ନୂଆଦିଲ୍ଲୀ,୧୯।୧୨ :ଅରୁଣାଚଳ ପ୍ରଦେଶର ତୱାଙ୍ଗରେ ଚାଇନା ସୈନିକ ଏବଂ ଭାରତୀୟ ଯବାନଙ୍କ ମଧ୍ୟରେ ସଂଘର୍ଷ ପରେ ରାଜନୀତି ସରଗରମ ହୋଇଛି। ଏହି ପ୍ରସଙ୍ଗରେ କଂଗ୍ରେସ ନେତା ରାହୁଲ ଗାନ୍ଧୀ କ୍ରମାଗତ ଭାବେ ସରକାରଙ୍କୁ ଟାର୍ଗେଟ କରୁଛନ୍ତି। ଏନେଇ କେନ୍ଦ୍ର ବହିର୍ବ୍ୟାପାର ମନ୍ତ୍ରୀ ଏସ ଜୟଶଙ୍କର ନୀରବତା ଭାଙ୍ଗି ରାହୁଲଙ୍କୁ ଜବାବ ଦେଇଛନ୍ତି। ସେ କହିଛନ୍ତି ଯେ ଏଲଏସିରେ ଭାରତୀୟ ସେନା ଦ୍ୱାରା ସବୁଠୁ ବଡ ସଂଖ୍ୟକ ମୁତୟନ କରାଯାଇଛି।
ଏକ ଗଣମାଧ୍ୟମ ସମ୍ମିଳନୀକୁ ସମ୍ବୋଧିତ କରି ଜୟଶଙ୍କର କହିଛନ୍ତି ଯେ ୨୦୨୦ ପରଠାରଏଲଏସିରେ ଚାଇନା ସୈନ୍ୟଙ୍କ ସଂଖ୍ୟା ବୃଦ୍ଧି ପାଇଛି। ସେଥିପାଇଁ ଭାରତୀୟ ସେନା ମଧ୍ୟ ବହୁ ସଂଖ୍ୟକ ଯବାନ ମୁତୟନ କରିଛି। ସେ କହିଛନ୍ତି, ଚାଇନା ଦ୍ୱାରା ଏକପାଖିଆ ପରିବର୍ତ୍ତନର କୌଣସି ପ୍ରୟାସକୁ ପ୍ରତିହତ କରିବା ପାଇଁ ଆମ ସେନା ନିୟୋଜିତ ହୋଇଛନ୍ତି।
ଜୟଶଙ୍କର କହିଛନ୍ତି, ଚାଇନା ପ୍ରସଙ୍ଗରେ ଭାରତ ସରକାର ଗମ୍ଭୀର ଏବଂ ରାହୁଲ ଗାନ୍ଧୀଙ୍କ ଦାବି ବିଶ୍ୱାସନୀୟ ନୁହେଁ। ରାହୁଲ ଗାନ୍ଧୀ କହିଥିଲେ ଯେ ଭାରତ-ଚାଇନା ସୀମାରେ ସାମ୍ପ୍ରତିକ ପରିସ୍ଥିତି ଅତ୍ୟନ୍ତ ଗମ୍ଭୀର। ନିକଟରେ ଯାହା ଘଟିଥିଲା ତାହା କେବଳ ଝଗଡା ନୁହେଁ, ଚାଇନା ଏକ ପୂର୍ଣ୍ଣ ଯୁଦ୍ଧ ପାଇଁ ପ୍ରସ୍ତୁତ ହେଉଛି। ଏହି ବିପଦକୁ କେନ୍ଦ୍ର ସରକାର ଅବହେଳା କରିଥିବା ସେ ଅଭିଯୋଗ କରଥିଲେ। ସରକାର ଆମଠାରୁ ତଥ୍ୟ ଲୁଚାଇବାକୁ ଚେଷ୍ଟା କରୁଛନ୍ତି ବୋଲି କହଥିଲେ। କିନ୍ତୁ ଏହା ଅଧିକ ଦିନ ଚାଲିବ ନାହିଁ ବୋଲି ଅଭିଯୋଗ ଆଣିଥିଲେ
