଣ୍ଡିଆ) ଲିମିଟେଡ଼ ସହିତ ଜଡିତ ଏକ କଥିତ ଅର୍ଥ ହେଫେର ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି) ୫୦୦ କୋଟି ଟଙ୍କାରୁ ଅଧିକ ସମ୍ପତ୍ତି ଜବତ କରିଛି। ଏହି ସମ୍ପତ୍ତି ସବୁ ଲଣ୍ଡନ, ଦୁବାଇ ଏବଂ ଭାରତର ବିଭିନ୍ନ ରାଜ୍ୟରେ ଜେଟ୍ ଏୟାରୱେଜ୍ ସମ୍ପାଦକ ନରେଶ ଗୋଏଲ, ସ୍ତ୍ରୀ ଅନିତା ଗୋଏଲ ଏବଂ ପୁଅ ନିବାନ ଗୋଏଲ ସହିତ କମ୍ପାନୀର ଅନ୍ୟ ଲୋକମାନଙ୍କ ପାଖରେ ରେଜିଷ୍ଟର ହୋଇଥିବା ୧୭ ପ୍ଲଟ, ବଙ୍ଗଳା ଏବଂ କାମାର୍ସିଆଲ କୋଠା ସବୁ ରହିଛି।
କେନ୍ଦ୍ରୀୟ ତଦନ୍ତକାରୀ ଏଜେନ୍ସି ପ୍ରୋବିସନ ଅଫ ମନି ଲଣ୍ଡ୍ରିଂ ଆଇନ(ପିଏମଏଲଏ), ୨୦୦୨ ଅନୁଯାୟୀ ପ୍ରାୟ ୫୩୮ କୋଟି ଟଙ୍କାର ସମ୍ପତ୍ତି ଜବତ ହୋଇଛି। ନରେଶ ଗୋୟଲଙ୍କ ବ୍ୟତୀତ ଜେଟ୍ ଏୟାର ପ୍ରାଇଭେଟ ଲିମିଟେଡ ଏବଂ ଜେଟ ଏଣ୍ଟରପ୍ରାଇଜେସ ପ୍ରାଇଭେଟ ଲିମିଟେଡ ନାମରେ କିଛି ସମ୍ପତ୍ତି ପଞ୍ଜିକୃତ ହୋଇଛି।
କାନାରା ବ୍ୟାଙ୍କ ଦ୍ୱାରା ଦାଖଲ ହୋଇଥିବା ଠକେଇ ମାମଲାରେ ମଙ୍ଗଳବାର ଇଡି ନରେଶ ଗୋୟଲ ଏବଂ ଅନ୍ୟ ପାଞ୍ଚ ଜଣଙ୍କ ବିରୋଧରେ ଚାର୍ଜସିଟ୍ ଦାଖଲ କରିଥିଲେ। ବ୍ୟାଙ୍କ ଏଫଆଇଆରରେ ଅଭିଯୋଗ କରିଛି ଯେ ଏହା ଜେଟ ଏୟାରୱେଜକୁ ୮୪୮ କୋଟି ଟଙ୍କା ପର୍ଯ୍ୟନ୍ତ ଋଣ ଦେଇଥିଲା। ଏଥିମଧ୍ୟରୁ ୫୩୮ କୋଟି ଟଙ୍କା ବକେୟା ରହିଛି। ସେପ୍ଟେମ୍ବର ୧ ତାରିଖରେ ପିଏମଏଲଏ ଅଧୀନରେ ନରେଶ ଗୋୟଲଙ୍କୁ ଗିରଫ କରାଯାଇଥିଲା। ତାଙ୍କୁ ମୁମ୍ବାଇର ଆର୍ଥର ରୋଡ ଜେଲରେ ରଖାଯାଇଛି।
