ନାଁକୁ ଚାଲିଛି ଜଗତ୍‌ସିଂହପୁର ମୃତ୍ତିକା ସଂରକ୍ଷଣ ବିଭାଗ

ଜଗତସିଂହପୁର ଅଫିସ,୧୪ା୧୦: ରାଜ୍ୟ ସରକାର ମୃତ୍ତିକା ସଂରକ୍ଷଣ ଉପରେ ଗୁରୁତ୍ୱାରୋପ କରୁଥିବା କୁହାଯାଉଛି। ଏନେଇ ଓଡ଼ିଶା ମୃତ୍ତିକା ସଂରକ୍ଷଣ ଓ ଜଳ ବିଭାଜିକା ଉନ୍ନୟନ ନିର୍ଦ୍ଦେଶାଳୟ କାର୍ଯ୍ୟ କରୁଛି। ବିଭାଗର ୮ମ ବାର୍ଷିକ ଯୋଜନାରେ ୩ ଗୁରୁତ୍ୱପୂର୍ଣ୍ଣ ପ୍ରକଳ୍ପ ରାଜ୍ୟ ଯୋଜନା(ଷ୍ଟେଟ ପ୍ଲାନ)ରେ କରାଯିବା ଉପରେ ପ୍ରାଧାନ୍ୟ ଦିଆଯାଇଥିଲା। ସେଗୁଡିକ ହେଲା ସମନ୍ବିତ ଜଳଛାୟା ଉନ୍ନୟନ ପ୍ରକଳ୍ପ (ଆଇଡବ୍ଲ୍ୟୁଏମ୍‌ପି), ବର୍ଷା ହେଉଥିବା ଅଞ୍ଚଳ ପାଇଁ ଜାତୀୟ ଜଳ ଛାୟା ଉନ୍ନୟନ ପ୍ରକଳ୍ପ (ଏନ୍‌ଡବ୍ଲ୍ୟୁଡିପିଆର୍‌ଏ) ଏବଂ ଇଣ୍ଡୋ-ଡେନିସ୍‌ କମ୍ପ୍ରେହେନ୍‌ଶିପ୍‌ ୱାଟରଶେଡ୍‌ ଡେଭଲପମେଣ୍ଟ ପ୍ରକଳ୍ପ (ଆଇଡିସିଡବ୍ଲ୍ୟୁଡିପି)। ଜମିର ଅବକ୍ଷୟ ରୋକିବା ସାଙ୍ଗକୁ ପରିବେଶକୁ ଠିକ ରଖିବା ଏହାର ଲକ୍ଷ୍ୟ ଥିଲା। ଏଥିସହ ଆଦର୍‌ରତା ଧରି ରଖିବା କ୍ଷମତା ବୃଦ୍ଧି ସହ ମାଟିର ଉର୍ବରତା ଓ ଉତ୍ପାଦନ କ୍ଷମତା ବଢ଼ାଇବା ଆଦି ଉଦ୍ଦେଶ୍ୟ ଥିଲା। ମୃତ୍ତିକା ସଂରକ୍ଷଣ ଦ୍ୱାରା ଭୂତଳ ଜଳସ୍ତର ନିୟନ୍ତ୍ରଣ କରିବାକୁ ସ୍ଥିର କରାଯାଇଥିଲା। ଏନେଇ ଡ୍ରଟ୍‌ ପ୍ରୋନ୍‌ ଏରିଆ ପ୍ରୋଗ୍ରାମ (ଡିପିଏପି)ରେ ଏବଂ ଇଣ୍ଟିଗ୍ରେଟେଡ୍‌ ଜଳଛାୟା ଉନ୍ନୟନ କାର୍ଯ୍ୟକ୍ରମ (ଆଇଡବ୍ଲ୍ୟୁଡିପି) ମାଧ୍ୟମରେ ନିଯୁକ୍ତି ସୁଯୋଗ ସୃଷ୍ଟି ପାଇଁ ଏମ୍ପୟମେଣ୍ଟ ଆସ୍ୟୁରାନ୍ସ ସ୍କିମ୍‌ (ଇଏଏସ୍‌) କାର୍ଯ୍ୟକାରୀ ହେଲା। ମୋଟାମୋଟି ଭାବରେ ଜଳ ଅମଳ ଉପରେ ଗୁରୁତ୍ୱାରୋପ କରାଯାଇଥିଲା। କିନ୍ତୁ ଜଗତ୍‌ସିଂହପୁର ଜିଲାରେ ଏସବୁ କେବଳ ପ୍ରହସନରେ ପରିଣତ ହୋଇଛି। ଜିଲାରେ ବିଭାଗୀୟ କାର୍ଯ୍ୟ କ’ଣ ହେଉଛି ତାହା ସାଧାରଣତଃ ବାରି ହେଉନାହିଁ। କାରଣ ବିଭାଗର ନିଜସ୍ବ କାର୍ଯ୍ୟାଳୟ ବିଲ୍ଡିଂ ନ ଥିବାବେଳେ ୨୯ ପଦବୀରୁ ୧୨ଟି ଖାଲି ପଡିଛି। କେବଳ ଏତିକି ନୁହେଁ, ରାଜ୍ୟ ସରକାର ଜିଲାର ସ୍ବାର୍ଥକୁ ଗୌଣ କରୁଥିବା ଅନୁଭବ ହେଉଛି। ଜଗତ୍‌ସିଂହପୁର ତଳିଆ ଜିଲା ହୋଇଥିବାରୁ ବର୍ଷାଦିନେ ମୃତ୍ତିକା ଅବକ୍ଷୟ ସ୍ବାଭାବିକ। ଅର୍ଥାତ୍‌ ମାଟି ନଦୀ ଓ ସମୁଦ୍ରକୁ ବୋହିଯାଉଛି। ଏହାର ସ୍ଥାୟୀ ସମାଧାନ ପାଇଁ ସରକାରୀସ୍ତରରେ କୌଣସି ଆନ୍ତରିକତା ପ୍ରକାଶ ପାଉ ନ ଥିବାରୁ ଦିନକୁ ଦିନ ଜିଲାବାସୀ କ୍ଷତିଗ୍ରସ୍ତ ହୋଇ ଚାଲିଛନ୍ତି। ଏ ସମ୍ପର୍କରେ ସ୍ଥାନୀୟ ଅଞ୍ଚଳର କେତେଜଣ ବୁଦ୍ଧିଜୀବୀ ପ୍ରତିକ୍ରିୟାରେ କହିଛନ୍ତି, ଜଗତ୍‌ସିଂହପୁର ଏକ କୃଷି ପ୍ରବଣ ଜିଲା। ଏଠାକାର ଅଧିକାଂଶ ଲୋକେ ଚାଷ ଉପରେ ନିର୍ଭର କରନ୍ତି। ପ୍ରତିବର୍ଷ ବର୍ଷାଦିନେ ଜିଲାର ଅଧିକାଂଶ ଅଞ୍ଚଳ ଜଳ ଦ୍ୱାରା ପ୍ରଭାବିତ ହୁଏ। ଆବଶ୍ୟକ ଡ୍ରେନ୍‌ ସୁବିଧା ଓ ମୃତ୍ତିକା ସଂରକ୍ଷଣ ଉପରେ ଗୁରୁତ୍ୱାରୋପ କରାଯାଉ ନ ଥିବାରୁ ମାଟି ଅବକ୍ଷୟ ହୋଇ ଚାଲିଛି । ଜିଲାରେ ନାଁକୁ ଚାଲିଛି ମୃତ୍ତିକା ସଂରକ୍ଷଣ ବିଭାଗ। ଏହି ଅଭିଯୋଗକୁ କେତେକାଂଶରେ ସ୍ବୀକାର କରିଛନ୍ତି ଜଗତ୍‌ସିଂହପୁରସ୍ଥିତ ମୃତ୍ତିକା ସଂରକ୍ଷଣ ସହକାରୀ ନିର୍ଦ୍ଦେଶକ (ଏଡିଏସ୍‌ସି) ପ୍ରସନ୍ନ ପାତ୍ର। ସେ କହିଛନ୍ତି, ବିଭାଗ ନାଁରେ ୨୫ ଡେସିମିଲ୍‌ ଜମି ଅଛି, କିନ୍ତୁ କାର୍ଯ୍ୟାଳୟ ବିଲ୍ଡିଂ ନାହିଁ। ଆର୍‌କେଭିୱାଇ (ରାଷ୍ଟ୍ରୀୟ କୃଷି ବିକାଶ ଯୋଜନା) କାର୍ଯ୍ୟକାରୀ ଉଦ୍ଦେଶ୍ୟରେ ଥିବା ବିଭାଗୀୟ ରିସୋର୍ସ ସେଣ୍ଟର ଓ ଟ୍ରେନିଂ ହଲ୍‌ରେ ଦୀର୍ଘ ବର୍ଷ ଧରି କାମଚଳା ଭାବେ ଏହି କାର୍ଯ୍ୟାଳୟ ଚାଲିଛି। ଏଠାରେ ଖାଲିପଡ଼ିଥିବା ପଦବୀ ମଧ୍ୟରୁ ଚଳିତ ମାସରେ କେବଳ ୫ ଜଣ ନିୟୁକ୍ତି ପାଇଛନ୍ତି। ଆଉ ୧୨ ଖାଲି ପଡ଼ିଥିବା ପଦବୀଗୁଡ଼ିକ ହେଲା ୨ ସହକାରୀ ମୃତ୍ତିକା ସଂରକ୍ଷଣ ଅଧିକାରୀ (ଏଏସ୍‌ସିଓ), ୨ କନିଷ୍ଠ ସହାୟକ, ୪ ମୃତ୍ତିକା ସଂରକ୍ଷଣ ସମ୍ପ୍ରସାରଣ କର୍ମୀ (ଏସ୍‌ସିଇଡବ୍ଲ୍ୟୁ), ୨ ପିଅନ ଓ ଗୋଟିଏ ଲେଖାଏ ମୃତ୍ତିକା ସଂରକ୍ଷଣ ସହାୟକ ଏବଂ ଚୌକିଦାର ପଦବୀ। ଗତବର୍ଷ କିଛି ଅଞ୍ଚଳରେ ଚାରାରୋପଣ କରାଯାଇଥିଲା। ଏବର୍ଷ ସରକାର ବନ୍ଦ କରି ଦେଇଛନ୍ତି । ବିଭାଗରୁ ଆଉ ଅନୁଦାନ ଆସୁନି । କେବଳ ମହାତ୍ମା ଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ କର୍ମ ନିଯୁକ୍ତି ଯୋଜନା (ଏମ୍‌ଜିଏନ୍‌ଆର୍‌ଇଜିଏସ୍‌)ରେ ଫାର୍ମ ପଣ୍ଡ ଖୋଳା କାମ ଚାଲିଥିବା ପାତ୍ର ସୂଚନା ଦେଇଛନ୍ତି । ଏହା ଉପରେ ଜିଲା ପ୍ରଶାସନ, ଲୋକ ପ୍ରତିନିଧି ସର୍ବୋପରି ରାଜ୍ୟ ସରକାର ଗୁରୁତ୍ୱାରୋପ କରି ଦେଖାଦେଇଥିବା ସମସ୍ୟାର ସମାଧାନ ପାଇଁ ପଦକ୍ଷେପ ନେବାକୁ ସାଧାରଣରେ ଦାବି ହୋଇଛି ।


Enter your email to get our daily news in your inbox.

All Right Reserved By Dharitri.Com

ପଦ୍ମପୁର ଆସନରେ ପ୍ରାର୍ଥୀ ଘୋଷଣା ଦ୍ୱନ୍ଦ୍ୱ

ପଦ୍ମପୁର,୨୮।୩. (ପ୍ରଦୀପ୍ତ ଦାଶ): ବରଗଡ଼ ଜିଲାରେ ଥିବା ବିଧାନସଭା ଆସନ ପାଇଁ ବିଜେଡି ବୁଧବାର ପ୍ରାର୍ଥୀ ଘୋଷଣା କରିଛି। କିନ୍ତୁ ପଦ୍ମପୁର ବିଧାନସଭା ଆସନ ପାଇଁ...

ମା’ ପୁଅଙ୍କୁ ହତ୍ୟା କଲେ ମାଓବାଦୀ

ରାଉରକେଲା,୨୮।୩(ସଙ୍ଗୀତା ଜେନା): ଓଡ଼ିଶା-ଝାଡ଼ଖଣ୍ଡ ସୀମାବର୍ତ୍ତୀ ପଶ୍ଚିମ ସିଂହଭୂମ ଚାଇଁବାସା ଅଞ୍ଚଳରେ ମାଓବାଦୀମାନେ ଜଣେ ବୃଦ୍ଧା ଓ ତାଙ୍କ ପୁଅଙ୍କୁ ହତ୍ୟା କରିଛନ୍ତି। ମୃତକ ହେଲେ ଚାଇଁବାସା...

ବସ୍‌ ଧକ୍କାରେ ଚାଲିଗଲା ଜୈନ ସନ୍ନ୍ୟାସିନୀଙ୍କ ଜୀବନ

ଫୁଲନଖରା,୨୮ା୩(ସତ୍ୟରଞ୍ଜନ ଦାସମହାପାତ୍ର): ଭୁବନେଶ୍ୱର-କଟକ ୧୬ ନମ୍ବର ଜାତୀୟ ରାଜପଥର ବମ୍ଫକୁଦ ନିକଟରେ ଏକ ଯାତ୍ରୀବାହୀ ବସ୍‌ ଧକ୍କାରେ ଜଣେ ଜୈନ ସନ୍ନ୍ୟାସିନୀଙ୍କ ମୃତ୍ୟୁ ଘଟିଛି। ସେ...

ମାହାଙ୍ଗା ଡବଲ ମର୍ଡର ମାମଲା: ଅନ୍ତରୀଣ ସୁରକ୍ଷା ବଳବତ୍ତର

କଟକ,୨୮ା୩ (କାର୍ତ୍ତିକ ସାହୁ) ମାହାଙ୍ଗା ଡବଲ ମର୍ଡର ମାମଲାରେ ବିଧାୟକ ପ୍ରତାପ ଜେନାଙ୍କ ଅନ୍ତରୀଣ ସୁରକ୍ଷାକୁ ହାଇକୋର୍ଟ ବଳବତ୍ତର ରଖିଛନ୍ତି। ନିମ୍ନକୋର୍ଟର ନିର୍ଦ୍ଦେଶ ବିରୋଧରେ ବିଧାୟକ...

ଦୁର୍ଘଟଣାରେ ଶ୍ୱଶୁର ମୃତ, ଜ୍ୱାଇଁ ଗୁରୁତର

ଭେଡ଼େନ,୨୮।୩ (ସୁଦନ ମହାକୁର): ବରଗଡ଼ ଜିଲା ଭେଡ଼େନ ଥାନା ଅଧୀନ ଭେଡ଼େନ-ରେମଣ୍ଡା ରାସ୍ତାର ଅପାମରା ନିକଟରେ ଗୁରୁବାର ଏକ ସଡ଼କ ଦୁର୍ଘଟଣା ଘଟିଛି। ଏକ ବାଇାକ୍‌...

କଂଗ୍ରେସରୁ ଇସ୍ତଫା ଦେଲେ ପୂର୍ବତନ ବିଧାୟକ, ବିଜେଡିରେ ଯୋଗଦେବା ସମ୍ଭାବନା

ନୂଆଦିଲ୍ଲୀ ,୨୮।୩: ବିଧାନସଭା ନିର୍ବାଚନ ପୂର୍ବରୁ ଟିଟିଲାଗଡର ପୂର୍ବତନ ବିଧାୟକ ସୁରେନ୍ଦ୍ର ସିଂ ଭୋଇ କଂଗ୍ରେସ ଦଳରୁ ଇସ୍ତଫା ଦେଇଛନ୍ତି। ତିନିଥର ପୂର୍ବତନ କଂଗ୍ରେସ ବିଧାୟକ...

ସୁଧାଂଶୁଙ୍କୁ ଗୁରୁଦାୟିତ୍ୱ ଦେଲା କଂଗ୍ରେସ

ରୂପସା,୨୮।୩(ବାଞ୍ଛାନିଧି ଦେ): ବାଲେଶ୍ୱର ଜିଲା କଂଗ୍ରେସ କମିଟି ସାଧାରଣ ସମ୍ପାଦକ ଓ ମୁଖ୍ୟ ମୁଖପାତ୍ର ସୁଧାଂଶୁ ଶେଖର ଜେନାଙ୍କୁ ପ୍ରଦେଶ କଂଗ୍ରେସ କମିଟି ପକ୍ଷରୁ ଭଦ୍ରକ...

୩୦ ହଜାର ଟଙ୍କା ଲାଞ୍ଚ ନେବା ବେଳେ ସିଟିଓ-ଜିଏସଟି ଅଧିକାରୀଙ୍କୁ ବାନ୍ଧିଲା ଭିଜିଲାନ୍ସ

ଭୁବନେଶ୍ୱର,୨୮।୩: ପୁରୀରେ ଲାଞ୍ଚ ନେଉଥିଲା ବେଳେ ବାଣିଜ୍ୟିକ ଟିକସ ଅଧିକାରୀ (ସିଟିଓ) ଏବଂ ଦ୍ରବ୍ୟ ଏବଂ ସେବା କର (ଜିଏସଟି) ଅଧିକାରୀଙ୍କୁ ଗିରଫ କରିଛି ଓଡ଼ିଶା...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri