ବୁଡ଼ୁଥିବା ଯୁବତୀଙ୍କୁ ଉଦ୍ଧାର କରିବାକୁ ଲାଗିଥିଲେ ଦମକଳବାହିନୀ-ପୋଲିସ: ହେଲେ ଶେଷରେ ଘଟିଲା ଏପରି
41 ଟୋକିଓ,୨୩।୬: ଜାପାନରୁ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ଯାହାକୁ ଦେଖି ଲୋକଙ୍କ ହୋସ୍ ଉଡ଼ିଯାଇଛି। ଜଣେ ବୁଡ଼ୁଥିବା ଯୁବତୀଙ୍କୁ ଉଦ୍ଧାର କରିବା ପାଇଁ ଦମକଳ ବାହିନୀ ଓ ପୋଲିସ ବହୁ କସ୍ରତ କରିଥିଲେ। ହେଲେ ଶେଷରେ ଦେଖିବା ବେଳକୁ ସେମାନେ ଭ୍ରମରେ ପଡ଼ିଯାଇଥିବା ଜାଣିବାକୁ ପାଇଥିଲେ। ସୂଚନାଯୋଗ୍ୟ, ଗତ କିଛି ଦିନ ତଳେ ଜାପାନର ହାକିନୋହେ ସହରର ଉପକୂଳବର୍ତ୍ତୀ ଅଞ୍ଚଳରେ ଜଣେ ୟୁଟ୍ୟୁବର ତନାକା ନାତ୍ସୁକି ଏକ ମାଛର ଭିଡ଼ିଓ ଉତ୍ତୋଳନ କରୁଥିବା ସମୟରେ ହଠାତ୍ ଜଣେ ଯୁବତୀ ବୁଡ଼ୁଥିବାର ଦେଖିବାକୁ ପାଇଥିଲେ। ଆଉ ତାଙ୍କୁ ଉଦ୍ଧାର କରିବା ପାଇଁ ଘଟଣାସ୍ଥଳରେ ପୋଲିସ, ଦମକଳବାହୀନି ଓ ଆମ୍ବୁଲାନ୍ସ ପହଞ୍ଚିଥିଲା। ଯୁବତୀଙ୍କୁ ଉଦ୍ଧାର ପାଇଁ ପୋଲିସ ଓ ଦମକଳବାହିନୀ ବହୁ କସ୍ରତ କରିଥିଲେ। ଉଦ୍ଧାର କରିବା ପରେ ଯୁବତୀଙ୍କୁ ନିରେଖି ଦେଖିବା ବେଳକୁ ସେ ମଣିଷ ନୁହଁନ୍ତ ବରଂ ସେକ୍ସ ଡଲ୍ ବୋଲି ଜଣାପଡ଼ିଥିଲା।
ଡଲ୍କୁ ଦେଖି ଉଦ୍ଧାରକାରୀ ଦଳ ଆଶ୍ଚର୍ଯ୍ୟ ହୋଇଯାଇଥିଲେ। ତନାକା ଏହି ଭିଡିଓକୁ ସୋସିଆଲ ମିଡିଆରେ ଭାଇରାଲ କରିଥିବା ବେଳେ ୟୁଜର୍ସ କମେଣ୍ଟ ଦେଇଛନ୍ତି। ଜଣେ ୟୁଜର୍ସ ଲେଖିଛନ୍ତି, ଲୋକଙ୍କ ପାଇଁ ଏହା ଫନି ଭିଡିଓ ହୋଇପାରେ କିନ୍ତୁ ଆମ୍ବୁଲାନ୍ସ, ପୋଲିସ ଓ ଦମକଳ ବାହିନୀଙ୍କ ପାଇଁ ଏହା ଜରୁରୀକାଳୀନ ସେବା। ଲୋକମାନେ ବୁଝିବା ଆବଶ୍ୟକ ଯେ, ନିଜର ଆବର୍ଜନାକୁ ସଠିକ୍ ଭାବରେ ପକାଇବା ଉଚିତ୍ ବୋଲି ଯୁଜର୍ସ କମେଣ୍ଟ କରିଛନ୍ତି। ସୂଚନାଯୋଗ୍ୟ, ଜାପାନରେ ପ୍ରତି ବର୍ଷ ୨ହଜାର ସେକ୍ସ୍ ଡଲ୍ ବିକ୍ରି କରାଯାଏ। ଏହି ଡଲ୍ଗୁଡ଼ିକୁ ନିର୍ଦ୍ଧିଷ୍ଟ ଭାବେ ପୋତାଯିବା କିମ୍ବା ଜଳାଯିବାର ବ୍ୟବସ୍ଥା କରାଯାଇଥାଏ। ହେଲେ କିଛି ବ୍ୟକ୍ତି ଏହାକୁ ଏଭଳି ନ କରି ଏତେତେଣେ ଫୋପାଡ଼ିଦେଉଥିବା ଦେଖିବାକୁ ମିଳିଛି।