ଶ୍ରୀନଗର,୧୬।୧୦: କଶ୍ମୀରୀ ପଣ୍ଡିତ ପୁରନ କୃଷ୍ଣ ଭଟ୍ଟଙ୍କୁ ଶନିବାର ଶୋପିୟାନ୍ରେ ହତ୍ୟା କରାଯାଇଥିଲା। ଏହି ଘଟଣା ପୁଣି ଥରେ ସମଗ୍ର ଦେଶକୁ ଥରାଇ ଦେଇଛି। ପୁରନଙ୍କ ହତ୍ୟା ହେବାର କିଛି ଘଣ୍ଟା ପରେ ଆତଙ୍କବାଦୀ ସଂଗଠନ କଶ୍ମୀର ଫ୍ରିଡମ ଫାଇଟର୍ସ (କେଏଫଏଫ) ଏହି ଆକ୍ରମଣ ପାଇଁ ଦାୟୀ ବୋଲି ଦାବି କରିଛି। ଏହି ଘଟଣା ପରେ ସମଗ୍ର ଶୋପିଆନରେ ଭୟର ବାତାବରଣ ଦେଖାଦେଇଛି। ପୁରନଙ୍କ ଭଉଣୀ କହିଛନ୍ତି – ଘାଟିରେ କୌଣସି ହିନ୍ଦୁ ରହିବେ ନାହିଁ, ଆତଙ୍କବାଦୀମାନେ ସମସ୍ତ କଶ୍ମୀରୀ ପଣ୍ଡିତଙ୍କୁ ହତ୍ୟା କରିବେ।
ଦକ୍ଷିଣ କଶ୍ମୀରର ଶୋପିଆନ ଜିଲାରୁ ମୃତଦେହ ଅଣାଯିବା ପରେ ତାଙ୍କ ପରିବାର ତାଙ୍କୁ ଜମ୍ମୁରେ ଶବଦାହ କରିଛନ୍ତି। ପୁରନଙ୍କ ସ୍ତ୍ରୀ, ଗୋଟିଏ ଝିଅ ଏବଂ ଗୋଟିଏ ପୁଅ ଅଛନ୍ତି। ପୁରନ ସେଓ ବଗିଚା ତଦାରଖ ପାଇଁ ଶୋପିଆନ ଆସିଥିଲେ।
