ଜୟପୁର,୧୧।୮: ରାଜସ୍ଥାନର ଜୟପୁରର ଏକ ଘରୋଇ ଡାକ୍ତରଖାନାରେ ଜଣେ ରୋଗୀଙ୍କ ଏକ ନିଆରା ଅପରେଶନ କରିଛନ୍ତି ଡାକ୍ତର। ବିଶେଷ କଥା ହେଉଛି ରୋଗୀକୁ ଚେତାଶୂନ୍ୟ ନ କରି ତାଙ୍କର ବ୍ରେନ୍ ଟ୍ୟୁମରର ଅପରେଶନ କରାଯାଇଛି। ଅପରେଶନ ରୋଗୀ ଗାୟତ୍ରୀ ମନ୍ତ୍ର ଜପ କରିଥିଲେ ସେପଟେ ଡାକ୍ତରମାନେ ଅପରେଶନ ଜାରି ରଖିଥିଲେ। ଅସ୍ତ୍ରୋପଚାର ପ୍ରାୟ ଚାରି ଘଣ୍ଟା ଧରି ଚାଲିଥିଲା। ଏଥିରେ ହାଇ ଆଣ୍ଡ ମାଇକ୍ରୋସ୍କୋପ ବ୍ୟବହୃତ ହୋଇଥିଲା। ଏହା ମସ୍ତିଷ୍କ ଭିତରକୁ ଅତି ନିକଟରୁ ଦେଖିବାରେ ସାହାଯ୍ୟ କରିଥିଲା। ଡାକ୍ତରଙ୍କ କହିବାନୁସାରେ, ସେନାରୁ ଅବସର ନେଇଥିବା ୫୭ ବର୍ଷୀୟ ହାବିଲଦାର ରିଡମଲ ରାମ ବାରମ୍ବାର ଏପିଲିପଟିକ ଆକ୍ରାନ୍ତ ହୋଇଥିଲେ। ଏହି କାରଣରୁ, ତାଙ୍କ ସ୍ବର କିଛି ସମୟ ଚାଲିଯାଉଥିଲା। ପରେ ପରୀକ୍ଷାରୁ ଜଣାପଡିଥିଲା ଯେ ତାଙ୍କର ବ୍ରେନ୍ ଟ୍ୟୁମର ହୋଇଛି। ଏହି ଅସ୍ତ୍ରୋପଚାର ରୋଗୀର କଥା କହିବା କ୍ଷମତାକୁ ପ୍ରଭାବିତ କରିପାରେ ଏବଂ ପକ୍ଷାଘାତ ରୋଗ ହେବାର ଆଶଙ୍କା ମଧ୍ୟ ରହିଥିଲା। ଅସ୍ତ୍ରୋପଚାର ସମୟରେ ଏକ ଛୋଟ ଭୁଲ ମଧ୍ୟ ରୋଗୀ କଥା କହିବାର କ୍ଷମତା ହରାଇପାରେ। ସେଥିପାଇଁ ତାଙ୍କୁ ଚେତାଶୂନ୍ୟ ନ କରି ଅପରେଶନ କରାଯାଇଥିଲା। ଅସ୍ତ୍ରୋପଚାର ସମୟରେ ରୋଗୀଙ୍କୁ ବାରମ୍ବାର ଆଙ୍ଗୁଠି ଚଳାଇବାକୁ ନିର୍ଦ୍ଦେଶ ଦିଆଯାଇଥିଲା।
ନ୍ୟୁରୋ ସର୍ଜନ ଡକ୍ଟର କେ.କେ ବଂଶଲ କହିଛନ୍ତି ଯେ, ସାଧାରଣ ଅସ୍ତ୍ରୋପଚାରରେ ରୋଗୀ ବସିଥାନ୍ତି। କିନ୍ତୁ ଏହି କ୍ଷେତ୍ରରେ, ଏକ ଛୋଟ ଭୁଲ ହେତୁ ରୋଗୀର ସ୍ବର ସବୁଦିନ ପାଇଁ ହରାଇବାର ବିପଦ ରହିଥିଲା। ତେଣୁ ଏଥିରେ ରୋଗୀଙ୍କୁ ଗାୟତ୍ରୀ ମନ୍ତ୍ର ଜପ କରିବାକୁ ଏବଂ ଆଙ୍ଗୁଳି ଚଳାଇବାକୁ କୁହାଯାଇଥିଲା।
