ଜି ଉଦୟଗିରି ୨୩।୭(ଶିଶିର ପଟ୍ଟନାୟକ /ଚିନ୍ମୟ କୁମାର ସେଠୀ ): ବୁଧବାର ସନ୍ଧ୍ୟାରେ ଜି ଗୁଣ୍ଡିଚା ମନ୍ଦିରର ଆଡପ ମଣ୍ଡପରେ ଶ୍ରୀ ଜଗନ୍ନାଥଙ୍କୁ ଶ୍ରୀରାମ ବେଶ ଓ ମହାପ୍ରଭୁ ବଳଭଦ୍ରଙ୍କୁ ବଳରାମ ବେଶରେ ସଜ୍ଜିତ କରାଯାଇଥିଲା। ବଡ଼ ପଣ୍ଡା ଅଚ୍ୟୁତ ପଣ୍ଡା ଓ କାଳୁଚରଣ ପଣ୍ଡା ଠାକୁରଙ୍କୁ ବେଶ କରାଇଥିଲେ। ଚନ୍ଦ୍ରକାନ୍ତ ପଣ୍ଡା ଓ ମାନସ କୁମାର ପଣ୍ଡା ସହଯୋଗ କରିଥିଲେ। ସମସ୍ତ କାର୍ଯ୍ୟକ୍ରମକୁ ମନ୍ଦିର କମିଟି ସଭାପତି ସମୀର କୁମାର ପାଢ଼ୀ,ଉପ ସଭାପତି ସଞ୍ଜୟ କୁମାର ଆଚାର୍ଯ୍ୟ, ସମ୍ପାଦକ ଅରୁଣ କୁମାର ଷଢଙ୍ଗୀଙ୍କ ସହ ସମସ୍ତ ପରିଚାଳନା କମିଟି ସଦସ୍ୟ ପରିଚାଳନା କରିଥଲେ।