ଯାଜପୁର ଟାଉନ,୨୬ା୧୦(ଡି.ଏନ.ଏ.): ଯାଜପୁରର ଗଣପର୍ବ କାଳୀପୂଜା ସୋମବାର ରାତିରୁ ଆରମ୍ଭ ହୋଇଛି। ଚଳିତ ବର୍ଷ ସୂର୍ଯ୍ୟ ପରାଗ ଯୋଗୁ ରାତି ୧୦ଟା ସମୟରେ ବୈତରଣୀ ନଦୀରେ କଳସ ବୁଡା କାର୍ଯ୍ୟକ୍ରମ ଶେଷ ହୋଇଥିଲା ା ଏହାପରେ ପାରମ୍ପରିକ ରୀତିନୀତି ଅନୁଯାୟୀ ବିଭିନ୍ନ ମଣ୍ଡପରେ ମା’ କାଳୀଙ୍କ ପୂଜା ଅନୁଷ୍ଠିତ ହୋଇଥିଲା ା ଭୋର ୪.୪୦ମିନିଟ୍ ସୁଦ୍ଧା ପୂଜା କାର୍ଯ୍ୟକୁ ଶେଷ କରାଯାଇଥିଲା ା ସେହିପରି ଶନିବାର ରାତିରୁ ବିଭିନ୍ନ ମଣ୍ଡପରେ ଲକ୍ଷ୍ମୀ ନାରାୟଣଙ୍କ ପୂଜା ଆରମ୍ଭ ହୋଇଥିଲା ା
କରୋନା କଟକଣା ଯୋଗୁ ଗତ ୨ବର୍ଷ ବିନା ଶ୍ରଦ୍ଧାଳୁରେ ପୂଜା ହୋଇଥିଲା ା ଚଳିତ ବର୍ଷ ଶ୍ରଦ୍ଧାଳୁମାନଙ୍କ ଉତ୍ସାହ ଓ ପୂଜାକମିଟି କର୍ମକର୍ତ୍ତାଙ୍କ ସହଯୋଗରେ ଖୁବ୍ ଧୁମ୍ଧାମରେ ପୂଜା ଚାଲିଛି ା ପ୍ରତି ପୂଜାମଣ୍ଡପକୁ ବିଭିନ୍ନ ପ୍ରକାରର ଆଲୋକ ମାଳା ଓ ତୋରଣରେ ସଜା ଯାଇଛି। ସୂର୍ଯ୍ୟ ପରାଗ ଯୋଗୁ ମଙ୍ଗଳବାର ଶ୍ରଦ୍ଧାଳୁଙ୍କ ଭିଡ଼ ଦେଖିବାକୁ ମିଳି ନ ଥିଲା। ହେଲେ ସମଗ୍ର ସହର ସନ୍ଧ୍ୟା ହେବା ମାତ୍ରେ ଚଳଚଞ୍ଚଳ ହୋଇଉଠିଥିଲା ା ସବୁଠି ରଙ୍ଗୀନ ଆଲୋକ ମାଳାରେ ଝଲ୍ମଲ୍ ହୋଇଉଠିଥିଲା ା ସେହିପରି ସହରବାସୀ ନିଜ ଘରକୁ ବି ବିଦ୍ୟୁତ୍ ଆଲୋକମାଳାରେ ସଜାଇଛନ୍ତି ା ପ୍ରତିବର୍ଷ ଏହି ପୂଜାର ମାହୋଲ ବଢ଼ି ବଢ଼ି ଚାଲିଛି ା ଚଳିତବର୍ଷ ଯାଜପୁର ସହର ଓ ଏହାର ଆଖପାଖ ଅଞ୍ଚଳରେ ୫୬ରୁ ଊର୍ଦ୍ଧ୍ୱ ଶ୍ୟାମାକାଳୀ ଓ ଲକ୍ଷ୍ମୀନାରାୟଣଙ୍କ ମେଢ଼ ହେଇଛି ା
ଯାଜପୁର ସହରର ସର୍ବପୂରାତନ ବାହାବଳପୁର ଗରୁଡ଼କାଳୀଙ୍କଠାରୁ ପ୍ରାଚୀନ ସଦାବ୍ରତମଠ ଓ ଗରିଆପୁରଠାରେ ଶ୍ୟାମାକାଳୀଙ୍କ ପୂଜାର୍ଚ୍ଚନା ଆଧ୍ୟାମତ୍ିକତା ପରିବେଶ ସୃଷ୍ଟି କରିଛି। ସେହିପରି ସାନବଜାର, ବଡବଜାର, ନାରାୟଣଛକ, ଯୋଡିକୂଅ, ଶୀତଳେଶ୍ୱର, ବିରଜାହାଟ, ଡେଲିମାର୍କେଟ, କିଆନାଳିକୂଳ, ବୈଦ୍ୟରାଜପୁର, ମାନସାପୋଲ, ଟାଉନ ହଲ, କଚେରୀ ବଜାର, ସରକାରୀ ବସଷ୍ଟାଣ୍ଡ, ଭାବାନୀଗଞ୍ଜ, ବିରଜା ସିନେମାହଲ, ହାବେଳି ବଜାର, ଜାଉଁଳି ବନ୍ଧ, ଟ୍ୟାକ୍ସି ଷ୍ଟାଣ୍ଡ, ଖଣ୍ଡେଶ୍ୱର, କୁଆଁସରପୁର, ଅମ୍ବିକାଇଛକ, ଲଳିତେଶ୍ୱର, କଲେଜ ଛକ, ରକ୍ଷାକାଳୀ, ଷ୍ଟେଟବ୍ୟାଙ୍କ, ମାର୍କଣ୍ଡପୁର ଆଦି ସ୍ଥାନରେ ତୋରଣ ଓ ଆଲୋକମାଳା ଆକର୍ଷଣୀୟ ହୋଇଛି ା ଚଳିତବର୍ଷ ପୂଜା କମିଟି ପକ୍ଷରୁ ପ୍ରତି ସନ୍ଧ୍ୟାରେ ସାଂସ୍କୃତିକ କାର୍ଯ୍ୟକ୍ରମ ଆୟୋଜନ କରାଯାଉଛି। ଅସ୍ଥାୟୀ ଦୋକାନ,ବଜାରରେ ଭିଡି ଜମିଛି ା ବିଭିନ୍ନ ସ୍ଥାନରେ ଆଇନଶୃଙ୍ଖଳା ପରିସ୍ଥିତି ଉପରେ ପୋଲିସ ନଜର ରଖିଛି ା
