ନୂଆଦିଲ୍ଲୀ,୨୭।୧: ଜସପ୍ରିତ ବୁମ୍ରାଙ୍କୁ ଆଜି ବିଶ୍ୱର ସର୍ବୋତ୍ତମ ବୋଲର ଭାବରେ ଗଣନା କରାଯାଏ। ସେ ପ୍ରତ୍ୟେକ ସୁଯୋଗରେ ଏହା ପ୍ରମାଣିତ କରିଛନ୍ତି। ବୁମ୍ରା ବର୍ତ୍ତମାନ ଯେଉଁଭଳି ଘାତକ ବୋଲିଂ କରୁଛନ୍ତି, ଅନ୍ୟ କୌଣସି ପେସ ବୋଲର ମଧ୍ୟ ତାଙ୍କ ପାଖାପାଖି ମଧ୍ୟ ନାହାନ୍ତି। ଏବେ ଆଇସିସି ମଧ୍ୟ ଜସପ୍ରିତ ବୁମ୍ରାହଙ୍କ ପ୍ରତିଭାକୁ ସ୍ବୀକାର କରିଛି। ଆଇସିସି ତାଙ୍କୁ ବର୍ଷର ଶ୍ରେଷ୍ଠ ଟେଷ୍ଟ କ୍ରିକେଟର ଭାବରେ ମନୋନୀତ କରିଛି। ଏହା ପ୍ରଥମ ଥର ଯେ ଏହି ପୁରସ୍କାର ଜଣେ ଭାରତୀୟ ଦ୍ରୁତ ବୋଲରଙ୍କୁ ଦିଆଯାଇଛି।
ଆଇସିସି ଭାରତର ଦ୍ରୁତ ବୋଲର ବୁମ୍ରାଙ୍କୁ ପୁରୁଷ ଟେଷ୍ଟ କ୍ରିକେଟର ଅଫ୍ ଦ ଇୟର ୨୦୨୪ ଭାବରେ ମନୋନୀତ କରିଛି। ସେ ବର୍ଷସାରା ଭାରତ ପାଇଁ ଚମତ୍କାର ବୋଲିଂ କରିଥିଲେ ଏବଂ ଟିମ ଇଣ୍ଡିଆକୁ ଅନେକ ମ୍ୟାଚ ଜିତାଇବାରେ ସାହାଯ୍ୟ କରିଥିଲେ। ବଡ଼ କଥା ହେଉଛି ଯେତେବେଳେ ଟିମ ଇଣ୍ଡିଆ ମ୍ୟାଚ ହାରିଥିଲା, ସେତେବେଳେ ମଧ୍ୟ ବୁମ୍ରାଙ୍କ ବୋଲିଂ ବିଷୟରେ ନିଶ୍ଚିତ ଭାବରେ ଆଲୋଚନା ହୋଇଥିଲା। ବୁମରା ୨୦୨୪ରେ ୭୧ଟି ଟେଷ୍ଟ ଉଇକେଟ୍ ନେଇଛନ୍ତି। ଏହି ସମୟ ମଧ୍ୟରେ ତାଙ୍କର ହାରାହାରି ୧୪.୯୨ ରହିଛି। ସେ ୨୦୨୪ରେ ସର୍ବାଧିକ ଟେଷ୍ଟ ଉଇକେଟ୍ ନେଇଛନ୍ତି।
