ଶ୍ରୀନଗର,୨୧।୩: ଜମ୍ମୁ-କଶ୍ମୀରରେ ଟେରର ଫଣ୍ଡିଂ ମାମଲାରେ ଜାତୀୟ ଅନୁସନ୍ଧାନ ଏଜେନ୍ସି (ଏନ୍ଆଇଏ) ମଙ୍ଗଳବାର ସକାଳେ ଶ୍ରୀନଗରରେ ଆଉ ଜଣେ କଶ୍ମୀରୀ ଖବରଦାତାଙ୍କୁ ଗିରଫ କରିଛି। ଗିରଫ ହୋଇଥିବା ଖବରଦାତା ଫ୍ରିଲାନ୍ସର୍ ଇରଫାନ ମେହରାଜ ବୋଲି ଜଣାପଡିଛି। ଦିଲ୍ଲୀର ଏନ୍ଆଇଏର ଏକ ସ୍ବତନ୍ତ୍ର ଟିମ୍ ଦ୍ୱାରା ମେହରାଜଙ୍କୁ ଶ୍ରୀନଗରରୁ ଗିରଫ କରାଯାଇଥିଲା। ଇରଫାନ ଶ୍ରୀନଗରର ମହଜୁର୍ ନଗର ଅଞ୍ଚଳର ବାସିନ୍ଦା। ଏନେଇ ଏନ୍ଆଇଏ ଦିଲ୍ଲୀର ଜଣେ ଅଧିକାରୀ ସୂଚନା ଦେଇଛନ୍ତି। କେନ୍ଦ୍ର ସରକାର ସୂଚନା ପାଇଥିଲେ ଯେ,ସ୍ବାସ୍ଥ୍ୟ, ଶିକ୍ଷା ପରି ଲୋକଙ୍କ କଲ୍ୟାଣ ପାଇଁ କାର୍ଯ୍ୟ ନାମରେ କିଛି ଏନ୍ଜିଓ ସର୍ବସାଧାରଣରେ ଟଙ୍କା ସଂଗ୍ରହ କରୁଛନ୍ତି। ଆଉ ଏହି ଏନ୍ଜିଓଗୁଡ଼ିକ ମଧ୍ୟରୁ କେତେକ ଲସ୍କର-ଇ-ତୋଏବା, ହିଜାବ-ଉଲ୍-ମୁଜାହିଦ୍ଦିନ ଭଳି ଆତଙ୍କବାଦୀ ସଂଗଠନ ସହିତ ଲିଙ୍କ୍ ରହିଛି। ଏମାନେ କଶ୍ମୀର ଘାଟିରେ ଆତଙ୍କବାଦୀ କାର୍ଯ୍ୟକଳାପକୁ ପ୍ରୋତ୍ସାହିତ କରିବାକୁ ପାଣ୍ଠି ସଂଗ୍ରହ କରୁଛନ୍ତି ବୋଲି ଅଧିକାରୀ ଜଣକ କହିଛନ୍ତି।
