ଶ୍ରୀନଗର,୨।୬: ଜମ୍ମୁର ରାଜୌରୀ ଜିଲାର ଦସଲ ଅଞ୍ଚଳରେ ସୁରକ୍ଷାବାହିନୀ ଏବଂ ଆତଙ୍କବାଦୀଙ୍କ ମଧ୍ୟରେ ଏନକାଉଣ୍ଟର ହୋଇଛି। ଏହି ଏନକାଉଣ୍ଟରରେ ଜଣେ ଆତଙ୍କବାଦୀ ନିହତ ହୋଇଛନ୍ତି। ଏହି ଅପରେଶନ ଶୁକ୍ରବାର ଆରମ୍ଭ ହୋଇଥିଲା। ଏହାପୂର୍ବରୁ ମେ’ରେ ମଧ୍ୟ ଏଠାରେ ସୁରକ୍ଷାବାହିନୀ ଏବଂ ଆତଙ୍କବାଦୀ ମୁହାଁମୁହିଁ ହୋଇଥିଲେ। ଯେଉଁଥିରେ ପାଞ୍ଚଜଣ ସୁରକ୍ଷାବାହିନୀ ଶହୀଦ ହୋଇଥିଲେ।
ସୂଚନାଯୋଗ୍ୟ, ଆତଙ୍କବାଦୀମାନେ ରାଜୌରୀ ଦସଲ ଅଞ୍ଚଳରେ ଲୁଚି ରହିଥିବା ଶୁକ୍ରବାର ସୁରକ୍ଷାବାହିନୀ ସୂଚନା ପାଇଥିଲେ। ଯାହା ପରେ ସର୍ଚ୍ଚ ଅପରେଶନ ଆରମ୍ଭ ହୋଇଥିଲା। ସର୍ଚ୍ଚ ଅପରେଶନ ସମୟରେ ଯେତେବେଳେ ଆତଙ୍କବାଦୀମାନେ ସୁରକ୍ଷାବାହିନୀ ଆସୁଥିବାର ଦେଖି ସେମାନେ ଗୁଳି ଚଳାଇବା ଆରମ୍ଭ କରିଥିଲେ। ସୁରକ୍ଷା ବାହିନୀ ମଧ୍ୟ ପ୍ରତିବଦଳରେ ଆତଙ୍କବାଦୀଙ୍କ ଉପରକୁ ଗୁଳି ଚଳାଇଥିଲେ। ଯେଉଁଥିରେ ଜଣେ ଆତଙ୍କବାଦୀ ନିହତ ହୋଇଛନ୍ତି।
