ଥିରୁଭାନନ୍ତପୁରମ,୬।୧୧ : ଜମ୍ମୁ-କଶ୍ମୀରକୁ ନେଇ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ଏକ ବଡ଼ ସଙ୍କେତ ଦେଇଛନ୍ତି। ୧୪ ତମ ଅର୍ଥ ଆୟୋଗର ସୁପାରିଶ ବିଷୟରେ ସୂଚନା ଦେଇ ସେ ପାଣ୍ଠି ବଣ୍ଟନ ସମ୍ବନ୍ଧରେ ସେ ଗୁରୁତ୍ୱପୂର୍ଣ୍ଣ କଥା କହିଥିଲେ। ଥିରୁଭାନନ୍ତପୁରମରେ ଏହି କାର୍ଯ୍ୟକ୍ରମରେ ସେ କହିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବିନା ଦ୍ୱିଧାରେ ୨୦୧୪-୧୫ରେ ୧୪ ତମ ଅର୍ଥ ଆୟୋଗର ସୁପାରିଶକୁ ଗ୍ରହଣ କରିଛନ୍ତି ଯେ ସମସ୍ତ ଟିକସର ୪୨ ପ୍ରତିଶତ ରାଜ୍ୟକୁ ଦିଆଯାଉ। ଅର୍ଥମନ୍ତ୍ରୀଙ୍କ ଅନୁଯାୟୀ, ସେହି ସମୟରେ ଅର୍ଥ ଆୟୋଗ କହିଥିଲେ ଯେ ଏହାକୁ ୪୨ ପ୍ରତିଶତକୁ ବୃଦ୍ଧି କରାଗଲେ, କମ ପରିମାଣ କେନ୍ଦ୍ର ସରକାରଙ୍କ ହାତରେ ରହିବ।
ମାତ୍ର ଏହି ପ୍ରସଙ୍ଗରେ କୌଣସି ବିଳମ୍ବ ନକରି ପ୍ରଧାନମନ୍ତ୍ରୀ ମୋଦୀ ଅର୍ଥ ଆୟୋଗର ସୁପାରିଶକୁ ଗ୍ରହଣ କରିଛନ୍ତି। ଏହି କାରଣରୁ ଆଜି ରାଜ୍ୟଗୁଡିକ ଏହି ରାଶିର ୪୨ ପ୍ରତିଶତ ପାଇଛନ୍ତି। ଅନ୍ୟପକ୍ଷରେ, ଜମ୍ମୁ-କଶ୍ମୀରକୁ ୪୧ ପ୍ରତିଶତ ଅର୍ଥ ମିଳିଥାଏ। ଏହାର କାରଣ ଏହା ରାଜ୍ୟ ନୁହେଁ। ଶୀଘ୍ର ଏହା ରାଜ୍ୟ ମାନ୍ୟତା ପାଇବ ବୋଲି ସେ ସଙ୍କେତ ଦେଇଛନ୍ତି।
ସୂଚନାଯୋଗ୍ୟ, ୨୦୧୯ ସେପ୍ଟେମ୍ବର ୫ରେ କେନ୍ଦ୍ର ସରକାର ଜମ୍ମୁ-କଶ୍ମୀରରୁ ଧାରା ୩୭୦କୁ ହଟାଇ ଦେଇଛନ୍ତି। ସେବେଠାରୁ ଜମ୍ମୁ-କଶ୍ମୀର ଏକ ୟୁନିଅନ ଟେରିଟୋରୀ ମାନ୍ୟତା ପାଇଲା। ସେତେବେଳେ ସରକାର ଲଦାଖକୁ ଜମ୍ମୁ-କଶ୍ମୀରରୁ ଅଲଗା କରି ୟୁନିଅନ ଅଞ୍ଚଳ କରିଥିଲେ। ସ୍ବରାଷ୍ଟ୍ରମନ୍ତ୍ରୀ ଅମିତ ଶାହା ସେତେବେଳେ କହିଥିଲେ ଯେ ଜମ୍ମୁ-କଶ୍ମୀର ଠିକ ସମୟରେ ରାଜ୍ୟର ମାନ୍ୟତା ପାଇବ। ବର୍ତ୍ତମାନ ଅର୍ଥମନ୍ତ୍ରୀଙ୍କ ଏହି ବିବୃତ୍ତି ପ୍ରମାଣ କରିଛି ଯେ ଖୁବ ଶୀଘ୍ର ଜମ୍ମୁ-କଶ୍ମୀରକୁ ରାଜ୍ୟର ମାନ୍ୟତା ଦିଆଯାଇପାରେ।
