କାଇଭ୍, ୩।୨ : ରୁଷିଆ ଏବଂ ୟୁକ୍ରେନ ମଧ୍ୟରେ ସମ୍ଭାବ୍ୟ ଯୁଦ୍ଧ ସଙ୍କଟ ସୃଷ୍ଟି ହୋଇଛି। ଏପରିସ୍ଥଳେ ୟୁକ୍ରେନର ରାଷ୍ଟ୍ରପତି ବ୍ଲାଡିମୀର ଜେେଲେକେସ୍କି ଶାନ୍ତି ଉପରେ ଗୁରୁତ୍ୱାରୋପ କରୁଛନ୍ତି। ୟୁକ୍ରେନର ବୈଦେଶିକ ମନ୍ତ୍ରୀ ଦମୟେତ୍ରୋ କୁଲେବା ରୁଷିଆ ଶାନ୍ତ ପ୍ରୟାସ ନେଇ ଭାରତକୁ ନିବେଦନ କରିଛନ୍ତି। ସେ କହିଛନ୍ତି ଏହାର ପ୍ରଭାବ ନିଶ୍ଚିତ ଅନୁଭୁତ ହେବ। ଭାରତୀୟ ଗଣମାଧ୍ୟମ ଦ୍ୱାରା ପଚରାଯାଇଥିବା ପ୍ରଶ୍ନର ଉତ୍ତରରେ କୁଲେବା କହିଛନ୍ତି ଯେ ୟୁକ୍ରେନ ଏକ ବନ୍ଧୁ ଏବଂ ଭାରତର ଅଂଶୀଦାର ବୋଲି ଭାରତ ସ୍ପଷ୍ଟ ଭାବରେ ରୁଷିଆକୁ କହିପାରିବ। ସାଂପ୍ରତିକ ସଙ୍କଟର ସମାଧାନ ପାଇଁ ସାମରିକ କିମ୍ବା ଆଭ୍ୟନ୍ତରୀଣ ସ୍ତରରେ ଅସ୍ଥିରତା ଆଣିବା ପାଇଁ ରୁଷିଆର କୌଣସି ପ୍ରୟାସକୁ ଭାରତ ଗ୍ରହଣୀୟ ନୁହେଁ ବୋଲି ବିବେଚନା କରୁଛି। ସେ କହିଛନ୍ତି, ’ଯଦି ରୁଷିଆ ଭାରତ ସରକାରଙ୍କଠାରୁ ଏହା ଶୁଣେ, ତେବେ ଏହା ଏକ ଦୃଢ଼ ସକାରାତ୍ମକ ବାର୍ତ୍ତା ସୃଷ୍ଟି କରିବ। ମିଳିତ ଜାତିସଂଘ ସୁରକ୍ଷା ପରିଷଦରେ ୟୁକ୍ରେନ ପ୍ରସଙ୍ଗରେ ମତଦାନକୁ ଭାରତ ଏଡ଼ାଇ ଦେଇଛି। ଫଳରେ ଭାରତ ଏହି ପ୍ରସଙ୍ଗରେ କୌଣସି ପକ୍ଷକୁ ସମର୍ଥନ କରିବାକୁ ଚାହୁଁନାହିଁ। ଯଦି ରୁଷିଆ ସପକ୍ଷରେ ଭାରତ ଭୋଟ ଦେଇଥାନ୍ତା, ତେବେ ଆମେରିକା ସମେତ ବହୁ ପାଶ୍ଚାତ୍ୟ ଦେଶକୁ କ୍ରୋଧିତ କରିଥାନ୍ତେ। ଅପରପକ୍ଷରେ, ଯଦି ଭାରତ ୟୁକ୍ରେନକୁ ସମର୍ଥନ କରିଥାନ୍ତା, ତେବେ ରୁଷିଆ ସହିତ ସମ୍ପର୍କ ଉପରେ ଏହାର ଗୁରୁତର ପ୍ରଭାବ ପଡିଥାନ୍ତା। ଏଭଳି ପରିସ୍ଥିତିରେ ଭାରତ ମଧ୍ୟମ ରାସ୍ତା ବାଛିବା ସହ ଭୋଟ ଦେବା ଠାରୁ ଦୂରତା ରକ୍ଷା କରିଥିଲା। ଭାରତର ଏଭଳି ଆଭିମୁଖ୍ୟକୁ ଦୃଷ୍ଟିରେ ରଖି ୟୁକ୍ରେନ୍ ଶାନ୍ତି ପ୍ରୟାସ କ୍ଷେତ୍ରରେ ସହାୟତା ଲୋଡ଼ିଛି।
