ଗଞ୍ଜାମ, ୮।୧୦(ବିଦ୍ୟାଧର ସାହୁ ): ଉତ୍ତରାଖଣ୍ଡ ହରିଦ୍ୱାରଠାରେ ଅନୁଷ୍ଠିତ ନ୍ୟାଶନାଲ କବାଡି ପ୍ରତିଯୋଗିତାରେ ଗଞ୍ଜାମର ଜୟଶ୍ରୀ କେମିକାଲସ ସ୍କୁଲକୁ ମିଳିଛି ସ୍ବର୍ଣ୍ଣ ପଦକ । ଗତ ମାସ ୨୭ ରେ ନ୍ୟାଶନାଲ ଖେଳିବାକୁ ଓଡ଼ିଶାରୁ ୨୭ ଜଣ ଉତ୍ତରାଖଣ୍ଡ ଗ୍ରସ୍ତ କରିଥିଲେ । ସେଥିମଧ୍ୟରୁ ଗଞ୍ଜାମ ଜିଲାର ୧୩ ଜଣ ଉକ୍ତ ପ୍ରତିଯୋଗିତାରେ ଅଂଶ ଗ୍ରହଣ କରିଥିଲେ l ଏହି ପ୍ରତିଯୋଗିତାରେ ୧୨ ରାଜ୍ୟ ଭାଗ ନେଇଥିବା ବେଳେ ଓଡ଼ିଶାର ଗଞ୍ଜାମ ଜିଲା ଓ ସହର ସ୍ଥିତ ଜୟଶ୍ରୀ କରମେଟ ସ୍କୁଲ ଛାତ୍ରମାନେ ବାଜିମାତ୍ କରି ସ୍ବର୍ଣ୍ଣ ପଦକ ଜିତି ରାଜ୍ୟ ତଥା ଜିଲା ପାଇଁ ଗୌରବ ଆଣିଛନ୍ତି । ସ୍ବର୍ଣ୍ଣ ପଦକ ଜିତିବା ପରେ କମ୍ପାନୀ ୟୁନିଟ ହେଡ଼ ଅଜୟ କୁମାର ଗୁପ୍ତା, ଏଚଆର ହେଡ଼ ତଥା ମାନବ ସମ୍ବଳ ଅଧିକାରୀ ନିରଜ ପଟ୍ଟନାୟକଙ୍କ ସମେତ କରମେଟ ସ୍କୁଲ କ୍ରୀଡା ଶିକ୍ଷକ ସୁନିଲ କୁମାର ଦାସ ଶୁଭେଚ୍ଛା ଜଣାଇଛନ୍ତି । କବାଡିରେ ସ୍ବର୍ଣ୍ଣ ପଦକ ଜିତି ଥିବା ୧୩ ଜଣଙ୍କ ମଧ୍ୟରୁ ୧୪ ବର୍ଷ ବାଳକ ବିଭାଗରୁ ଶିବ ପ୍ରସାଦ ଜେନା ଏସଜିଏଫଆଇରେ ଉତ୍ତୀର୍ଣ୍ଣ ହୋଇ ଆନ୍ତର୍ଜାତୀୟ ପାଇଁ ମନୋନୀତ ହୋଇଥିବା ଜଣାପଡିଛି । ଆନ୍ତର୍ଜାତୀୟ ସ୍ତରରେ ଖେଳିବା ପାଇଁ ସୁଯୋଗ ସୃଷ୍ଟି ହେବା ସହ ଇଣ୍ଟରନ୍ୟାଶନାଲ କବାଡି ପ୍ରତିଯୋଗିତାରେ ଓଡ଼ିଶାର ଏକ ମାତ୍ର ଶିବ ପ୍ରସାଦ ମନୋନୀତ ହୋଇଥିବା ଜଣାପଡିଛି । ଶିବ ପ୍ରସାଦ ଜେନା ହେଉଛନ୍ତି ଗଞ୍ଜାମ ବ୍ଲକ ପାଳିବନ୍ଧ ପଞ୍ଚାୟତ ଗୋଖରକୁଦା ଗ୍ରାମର ବଟେଶ୍ୱର ଜେନା ଓ ବିଷ୍ଣୁପ୍ରିୟା ଜେନାଙ୍କ ଏକମାତ୍ର ପୁଅ ଓ ସେ ଜୟଶ୍ରୀ କରମେଟ ସ୍କୁଲର ନବମ ଶ୍ରେଣୀରେ ପଢୁଛନ୍ତି । ପୂର୍ବରୁ ଶିବ ପ୍ରସାଦ ପ୍ରଥମେ ସ୍କୁଲ ତରଫରୁ ସ୍ୟାଣ୍ଡ ଭିନସନରେ ଅନୁଷ୍ଠିତ ଟାଇକୋଣ୍ଡ ପ୍ରତିଯୋଗିତାରେ ଗୋଲଡ଼ ମେଡାଲ ହାସଲ କରିଥିବା ବେଳେ ପୁରୁଷୋତ୍ତମପୁରରେ ଗୋଲଡ଼ ଓ ପୁରୀରେ ଏକ ପ୍ରତିଯୋଗିତାରେ ରୌପ୍ୟ ପଦକ ହାସଲ କରିଥିଲେ । ପରବର୍ତ୍ତୀ ସମୟରେ କେନ୍ଦୁଝରରେ ଅନୁଷ୍ଠିତ ରାଜ୍ୟ ସ୍ତରୀୟ ଟାଇକୋଣ୍ଡରେ ସ୍ବର୍ଣ୍ଣ ଜିତି ଓଡ଼ିଶା ତଥା ଜିଲା ପାଇଁ ଗୌରବ ଆଣିଥିଲେ।
